İstanbul Baş Prokurorluğu iki ayrı istintaq çərçivəsində Əkrəm İmamoğlu, Şişli Bələdiyyə Başçısı Rəsul Emrah Şahan və Beylikdüzü Bələdiyyə Başçısı Mehmet Murat Çalık da daxil olmaqla 106 nəfər haqqında həbs qərarı çıxarıb. İBB-lə bağ“Korrupsiya” əməliyyatında saxlanılan İstanbul Böyükşəhər Bələdiyyəsinin (İBB) bələdiyyə sədri Əkrəm İmamoğlunun ifadəsi artıq tamamlanıb. Saraçhanedə çıxış edən daxili işlər naziri Əli Yerlikaya CHP lideri Özəl-in “küçə çağırışı” ilə bağlı açıqlama verərək, “Bu, ən azı, məsuliyyətsizlikdir” deyib və vətəndaşları təxribata uymamaları barədə xəbərdarlıq edib. Ədliyyə naziri Tunç da tərəfləri daha diqqətli olmağa çağırdı.
İMAMOĞLU İFADƏSİNDƏ NƏ DEYİB? İstanbul Respublika Baş Prokurorluğu tərəfindən İstanbul Böyükşəhər Bələdiyyə Başçısı Əkrəm İmamoğlu da daxil olmaqla 106 şübhəliyə qarşı həyata keçirilən terror və korrupsiya əməliyyatında polis bölməsində dindirilmə prosedurları gün boyu davam edib. Əkrəm İmamoğlunun son ifadəsi qazanc məqsədi ilə cinayət təşkilatına rəhbərlik etməkdə ittiham olunduğu üçün alınıb. İstintaq çərçivəsində ifadə verən İmamoğlu polis idarəsində ona ünvanlanan bütün suallara “Mən bütün ittihamları qətiyyətlə rədd edirəm” deyərək cavab verib.
Surxay Əliyev
