“ABŞ prezidenti Donald Tramp beynəlxalq münasibətlərə xarici liderlərlə şəxsi münasibətləri prizmasından baxır. Xüsusilə, o, rus diktatoru Vladimir Putinlə yaxşı dostluq münasibətlərinin olduğuna inanır. Bununla belə, Kreml rəhbəri Amerika prezidentinin lütfündən sui-istifadə etməklə onu “asan ov” hesab edir”. Bunu ABŞ-ın keçmiş milli təhlükəsizlik müşaviri Con Bolton “Politico”ya müsahibəsində deyib. Onun sözlərinə görə, Tramp və Putin arasındakı münasibət dostluq münasibətlərindən uzaqdır, buna baxmayaraq, Amerika prezidenti buna inanmaqda davam edir. Bolton vurğulayıb ki, Tramp öz siyasətini “dostlarına” güzəşt etsə, bunun sülhün yaxınlaşmasına kömək edəcəyini düşünür. O, bu müharibənin arxada qalmasını istəyir. Və bu müharibənin Baydenin müharibəsi olduğunu düşünür. Təsadüfi deyil ki, Tramp seçki kampaniyası zamanı o,prezident olsaydı, bunun heç vaxt baş verməyəcəyini söylədi", - deyə Bolton bildirib. Eyni zamanda o qeyd edib ki, Putin üçün ABŞ prezidenti dost yox, “asan ovdur”. Bu baxımdan Kreml lideri Trampı manipulyasiya edərək daha da çox güzəşt əldə etmək istəyir. "Putin onların dost olduğunu düşünmür. O, Trampı asan hədəf hesab edir. Və onun manipulyasiya oluna biləcəyini düşünür. Və onu manipulyasiya edir də.., Məsələn, Putin bir neçə həftə əvvəl "Bilirsiniz, Tramp haqlı idi ki,o, prezident olsaydı, Ukraynada müharibə olmazdı" demişdi. Bu belədir,ya belə deyil demək çətindir, amma Trampın bunu eşitməkdən xoşu gəldi. Daha sonra Moskva girov Mark Foleyi azad etdi. Sonra isə Lukaşenko daha bir amerikalı girovu azad etdi. Bax bu manipulyasiyadır”, - deyə Bolton yekunlaşdırıb.
OBOZ.UA isə xəbər verir ki, ABŞ Senatında Respublikaçıların keçmiş lideri Mitch McConnell Ağ Ev administrasiyasını Ukraynadakı müharibə ilə bağlı mövqeyinə görə “utanc verici sadəlövhlükdə” ittiham edib. Onun fikrincə, prezident Donald Tramp və komandasının yanaşması Vaşinqtona inamı sarsıdır və Ukraynanı isə təhlükə qarşısında qoyur.
Surxay Əliyev
