Ermənilərin mədəniyyətdən, sivil insan tipindən uzaq olduğu hər zaman üzə çıxır. İstər sadə ermənilər, istərsə də yüksək vəzifəli şəxslər dünya mədəniyyətinə uyğun hərəkət edə bilmirlər. Bunu Ermənistan Prezidenti Vaaqn Xaçatryanın da timsalında göstərmək olar.
Belə ki, Ermənistan prezidenti Vaaqn Xaçatryan Britaniya Kraliçasının cənazəsi ilə şəkil çəkdirdiyinə görə sərt tənqid edilib. Bu barədə "The Sun" nəşri məlumat yayıb. Xəbərdə bildirilib ki, Ermənistan prezidenti hörmətsizlik edərək Kraliça II Elizabetin cənazəsini ziyarət zamanı yüksək səslə danışıb, köməkçiləri ilə zarafatlaşıb. Həmçinin cənazə önündə baş əyərkən köməkçisi prezidentin fotolarını çəkib. Kraliçanın cənazəsinin olduğu "Westminster Hall"da şəkil çəkdirmək isə dövlət rəsmiləri də daxil bütün şəxslərə qəti qadağandır.
Hadisə yerində olan şəxslərdən biri "The Sun"a prezidentin hərəkətləri ilə bağlı açıqlama verib:
"Həmin zalda yüzlərlə adam var idi - heç kim danışmırdı. Yalnız o danışırdı və açıq-aydın şəklini çəkdirməyi əvvəldən planlaşdırmışdı"
Digər bir şəxs isə "The Sun" a bildirib ki, hər kəs qaydalara tam şəkildə əməl etməyə bacarsa da, tək bir şəxs bu qaydanı pozub.
Britaniyanın “The Sun” qəzetində dərc edilmiş xəbərdə elementar protokol qaydaları ilə tanış olmayan Ermənistan Prezidentinin mədəniyyətsizliyindən bəhs edilib.
Qeyd edək ki, Kraliçanın cənazəsinin olduğu "Westminster Hall"da şəkil çəkdirmək bütün şəxslərə qəti qadağandır. Yalnızca media mənsubları foto çəkə bilər.
Kraliçanın rəsmi dəfn mərasimi sentyabrın 19-da baş tutub.
“Bu adam istəyib ki, özünü göstərsin, amma gülüş və qınaq hədəfinə çevirilib”
Müasir İnkişaf Birliyinin sədri, siyasi şərhçi Mübariz Göyüşlü hesab edir ki, Ermənistan prezidentinin gülüş hədəfinə çevirilməsi təbiidir, çünki erməni rəhbərlərdə siyasi mədəniyyət yoxdur, bunu onlardan tələb etmək, gözləmək sadəlöhvlükdür. “Kifayət qədər maraqlı bir məsələdir. Nikol Paşinyanın “küçə siyasətçisi” imici vardı, hamı deyirdi ki, o siyasətə küçədən gəlib. Vaaqn Xaçatryan da prezidentlik kürsüsünə Paşinyan kimi təsadüfən gəlib. Vəzifəyə təsadüfən gəldiyi üçün hələ də rəsmi protokol qaydalarına əməl edə bilmir. Bu həmişə onun davranışlarında özünü göstərir. Səs toplamaq, hakimiyyətə gəlmək mühüm göstəricidirsə, hakimiyyətdə qalmaq və eyni zamanda bütün davranışlarda rəsmi protokol qaydalarına uyğun hərəkət etmək, fəaliyyət göstərmək ikinci mühüm şərtdir. Biz Paşinyanda yüksək siyasi mədəniyyət görə bilmədiyimiz kimi, onun rəhbərlik etdiyi ölkənin prezidentində də bu mədəniyyəti görmürük. Ermənistan prezidentinin dünyada tanınmadığı məlumdur. Bu adam istəyib ki, özünü göstərsin, amma gülüş və qınaq hədəfinə çevirilib. Paşinyan da tez-tez müxtəlif auditoriyalarda gülünc vəziyyətə düşür”.
O, qeyd etdi ki, Ermənistanda həm dövlət qurumlarında təmsil olunanlar, həm də siyasətlə məşğul olanlar hər zaman avantüraları, qeyri-ciddilikləri, tez-tez sözlərini, fikirlərini dəyişməkləri ilə yadda qalırlar. Paşinyanın özü də axşam bir söz deyir, səhərisi gün başqasını söyləyir.
M.Göyüşlü bildirdi ki, dünyanın müxtəlif ölkələrindən Britaniya kraliçasının dəfn mərasimlərinə qatılan şəxslər olub, amma onlardan heç biri belə gülünc hərəkət etməyib. “Britaniya kraliçasının cənazəsi ilə şəkil çəkdirmək məsələsi uyğun bir protokol qaydası deyilsə, Ermənistan prezidentinin belə bir addım atması onun nə dərəcədə qeyri-ciddi olduğunun göstəricisidir. Bu onu göstərir ki, bu adam dövlət rəhbəri kimi hələ də formalaşa bilmir. Gedişat da onu göstərir ki, o uzun müddət hələ də bu səviyyədə qalacaq”-deyə M.Göyüşlü qeyd etdi.
İradə SARIYEVA
