Bәşәr Әsәd rejimi 2014-cü ildәn müxaliflәrin əlində olan Xan Şeyxun şəhərinə nәzarәti ələ keçirib.
Baki-xeber.com Türkiyə mediasına istinadən xəbər verir ki, rejim şəhəri ələ keçirmək üçün bir neçə gün əvvəl İran dəstəkli silahlı qruplar, Rusiya xüsusi təyinatlıları və muzdlu əsgərlərin dәstәyi ilә əməliyyat başlatmışdı. Şəhərə hücum əməliyyatına Rusiya havadan dəstək verib.
Günlərlə davam edən qarşıdurmalardan sonra rejim və dəstəkçiləri dünən şəhəri mühasirəyə almışdı, bu gün isə şəhər mərkəzi tam ələ keçirilib. Xan Şeyxunun ələ keçirilməsindən sonra şəhərin cənubundakı Morik və Kefer Zita qəsəbələri mühasirəyə düşüb.
İdlibin cәnubundakı Xan Şeyxun qәsәbәsi 2014-cü ildәn ilk dəfə rejimin nəzarətinə keçib.
Qeyd edək ki, Türkiyә, Rusiya vә İran 2017-ci ilin 4-5 may tarixlәrindә Astanada keçirilәn iclasda Xan Şeyxunu da әhatә edәn әrazini İdlib tәhlükәsiz bölgәsi elan etmişdilər. Ancaq buna baxmayaraq, Әsәd rejimi şəhəri bombalamaqda davam edirdi.
Burada diqqət çəkən məqam isə ələ keçirilən şəhərin cənubunda Astana razılaşması çərçivəsində Tükiyənin nəzarət bölgəsi yerləşir və rejimin Rusiya və İranın dəstəyilə şəhər tutmasından sonra sözügedən bölgə də rejimin mühasirəsində qalır.
Astana razılaşmasını alt-üst edən işğalı, gözlənildiyi kimi Rusiya çox məmnuniyyətlə qarşılayıb. “Əlbəttə qruplar üzərində bu cür zəfərlər məmnuniyyətlə qarşılana bilər, terrorçular və terrorçu qruplarla mübarizənin bütün istiqamətlərdə davam edəcəyi açıqlanmışdı” - Kremlin sözçüsü Dmitri Peskov deyib. O, yaxın günlərdə məsələ ilə bağlı Rusiya və Türkiyə prezidentlərinin telefon danışığının ola biləcəyini də istisna etməyib.
Rusiya Xarici İşlər Nazirliyi isə nə qədər maraqlı olsada hələ də İdlib razılaşmasına sadiqlikdən danışır: “Türkiyə ilə əldə etdiyimi İdlib razılaşmasına bağlı qalınması önəmlidir. Olub bitənlərlə bağlı Türkiyə ilə təmasdayıq”.
Rusiya, İran dəstəkli silahlı qruplar, rejimin son hücumları başlayandan sonra isə 112 min mülki şəxs Xan Şeyxundakı evlәrini tәrk etmәk mәcburiyyәtindә qalıb. Hazırda şəhər mərkəzində mülki şəxsin qalmadığı bildirilir.
Xan Şeyxun 2017-ci ilin aprel ayında Bәşәr Әsәd rejiminin tәşkil etdiyi və 100 nəfərin ölümünə səbəb olan kimyәvi hücumdan sonra dünyanın gündәmini zәbt edib.
