Böyük Britaniya kraliçası II Yelizaveta Baş nazir Boris Consonun 9 sentyabr-14 oktyabr tarixlərində parlamentin fəaliyyətini dayandırması təklifini təsdiqləyib.
Baki-xeber.com xəbər verir ki, Conson, millət vəkillərinə məktub göndərərək, kraliçadan İngiltərə parlamentinin 9 sentyabr-14 oktyabr tarixlərində fəaliyyətini dayandırmasını tələb etdiyini bildirib.
BBC News yazır ki, kraliça II Yelizaveta Consonun tələbini dəstəkləyib. Parlamentin 9-12 sentyabr aralığında fəaliyyətini dayandırması və oktyabrın 14-də işini təkrar bərpa etməsinə qərar verilib.
Parlamentin fəaliyyətini dayandırmaq fikri Britaniyada mübahisələrə yol açıqb. Bu fikri tənqid edənlər, millət vəkillərinin Brexit prosesində demokratik fəaliyyətlərinin əngəllənəyini deyirlər.
“Guardian”a açıqlama verən mütəxəssislər bunun 1945-ci ildən bəri ən uzun dayandırma dövrü olacağını söyləyiblər.
Leyboristlər Partiyasından millət vəkili Klayv Luyis Twitter hesabında hökumətin bu qərarına qarşı xalqı küçələrə çağıracaqlarını bəyan edib.
"Boris Avropa Birliyindən anlaşmasız ayrılmaq üçün Parlamentin fəaliyyətini dayandırarsa, biz deputat olaraq demokratiyanı müdafiə edəcəyik. Bizi parlamentdən çıxarmaq üçün polis çağırmalı olacaqlar. Xalqı küçələrə çağıracağıq. Parlamentdə fövqəladə iclas çağırılmasını tələb edəcəyik” – K.Luyis deyib.
Leyboristlər Partiyasından başqa bir millət vəkili və keçmiş nazir Angela Eagle # ÇevrilişiDayandırın etiketi ilə paylaşdığı twitter mesajında bu addıma qarşı xalqı mübarizəyə çağırıb.
Avam Kamarası rəhbəri Con Berkou, "Bunu necə göstərməyə çalışırlarsa çalışsınlar, parlamentin fəaliyyətini dayandırmaqda məqsəd Brexit-in parlamentdə müzakirə olunmasının qarşısını almaq və parlamentin ölkənin gələcəyinə istiqamət vermək vəzifəsinin qarşısını almaqdır" - deyib.
Ana müxalifətdəki Leyboristlər Partiyasının nümayəndəsi Con MakDonnell, parlamentin fəaliyyətinin dayandırılmasını ingilis sayağı çevriliş adlandırıb: "Bu, ingilis sayağı çevrilişdir. Brexit barədə fikriniz nə olursa olsun, bir baş nazirin demokratik təsisatlarımızın tam və müstəqil bir şəkildə fəaliyyətinə mane olmağa icazə verdiyiniz zaman risqli bir yola başlayarsınız".
Qeyd edək ki, bundan əvvəl İngiltərə mediası, kraliça II Yelizaveta Consonun istəyi ilə razılaşsa, ölkənin Avropa Birliyini tərk etməsinin qarşısını almaq üçün qanun qəbul etməyə hazırlaşan müxalifət partiyalarının bu cəhdləri üçün kifayət qədər vaxtın olmayacağını yazırdı.
Conson, 31 oktyabrda razılaşma olsa da olmasa da, İngiltərəni AB-dən ayırmaq niyyətini dəfələrlə dilə gətirib.
