Azad Vətən Partiyasının sədri Akif Nağı Azərbaycan Xalq Cəbhəsi Partiyasının (AXCP) sədri Əli Kərimlinin evində axtarış aparılması ilə bağlı Facebook səhifəsində paylaşım edib.
Paylaşımı təqdim edirik:
Azərbaycanda müxalifət adına çox manipulyasiyalar edirlər. Bu cürlərin içərisində Əli Kərimli özünü lider hesab edir , "əsas müxalifət" roluna iddialarını gizlətmir , digərlərini aşağılamağa çalışır.
O , 1995-ci ildən siyasət meydanındadı, bu günə qədər də özünü əsas fiqur kimi aparıb. Düşünürəm ki , onun siyasi həyatının bu qədər uzunömürlüyü , hər dəfə sudan quru çıxması Ramiz Mehdiyev faktoru ilə bağlı olub. Yüzlərlə sadəlövh insanı , hərəkatçını həbsə göndərən Kərimli bir dəfə də olsun həbs olunmamışdı. Çünki Ramiz Mehdiyev kimi himayəçisi , iş ortağı var idi. Mehdiyev Moskvaya xidmət edirdi , Kərimli Mehdiyevə xidmət edirdi , deməli, Kərimli həm də Moskvaya xidmət edirdi. Bu işinə görə cavab verməli , cəzasını almalıdır. O və onun yaratdığı " Milli" , əslində antimilli "Şura" Mehdiyevin planı , proqramı əsasında ortaya gətirilmişdi və onun dövlətçilimizə qarşı fəaliyyətinin aləti rolunu oynayırdı. Kərimlinin hər bir hərəkəti Mehdiyev tərəfindən idarə olunurdu. Onun " əsas mitinqçi" imicini də Mehdigev yaratmışdı. Biz Qarabağ Azadlıq Təşkilatı olaraq 2018-ci ilin sentyabrında Qarabağ mitinqi keçirdik, bütün partiyalar dəstək verdi , iştirak etdi. Dəstək verməyən iki partiyadan biri Kərimlinin partiyası , daha doğrusu, dərnəyi oldu. Qoy öz üzvlərinə cavab versin , görək niyə dəstəkləmədi. Və bizim mitinqdən dərhal sonra öz mitinqini keçirmək üçün canfəşanlığa başladı , yanvar ayında istəyinə nail oldu. Mən o vaxt dedim ki , " baş mitinqçi" statusunu itirməmək üçün bunu etdi. Bu şəraiti də ona Mehdiyev yaratdı. Bunların işbirliyinin son nəticəsi "Dövlət Şurası" deyilən xəyanət aksiyası oldu. Mehdiyev nəzarətə götürülüb , Kərimli də həbs olunub. Dövlətçiliyimizə qarşı böyük xəyanət projesinin üstü açılıb. Bu xəyanətdə iştirak edən hər kəs layiqli cəzasını almalıdır.
