16/10/2019 14:38
728 x 90

Tramp 2020 seçkilərində rəqibi ola biləcək Baydenə qarşı hərəkətə keçdi – Zelenskidən Baydenin Ukraynadakı oğluna iş açması tələb edildi

img

ABŞ prezidenti Donald Tramp 2020-ci il seçkilərində əsas rəqibi ola biləcək Demokratlardan Co Baydeni zərərsizləşdirmək üçün hərəkətə keçib. Trampın, Baydenin oğlu Hunter Baydenə Ukraynadakı işləri ilə əlaqədar istintaq iş başladılması üçün Ukrayna Prezidenti Vladimir Zelenskiyə təzyiq etdiyinə dair xəbərlər yayılıb.

Baki-xeber.com xarici mediya istinadən xəbər verir ki, məsələ Trampın Zelenski ilə telefon danışığı zamanı gündəmə gəlib.

Avqustun 12-də ABŞ kəşfiyyatında işlədiyi bildirilən, lakin kimliyi açıqlanmayan bir nəfər baş kəşfiyyat zabiti Mixael Atkinsona şikayət edib. Şikayətin etibarlı olduğunu görən Atkinson, onu Milli Kəşfiyyatın direktoru Cozef Maquayra göndərib.

Şikayətin məzmunu açıqlanmasa da, “Washington Post” qəzeti, bunun Trampın xarici dövlət lideri ilə telefon danışığı zamanı yerinə yetirməyi vəd etdiyi bir söz olduğunu iddia edib. ABŞ mediası daha sonra bunun iyulun 25-də Trampın Ukrayna prezidenti Zelenski ilə telefon danışığı ilə bağlı olduğunu bildirib.

 “Wall Street Journal” (WSJ) qəzetinin məlumatına görə, Tramp, Ukraynanın təbii qaz şirkəti Burisma Holdinqin rəhbərliyində təmsil olunan rəqibinin oğlu Hunter Baydenlə əlaqədar istintaqın başladılmasını tələb edib.

WSJ görüş zamanı Trampın məsələni 8 dəfə Zelenskiyə xatırlatdığını yazr. Danışıqlar zamanı ABŞ-ın təxirə saldığı Ukraynaya 250 milyon dollarlıq hərbi yardımın isə gündəmə gəlmədiyi bildirilir.

Nümayəndələr Palatasındakı üç komitə telefon danışığının yazılı şəkildə açıqlanmasını istəyir, həmçinin Trampın yenidən seçilmə ehtimalını artırmaq üçün Ukraynaya düzgün olmayan şəkildə təzyiq etdiyini iddia edir.

Tramp isə Zelenski ilə telefon danışığında heç bir narahatlıq doğuran məqamın olmadığını söyləyib. Twitter-dən heç bir səhv etmədiyini yazan Tramp, “Fake News” adlandırdığı medianı Co Baydeni qorumağa çalışmaqda günahlandırıb.

Trampın vəkili Ciuliani də, Twitter-də, “Bir prezident, korrupsiyası ilə tanınan bir ölkəyə prezident seçilmiş adama, ABŞ-a da təsir edən korrupsiyaya daha yaxşı nəzarət etməsini söyləyir” deyərək Trampa dəstək verib.

Co Bayden isə “(Trump) Bunu edir, çünki onu məğlub edəcəyimi bilir. Məni ləkələmək üçün prezidentlik səlahiyyətindən sui-istifadə edir” deyib.

Son xəbərlər