"Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsindəki paylaşımında Putinin iqamətgahına hücum iddialarını şərh edib.
A.Quliyev daha sonra yazır:
“Hadisələr daha çox ona bənzəyir ki, Putinin Nikolayevdəki villasına Ukrayna dronlarının hücum xəbəri həqiqətə uyğun deyil və Trampın sülh planını Zelenskiyə qəbul etdirmək üçün yeni təzyiqlərə əsas yaratmaq məqsədi güdür. Kreml rəsmiləri dalbadal açıqlamalar verir, "cavab sərt olacaq” “cavab diplomatik olmayacaq" kimi mövqelər göstərilir. Ukrayna inadla inkar edir, ən əsası odur ki, çox qətiyyətlə sübut istəyir...
Hələlik Rusiya sərt cavab (?) veriləcəyindən başqa geç nə demir.
Ancaq ortada cavablandırılmayan, Rusiyanın cavablandırmalı olduğu bir sual var - Bir neçə yüz km uçaraq Putinin Valday villasına gəlmiş 91 dronun niyə heç olmasa birini bu məsafədə kimsə mobil telefona almayıb?... Maraqlı deyilmi? Axı dronlar görünməz deyil... Trampın mövqeyi də xeyli şübhəlidir. Ukraynanın bunu edə biləcəyinə daha çox inanmaq istəyirmiş kimi davranır... "Əgər belədirsə, çox dəhşətli olacaq" deyir. Rusiyadan sübutlar istəmir. Sanki razılaşıblar... Hədəf budur: "Birlikdə təzyiq edək ki, Zelenski alçaldıcı sülhə təslim olsun"...
Ukrayna məsələsində nə qədər qəribə gəlsə də, Putinə "inanmaq" olar, Trampa yox...
Sonda məlum olacaq...”
Tahir TAĞIYEV
