Vətən Müharibəsi bizim 30 illik yurd-torpaq həsrətimizə son qoydu və əslində isə ən böyük xəyallarımızı gerçəkləşdirdi. İkinci Vətən Müharibəsi bizlərə həm Vətənimizin işğal altında olan parçasını qaytardı, həm də milli birlik hissimizi gücləndirdi. Təbii ki, asan olmadı...
Torpaqlarımızın azad edilməsi uğrunda şəhid olduq, qazi olduq... Amma düşmənimizin mifini məhv etdik... Bütün itkilərimizə baxmayaraq, məğlub edilməzdə də olduq...
O, şəhid və qazilərimiz bizləri zəfərə daşıyan, əbədiyyətə qovuşduran və yeni nəslə müzəffər bir dövlət bəxş edənlərdir...
O zəfəri, qalibiyyəti bizə bəxş edənlərdən biri də Zaqatala rayonu Lahıc kəndindən olan şəhid Məmmədov Vüsal Nəsib oğludur. Gəlin, bu Vətən fədaisi ilə Sizi tanış edək...
...Zaqatala rayonu Lahıc kəndinin girəcəyində Bakı-Balakən magistral yolunun kənarında, iki möhtəşəm portret quraşdırılıb. Həmin portretlərdən iki nəfər, həmin kəndin fədakar oğlu, möhtəşəm baxışlarla ətrafı seyr edirlər. Hər bir kəsə bu portretlərin önündən keçəndə Lahıc kəndinin igid, şəhid oğulları Vətən müharibəsinin Qəhrəmanı Kapitan Xüsusi Təyinatlı Dəstəsinin manqa komandiri olmuş, İsmayıl Məhəmməd oğlu Səmədova və respublikanın tanınmış idmançısı olmuş,rinqi döyüş meydanı ilə dəyişmiş Vüsal Nəsib oğlu Məmmədova dəfələrlə min rəhmət oxuyurlar, ruhunuz şad olsun və Sizin kimi mərd oğulları böyüdən valideynlərə min alqış deyirlər...
Elə Lahıc kəndinin içərisində “Şəhidlər Xiyabanı”nda, Birinci Qarabağ Savaşında həlak olan şəhidlərin sırasında İsmayıl və Vüsalın uyuduğu qəbirləri bir-biri ilə yanaşıdırlar. Bütöv Zaqatala eli onları tez-tez böyük fəxarətlə yad edirlər və anırlar... Vətənimizin azadlığı, dincliyi, sabitliyi, bütövlüyü uğrunda şirin, gənc canlarını mərdi-mərdanə qurban verən bu kişi qeyrətli, cəsurları... Söz yox ki, bu igidlərdən, fəxrlərimizdən, nadir hərbçi kimi yetişmiş, Xüsusi Təyinatlıların ulduz kimi parıldayan, ölməzliyə qovuşan İsamyıl Məmməd oğlu Səmədovun qəhrəmanlığından söhbət açmışıq, qısa şərəfli həyatını vərəqləmişik...
Lahıc kəndinin 2 –ci şəhid balası Vüsal Məmmədov barəsində söhbət açmaq, onu elimizə və xalqımıza tanıtmaq, onun necə vətənpərvər oğul olmağından danışmaq bizim üçün çox qürurvericidir. Çünki, o, Vətən Müharibəsindən gizlədərək, ya xəstə kimi, ya da qüsurlu bir şəxs kimi döyüş bölgələrindən gizlədən şirin balalara əzizləyən onlara hərbi bileti satın alan valideynlərinə, həmin Vətən və Ana simasını anlamayan, dərk etməyən, onlara saxta sənəd verən məmurlar və həmin qorxaq cavanlara ibrət dərsi verəcək, düşmənə qarşı mübarizə aparıb...
...Vüsal, elə indi onun uyuduğu qəbristanlıq yolunda yerləşən həyətdə dünyaya göz açıb və böyüyüb, boya-başa çatıb... Nəsib bəyin və Səbinə xanımın ailəsində uşaqlıqdan çox tərbiyəli, ağıllı, zəhmətsevər, sağlam mühitdə böyüyüb. O, 1998 –ci ilun mart ayının 15 –də Lahıc kəndində Məmmədovlar ailəsində dünyaya gəlib. Onlar 2 qardaş olublar... 1996 –cı il təvəllüdlü Daşqın və Vüsal... O, da böyük qardaşı kimi Lahıc kəndindəki Birinci Vətən Müharibəsində həlak olan Qoca Qocayev adına tam orta məktəbini əla qiymətlərlə bitirib-2014 –cü ildə. Vüsalın uşaqlıqdan arzusu güclü idmançı və təcrübəli məşqçi olmaq olub. Buna görə də, hələ orta məktəbdə oxuduğu zaman idman və hərbi fənnlərə meyl göstərib. Keçirilən yarışlarda fəallığı seçilib. Şəhidin anası hələ də, göz yaşları qurumayan, oğlu şəhid olandan sonra, özünə təsəlli və yer tapa bilməyən Səbinə xanım Feyzulla qızı Məmmədova deyir ki, oğlu Vüsal məktəb yaşlarından, onlara həm ev işlərində, həm də təsərrüfat işlərində yaxından köməklik göstərilib və hətta ev də, həyət-bacada, səliqə-səhman yaratmaqda biz valideynlərin yardımçısı olub... Orta məktəbdə oxuyanda oğlunu, səliqə-səhmanlığı, köməkliyi ilə, xoş-mülayim xasiyyəti ilə seçilmişdi. Müəllimlər heç vaxt şikayət etməz, ancaq onun haqqında xoş sözlər deyirdilər. Onlar Vüsalın idmanda qazandığı nailiyyətlərdən ürək dolusu danışardılar... O, uşaqların sevimli dostu idi, balacalara idmanın bütün sirlərini öyrətməyə çalışırdı. Məktəb illərində daima çox bilikli olmağa çalışardı – deyə Səbinə ana oğlu barədə söhbətini davam etdirdi. “Vüsal həm də çox vətənpərvər idi. Tez-tez evimizin yanında, qəbristanlıqda uyuyan şəhidlərin qəbirlərini ziyarət edərdi. Onda düşmənə qarşı qisas hissi uşaqlıqdan oyanmışdı... Vüsal da xain düşməndən tezliklə qisas alacağına inanırdı... Böyük oğlum Daşqın da hərbçilərin sağlamlığının keşiyində dayanmaq yolunu seçmişdi...” Səbinə xanımın söylədiyinə görə oğlu Daşqın Azərbaycan Dövlət Tibb Universitetini bitirmişdir. Universiteti bitirdikdən sonra o, müxtəlif hərbi hospitallarda çalışmış, Vətən Savaşı zamanı isə yüzlərlə yaralı hərbiçini xilas etmişdir...
Rinqdə, həm də qanlı döyüş meydanında əsil şücaət göstərən Vüsal Nəsib oğlu Məmmədov 2015 –ci ilin aprel ayında Azərbaycan Silahlı Qüvvələrinin həqiqi hərbi xidmətə çağırılıb. Şəhidin atası Nəsib Məmmədovun söylədiyinə görə, isə oğlu həqiqi hərbi xidmətini Müdafiə Nazirliyinin Tovuz rayonunun Muncuq kəndində yerləşən “N” saylı hərbi hissədə nümunəvi hərbi xidmət keçirib. O, əlaçı əsgər kimi əsgərlikdə snayper atıcı ixtisasına yiyələnib. Vüsalın atası deyir ki, oğlu Ermənistan Respublikası ilə həmsərhəd olan Tovuz rayonunda əsgərlikdə olan zaman bir neçə dəfə onunla görüşə gediblər. Əsgər yoldaşları arasında xüsusilə seçilən Vüsalın komandirləri onun hərbi xidmətindən həmişə razılıq ediblər. Atasının bildirdiyinə görə Vüsal Məmmədov xidməti dövründə daimi düşmən qonşu ilə sərhəddə yerləşən posptlarda bizim sabitliyimizi qoruyub. O, eyni zamanda hərbi hissədə keçirilən hərbi təlimlərdə və idman yarışlarında xüsusi fəallıqla seçilib...
Nəsib kişinin söylədiklərindən: “Oğlum şərəf və vicdanla hərbi xidmətini başa vurduqdan sonra da boş vaxtlarını səmərli keçirmişdi. Bakı şəhərində tikinti sahələrində işləməklə yanaşı, “qaydasız döyüş” idman növü üzrə məşqlərini mütəmadi davam etdirib. Bu idman növün də püxtələşərək də təcrübə toplayıb... Sonradan bildik ki, Vüsal Bakıda işlədiyi dövrdə “qaydasız döyüş” növü üzrə respublika, Bakı birinciliklərində, Beynəlxalq və Ümumittifaq turnirlərində iştirak etmişdir. Həmin yarışların əksəriyyətində gələcəkdə daha mötəbər yarışlarda iştirak etmək arzusu ilə yaşamış oğlum qalib gəlmişdir. Hətta o, Beynəlxalq turnirdə iştirak edən Vüsal rinqdə dünyanın ən tanınmış idmançıları ilə mübarizə aparmış və onların dizini yerə çökdürmüşdür... İdman sahəsində-rinqlədə qalib gələn şəhid balam 27 sentyabr 2020 –ci il tarixdə başlanan Vətən Müharibəsində də döyüş mövqelərində də erməni faşistlərinə “dərs” verib...
Və... üç rəngli Azərbaycan bayrağını rinqdə olduğu kimi işğaldan azad olunmuş ərazilərdə dalğalandırmaq üçün xüsusi hünər göstərmişdir...”
...Qeyd edək ki, bu günlər şəhidlik zirvəsini fəth etmiş və ruhları səmada dolaşan qəhrəman el oğlumuz Vüsal Nəsib oğlu Məmmədov 28 sentyabr 2020 –ci ildə könüllü müharibəyə yollanaraq, snayper atıcı kimi elə ilk anlardan cəbhənin ən qaynar qızğın döyüşlər gedən ərazilərdə döyüşməyə başlayıb. Onun döyüş yolunu vərəqləyərkən məlum olur ki, Vüsal Nəsib oğlu Məmmədov Cəbrayıl, Füzuli, Zəngilan rayonlarının işğaldanm azad olunmasında şücaət göstərib. Məğrur snayper atıcısı olan Vüsal qanlı döyüşlərdə çoxlu sayda canlı qüvvəni, erməni dığalarını, onlarla döyüş texnikasını məhv etmiş və atıcı mövqelərini sıradan çıxartmışdır. Döyüşçü yoldaşlarının bildirdiklərinə görə, Vüsal çox mərd, qorxmaz, əsil Vətən cəfakeşi və düşmənin qənimi olub. O, hətta, döyüşdə yaralanmasına baxmayaraq, hərbi hospitalda müalicəyə getməkdən imtina etmişdir. Vüsalla çiyin-çiyinə döyüşmüş, qanlı-qadalı döyüşlərin birində ağır yaralanmış hüquqi-Qazi olmuş, Zaqatala rayonunun Fındıqlı kəndindən olan Xanlar Xəlilov onun barəsində danışarkən bildirdi ki, şəhid Vüsal Məmmədovun müqabilində Vətən Müharibəsində Azərbaycan xalqının dəyərli vətəndaşı, cəsur döyüşçünü, vətənpərvər, Vətənin ağır günlərində ona dayaq olan, namusla, vicdanla özünün gənc, şirin ömrünü müharibə dolaylarında əsirgəməyən bir insanı itirdik...
Əvəz və təkrar olunmaz hərbiçi qardaşımız... Vüsal haqqında günlərlə, aylarla müsbət, sözün əsil mənasında, yüksək qiymət qiymətləndirsək yenə azdır... Gənclik çağlarında şəhadətə-əbəiyyətə qovuşanlar nadir hallarda dünyaya gəlirlər, necə deyərlər, yaddaşlarda iz salırlar...
Anası Səbinə xanım söhbətimizi davam etdirərək, söyləyir ki, oğlu Vüsal müharibə başlamazdan əvvəl tez-tez onlarla telefon əlaqəsi yaradıb, bizimlə tez-tez həmişə də inamla, nikbin özünü göstərərək... O, bildirdi ki, oğlu oktyabr ayının 7 –də 2020 –ci il tarixində sonuncu dəfə oğlu onlarla telefonla danışıb: “O, qısa danışdı, danışığından narahatlıq, yorğunluq hiss olunurdu. Həmin vaxtlar Hadrut uğrunda qızğın döyüşlər gedərdi...”
Yenə də, “Ana nigaran qalmayın, narahat olmayan tezliklə sağ-salamat, xoş xəbərlərlə geri dönəyəcəyik, Sizin yanınızda olacağam... Növbəti təsəlliverici sözlər... Amma əziz oğlumuz geri döndü, üç rəngli bayrağa bükülmüş tabutda...” deyə, Səbinə xanım əlavə etdi...
...Hadrutun azad olunması uğrunda son döyüşdə 70 nəfər Vətən fədaisi düşmənin sayca dəfələrlə canlı qüvvəsi ilə savaşdılar... Həmin döyüşdə mərd oğullarımızdan cəmi 10 nəfər sağ qaldı və onlarında əksəriyyəti yaralı vəziyyətdə... Oktyabrın 14 –də gedən döyüşlərdə şəhid olanlardan biri də, Zaqatalanın fədakar oğlu, Vətən fədaisi Vüsal Nəsib oğlu Məmmədov da oldu. O, bu dəfə bir qalib idmançı kimi rinqdə olduğu kimi, döyüş meydanında da öz canı və qanı ilə Qələbə zəfər bayrağını qaldırdı. Bizim el oğlunun azad olunmuş üç rəngli bayraqlarının canlanmasında böyük hünərvərlik göstərdi, tarix boyu təkrar – təkrar xatırlamasaq, əfsanələrə, xatirələrə çevriləcək bir hünərvərlik...
...Əlbəttə ki, Vüsal Məmmədov faşist xislətli, xain düşmənin mövqelərimizə atdığı mərmidən, aldığı yaralardan dünyasını dəyişdiyini, əbədiyyətə qovuşduğunu eşidəndə ana fəryad qopartdı. Ata qüssələndi, əzizləri, qohum-əqrəbaları, dostları, yasa batdılar...
15 oktyabr 2020 –ci il tarixdə isə Vətən Müharibəsində qəhrəmanlıqla həlak olan, sağlığında “qaydasız döyüş” idman növü üzrə dəfələrlə qalib olmuş və döyüşlər zamanı xüsusi şücaət göstərərək, həlak olmuş Vüsal Nəsib oğlu Məmmədov rayon ictimaiyyətinin müşayiəti ilə son mənzilə yola salındı... Növbəti xalqın xilaskarı, qəhrəman kimi... “Qəbriniz nurla dolsun, Ruhun şad olsun, Zaqatalanın hünərvər oğlu... Vüsal Nəsib oğlu!”
Prezidentin sərəncamı ilə Vüsal Məmmədov ölümündən sonra “Vətən uğrunda” və “Cəbrayılın azadlığı uğrunda” medalları ilə təltif olunub.
...İndi Lahıc kəndinin girəcəyindəki şəhidlərin uyuduğu xiyabanda qara mərmərli baş daşından cüssəli, gənc, iti baxışlarla, mərd, dönməz Vüsal Məmmədov baxır... Bir vaxtlar o, özü bu xiyabanda uyuyan Birinci Qarabağ Savaşının şəhidlərinin gəlirlərini ziyarət edərdi... İndi isə... Vüsalın özünün qəbrini... Vətən xilaskarını ziyarət edirlər...
Elman Maliyev Azərbaycan Jurnalistlər Birliyinin üzvü
