ABŞ və İsrailyönlü strukturların kəskin tənqidlərinə baxmayaraq, BMT-nin İnsan Haqları Şurası işğal olunmuş Fələstin əraziləri üzrə xüsusi məruzəçi Françeska Albanesenin mandatını 2028-ci ilə qədər uzadıb. BMT İnsan Haqları Şurasının cümə günü keçirilən 58-ci sessiyasının yekun iclasında Françeska Albanesenin mandatının daha üç il müddətinə uzadılması təsdiqlənib. Bu qərar Vaşinqtonda və bir sıra Qərb paytaxtlarında kəskin narazılığa səbəb olub.Belə ki, xüsusi məruzəçi dəfələrlə anti-İsrail ritorikasında ittiham olunub. Albanese vəzifədə olduğu müddətdə mütəmadi olaraq İsraili etnik təmizləmədə və Fələstinlilərə qarşı soyqırımda ittiham edirdi, Onun bu yanaşması BMT Vatch, Ümumdünya Yəhudi Konqresi və sionist gənclər təşkilatı Betar kimi israilyönlü təşkilatların kəskin etirazına səbəb olub. UN Watch, Albaneseni antisemitizmdə günahlandıran və "terrorizmə" haqq qazandıran 60 səhifəlik hesabat dərc etdi. Təşkilatın direktoru Hillel Neuer dərhal onun səlahiyyətlərinə xitam verilməsini tələb edib və onun yenidən təyin olunmasına qarşı petisiyaya başlayıb. Albanesenin bəzi əleyhdarları, o cümlədən britaniyalı deputat Devid Taylor, onu 2023-cü il oktyabrın 7-də HƏMAS-ın hücumuna haqq qazandırdığını iddia edərək, onu İsraili "müstəmləkəçi, işğalçı" adlandırmasına görə ittiham edib. Buna baxmayaraq, Şura onun vəzifəsində qalmasına qərar verib. KİV-in məlumatına görə, Albanese hətta fiziki təhdidlərlə belə üzləşib - xüsusən də Betar təşkilatı onu bu yaxınlarda Londona səfəri zamanı İsrailin Livandakı hava hücumlarından bəhs edərək onu hədələyib. Albanesenin mandatının uzadılması ABŞ və müttəfiqlərinin BMT daxilində İsrail siyasətinin ən sərt tənqidçilərindən birini kənarlaşdırmaq cəhdlərinin məğlubiyyəti kimi qiymətləndirilir.
Surxay Əliyev
