Erməni mediasının yaydığı məlumata görə, Ermənistanın Azərbaycanla sərhəddə yerləşən bir neçə yaşayış məntəqəsinin sakinləri evlərini tərk etməyə başlayıblar.
Bildirilir ki, xüsusən də ölkənin cənubunda, Qafan şəhəri yaxınlığındakı erməni kəndlərinin əhalisinin köçürülməsinə başlanılıb.
Həmçinin, Cermuk şəhərində elektrik enerjisinin kəsildiyi, şəhərə girişin məhdudlaşdırıldığı qeyd olunur.
Ermənistan tərəf 12 sentyabr təxribatını malalamaq üçün hər cür vasitəyə əl atırlar. Öz məsuliyyətlərini çiyinlərindən atmaqdan ötrü süni şəkildə əhalinin təxliyəsini həyata keçirirlər. Bununla da belə rəy yaratmaq istəyirlər ki, guya Azərbaycan hucum edib və dinc əhalini hədəfə alıb, Azərbaycan ordusunun işi dinc əhali ilədir. Saxta təxliyə harayı salırlar ki, Azərbaycanı təcavüzkar kimi göstərsinlər.
“Onların məqsədi Azərbaycanı təcavüzkar kimi, qələmə verib öz təxribatlarını ört-basdır etməkdir”
Siyasi ekspert Rövşən Rəsulov “Bakı-Xəbər”ə şərhində ilk növbədə qeyd etdi ki, erməni mediası hər zamankı kimi, süni ajeotaj yaradır. “Ermənistan mediası 44 günlük müharibədə olduğu kimi, yenə də yalandan ajeotaj yaradır ki, guya Azərbaycan hücumlara başlayıb və dinc əhaliyə qarşı silahlı güc tətbiq edir və sair. Əslində, beynəlxalq aləm də Ermənistanın bu cür çığır-bağırlarının, hay-həşirlərinin “ənənəvi” olduğunu yaxşı bilir və bu ölkənin hansı səviyyədə diplomatiyaya malik olduğunu da çox gözəl anlayır. Sadəcə, məsələ ondadır, Azərbaycanın Müdafiə Nazirliyi dəfələrlə bəyan etdi ki, Kəlbəcər və digər istiqamətlərdən Ermənistan silahlı bölmələri ordumuza davamlı olaraq atəşlər açır, təxribatlar törədir. Hətta bir az da irəliyə gedərək bizim yerləşdiyimiz mövqelərin arasında minalama prosesini həyata keçirmək istəyiblər. Təbii ki, bu artıq qırmızı xətti keçmək idi və Azərbaycan ordusu öz gücünü “Qətiyyətli cavab” adlı əməliyyatla bir daja dünyaya, xüsusən də ermənilərə göstərdi. Bütün bunlardan sonra Paşinyanın yenidən KTMT-yə, BMT-nin Təhlükəsizlik Şurasına, Rusiyaya, Amerikaya, daha nə bilim haralara zəng etdi. Dünya onu öz sözünün üstündə durmayan bir siyasi kloun kimi gördü. Elə də bir ciddi reaksiya göstərilmədi, sadəcə atəşkəsin dayandırılması ilə bağlı tövsiyələr verildi. Təbii ki, Azərbaycan müstəqil ölkədədir və Azərbaycana heç bir ölkə diqtə edə bilməz. Bu da sübutdur ki, Azərbaycan ordusu qarşısına qoyduğu bütün məqsədləri tam qətiyyətlə yerinə yetirdi. Söz yox ki, bütün bu kimi məsələlərin qərarını Müzəffər Ali Baş Komandan İlham Əliyev verir. Buna qədər də dəfələrlə xəbərdarlıq edilib ki, özlərini yığışdırsınlar, indiyə qədər bütün razılaşmalarda əks olunan tələblərə əməlk etsinlər, eləcə də sərhədlərimizdə təxribatlar törətməkdən əl çəksinlər. Həmçinin də Qarabağdakı qanunsuz erməni silahlı birləşmələri və texnikaları bu ərazilərdən çıxarılsın”.
Azərbaycanın kifayət qədər səbr və təmkin göstərdiyini vurğulayan R.Rəsulovun sözlərinə görə, düşmənə layiqli cavab verildi. O, hesab edir ki, indən sonra da Ermənistan hər hansı bir təxribata əl atacaqsa nəinki Gorusda, Qafanda, Cermuxda (İstisuda) , hətta İrəvanda da zərbələr ala bilərlər. R.Rəsulovun sözlərinə görə, Ermənistan tərəf əhali arasında təşviş yaradır və biz bunu ötən gecə yayılan kadrlarda da gördük. “Ermənistan əhali arasında yalandan vahimə yaradır ki, guya Azərbaycanın hədəfi dinc əhalidir, camaatı səbəb olmadan sərhəd rayonlarından köçürür. Onların məqsədi Azərbaycanı təcavüzkar kimi, qələmə verib öz təxribatlarını ört-basdır etməkdir. Amma bütün proses dünyanın gözü qarşısında baş verir. Dünya aydın şəkildə görürür ki, Ermənistanın yalanan hay-küy salır, Azərbaycan ordusunun hədəfi dinc erməni əhalisi deyil. Ermənistan belə rəy yaratmağa çalışır ki, guya ordumuz sadə erməniləri hədəfə alıb, əslində isə Azərbaycan ordusunun hədəfi heç zaman dinc əhali olmayıb. Bunu dünya da yaxşı bilir”.
İradə SARIYEVA
