“Ak Jaiyk” qəzeti xəbər verir ki, qırğız iş adamına məxsus Moskva hamam kompleksində 40-a yaxın Qırğızıstan vətəndaşına qarşı görtünməmiş dərəcədə vəhşilik törədilib. Belə ki,aprelin 10-da Moskvada “Bodrost” hamamına çevik polis əməkdaşları basqın ediblər. Qalmaqal reydin videosu internetdə yayıldıqdan sonra yaranıb. Qırğızıstan deputatı Janar Akayev hadisələri "vəhşilik" adlandırıb və xatırladıb ki, bu, ilk belə hadisə deyil - Qırğızıstan vətəndaşlarına məxsus digər obyektlərə əvvəllər də belə hücumlar edilib. Deputat Moskvanın təhlükəsizlik qüvvələrinin hərəkətlərinin “cinayətkar qruplaşmalardan daha pis” olduğunu bəyan edib və bunun Avrasiya İqtisadi Birliyinin (AİB) bir hissəsi olan müttəfiq ölkələr arasında baş verməsindən çaş-baş qaldığını bildirib.Deputat çağırış edib:- "Ey soydaşlar, təsəvvür etmək olarmı ki, böyük bir qrup Qırğızıstanlı iş adamının hamamına soxularaq soydaşlarımızı vəhşicəsinə döysünlər?! Bir müddət əvvəl onlar başqa bir qırğız iş adamının binasına soxularaq, mütəşəkkil cinayətkar qruplardan və ya terrorçulardan daha betər amansızlıqla adamları döyüblər. Biz Aİİ-nin üzvləriyik, doğrudanmı biz imkan verməliyik ki, soydaşlarımız döyülsün və sussun?” — deyə Akayev Facebook səhifəsində müvafiq video yerləşdirərək qəzəbini ifadə edib. Qırğızıstan KİV-ləri və şahidlərin sözlərinə görə, reyd zamanı təhlükəsizlik qüvvələri saxlanılanlara qarşı güc tətbiq edib: saxlanan qırğızlar üzüstə uzanmağa məcbur edilib, onlar dəyənək və elektroşokerlərlə döyülüb və dizləri üstə sürünməyə məcbur ediliblər. Saxlanılanlardan bəziləri alçaldılıb: onları acı bibər və nasvay yeməyə məcbur ediblər, saxlanılanlardan birinin saqqalının yarısını qırxıblar. Rusiya KİV-ləri bildiriblər ki, guya basqına səbəb “Bodrost” hamamının ruslara xidmətdən imtina etməsi, sırf Qırğızıstan vətəndaşlarına xidmət göstərməsi olub.
Ümumilikdə 24 Qırğızıstan vətəndaşı saxlanılıb, onlardan 20-si sərbəst buraxılıb. Baş verənlərlə bağlı aprelin 14-də Xarici İşlər Nazirliyində Qırğızıstan Xarici İşlər nazirinin müavini Almaz İmanqaziyev və Rusiyanın Qırğızıstandakı səfiri Sergey Vakunov arasında aprelin 11-də Moskvanın Bodrost hamam kompleksində qırğızıstanlıların kütləvi saxlanması ilə bağlı görüş keçirilib. Nazirliyin mətbuat xidmətindən verilən məlumata görə, Rusiya tərəfinə hüquq-mühafizə orqanları tərəfindən həyata keçirilən əməliyyatın əsasları, habelə Qırğızıstan vətəndaşlarına qarşı zor tətbiq edilməsinə görə,hüquq-mühafizə orqanlarının nümayəndələrinə qarşı tədbir görülməsi xahişi ilə rəsmi nota verilib.
Surxay Əliyev
