Rusiya prezidenti Vladimir Putin 2001-ci il 11 sentyabr hücumundan əvvəl o vaxtkı ABŞ prezidenti Cotc Buşa zəng edərək mümkün terror hücumu barədə xəbərdarlıq edib.
Baki-xeber.com xəbər verir ki, belə bir iddia Keçmiş Mərkəzi Kəşfiyyat İdarəsinin (Central Intelligence Agency) keçmiş təhlilçisi Corc Bibi tərəfindən qələmə alınan "Rusiya tələsi: Rusiya ilə kölgə müharibəmiz nüvə böhranına necə çevrilir" adlı kitabında yer alıb.
Bibi kitabda, tarixə 11 sentyabr hücumu kimi düşən və 2753 nəfərin həyatına son qoyan terror hücumuna da yer verib.
Bibi, öz kitabında, Putinin 11 sentyabr hücumundan iki gün əvvəl Buşa zəng edərək "Əfqanıstanda uzun müddətdir hazırlanmaqda olan yeni bir terror hücumu müəyyənləşdirdik" dediyini iddia edib.
Moskvadan xəbərdarlıq gəldiyinə dair məsələ illərdir müzakirə olunur. Ancaq bu iddialar “kəşfiyyatlar arasında məlumat mübadiləsi” kontekstində idi. Lakin Bibinin kitabında xüsusi xidmət orqanları arasında heç bir məlumat mübadiləsinin olmadığı və Buşun Putin tərəfindən şəxsən xəbərdar edildiyi iddia edilir.
Vaşinqtonun 11 sentyabr 2001-ci il tarixində Rusiyadan əlavə İngiltərə casusları tərəfindən də xəbərdar edildiyi, mümkün hücum təhlükəsinin MKİ və FTB tərəfindən daim dilə gətirildiyi barədə xəbərlər dolaşır.
Bütün bu iddialar fonunda Ağ Evin xəbərdarlıqları dinləyib, vətəndaşlarını qorumaq üçün əlindən gələni edib-etməməsi bu gün də müzakirə edilir.
.jpg)
.jpg)
