Ölkənin balıq ehtiyatları niyə azalır...

Telman Zeynalov: “Balıq ehtiyatlarının azalması səbəblərindən biri də insan amilidir”

img

Ətraf mühitin mühafizəsi dünyanı düşündürən önəmli məsələlərdəndir. İnsanın səhhəti təbiətin sağlamlığından  asılıdır. Əsrlər boyu bu harmoniyaya zərər gətirilib.

İnsan dilemma qarşısında qalanda məcburən təbiətin mühafizəsi onu ciddi narahat etməyə başladı. Bu həyəcanın nəticəsi olaraq BMT-nin Baş Assambleyası 1972-ci ildə Stokholmda 5 iyunu Ümumdünya Ətraf Mühitin Mühafizəsi Günü kimi qeyd etməyi qərara aldı. O vaxtdan bəri ətraf mühitin mühafizəsi məsələsi bütün dünyada nəzarətə götürülüb. Ölkəmiz də dünyanın bir parçası kimi ətraf mühitin mühafizəsinə xüsusi diqqət yetirir. Dövlətimiz bu istiqamətdə müasir tələblərə cavab verən qanunlar qəbul edir və onların icrası üçün ən optimal yollar axtarır.

Bu istiqamətdə müəyyən işlər görülməsinə baxmayaraq, ölkəmizdə də ekoloji problemlər yaşanır. Yaşanan problemlərdən biri də ölkədə balıq ehtiyatının azalmasıdır.

  • Göllərin və çayların çirklənməsi balıq ehtiyatlarını azaldır

Azərbaycan Balıqçılar İttifaqının sədri Əfqan Əliyev media nümayəndələrinə açıqlamasında bildirib ki, bu gün ölkənin əksər çaylarında, su kanallarında, göllərində brakonyerlik yolu ilə sintetik torlar qurulur, balıqların populyasiyasına imkan verilmir: "Azərbaycanda balıqların populyasiyasını amansızcasına kəsirlər, bu haqda bir neçə dəfə bizim monitorinqlərimiz olub və sintetik torlara qarşı reydlər keçirmişik. Hətta bu monitorinqlər zamanı bizə hədə-qorxu gəlirlər. Ölkəmizdə sintetik torların istifadəsinə birdəfəlik qadağa qoyulsa da, təəssüf ki, hələ də qaçaqmalçılıq yolu ilə ölkəyə az sayda gətirilməkdədir”.

Ölkədə balıq ehtiyatının azalması barədə fikir bildirən ekoloq Telman Zeynalov qeyd etdi ki, nərə cinsli balıqların dənizdə, Kür çayında təbii mühitdə kommersiya ovuna da qadağa qoyulub: “Məlumdur ki, nərə cinsli balıqların ehtiyatı son 15 ildə kəskin azaldığı üçün Xəzəryanı ölkələr 2011-ci ildən başlayaraq nərə cinsli balıqların ovlanması ilə bağlı monitorinq tətbiq edirlər”.

Həmsöhbətimiz onu da əlavə etdi ki, balıq ehtiyatlarının azalması səbəblərindən biri də insan amilidir: “Göllərin və çayların çirklənməsi balıq ehtiyatlarını azaldır”.

Günel CƏLİLOVA

Son xəbərlər