03/12/2020 14:00
728 x 90

Prezident Əliyev ədalətli müharibəmizin erməni xalqı üçün də işıqlı sonluğunu göstərir - Sizin canınızı bu xuntadan qurtaracağıq...

Faiq Ələkbərli: “Dağlıq Qarabağda yaşayan ermənilər Azərbaycan Prezidentinin fikirlərindən ciddi nəticə çıxarmalıdırlar”

img

“...O ki qaldı, bizim dədə-baba torpaqlarımıza 200 il bundan əvvəl köçürülmüş ermənilərin gələcəyinə, mən demişəm ki, onlar da bizim vətəndaşlarımızdır. Onların da canı bu xuntadan qurtarılmalıdır. Əgər özləri canlarını qurtara bilmirlərsə, biz onlara kömək göstərəcəyik...”. Bu fikirləri oktyabrın 26-da Prezident İlham Əliyev xalqa müraciətində bildirib.

Ekspertlər qeyd edirlər ki, bu gün Dağlıq Qarabağda yaşayan ermənilər separatçı xunta rejiminin zülmü, təzyiqi altındadır. Faktiki olaraq, onların Azərbaycan Ordusuna qarşı vuruşmaq istəmədiyini, öz xilaslarını Azərbaycan dövlətində gördüyünü deyən ekspertlər hesab edirlər ki, xunta rejimi onları müharibənin əsas iştirakçısına çevirmək üçün əlindən gələni edir, ermənilərə qarşı müxtəlif təzyiqlər göstərirlər. Ermənilərin xunta rejimindən xilas olmaq istədiklərini qeyd edən ekspertlərin sözlərinə görə, Prezident İlham Əliyev dəfələrlə öz çıxışlarında, müsahibələrində, eləcə də oktyabrın 26-da xalqa müraciətində onları xunta rejiminin boyunduruğundan xilas edəcəyini bəyan edib.

  • “Artıq ermənilər üçün bir şans yaranıb ki, onlar hərbi xunta rejimindən qurtulsunlar”

Azərbaycan Milli Elmlər Akademiyasının (AMEA) Fəlsəfə və Sosiologiya İnstitutunun aparıcı elmi işçisi, tarix üzrə fəlsəfə doktoru Faiq Ələkbərli “Bakı-Xəbər”ə bildirdi ki, Prezident İlham Əliyevin xalqa müraciətində Dağlıq Qarabağdakı Azərbaycan vətəndaşları olan ermənilərin gələcəyi haqqında diqqətçəkən fikirləri dövlətimiz tərəfindən onların xunta rejiminin boyunduruğundan xilas ediləcəyini bir daha ortaya qoydu: “Dövlət başçısının xalqımıza müraciətinə diqqətlə qulaq asdım. Prezidentin çıxışında vacib məqamlardan biri də məhz iki əsr bundan əvvəl Azərbaycan torpaqlarına köçürülən ermənilərlə bağlı səsləndirdiyi fikirlər idi. Prezident həm də bununla açıq şəkildə ermənilərin bizim torpaqlara köçürülməsində Çar Rusiyasının oynadığı rolu açıq şəkildə ortaya qoydu. Bu müddət ərzində bizim erməni adlandırdığımız haylar Çar Rusiyasının, sonrakı dövrdə Sovet Rusiyasının, əvvəlki dövrlərdə isə Böyük Britaniyanın oyuncağı olaraq və onların bir aləti kimi bizim bəlamıza çevriliblər. Bu, gerçəklikdir. Ermənilər iki əsrdir müxtəlif terror təşkilatlarının, o cümlədən də terrorçu siyasi partiyaların həm oyuncağına, həm də qurbanına çevriliblər. Bu gün də ermənilər separatçı xunta rejiminin qurbanlarıdırlar. Prezidentin 200 il əvvəl Dağlıq Qarabağa  köçürülmüş ermənilər barədə dediyi fikirlər onların xunta rejiminin əlindən xilas edilməsi ilə bağlıdır. Ermənilərdən həm xunta rejimi, həm müxtəlif xarici ölkələr, həm də ayrı-ayrı beynəlxalq təşkilatlar Türkiyəyə və Azərbaycana qarşı bir təzyiq aləti kimi istifadə edirlər. Xüsusilə də indi Dağlıq Qarabağda yaşayan ermənilərin imkanı var ki, canlarını onları uzun illərdir idarə edən hərbi xunta rejimindən, separatçı qüvvələrin əlindən qurtarsınlar. Şübhəsiz ki, bu imkanı da onlara Azərbaycan dövləti yaradır. Bilirik ki, Azərbaycanda yaşayan, ölkəmizin vətəndaşları olan ermənilər bizim tərəfdən indiyə qədər heç bir problem yaşamayıblar. Onlar öz içlərindəki xunta rejimindən və xarici qüvvələrin onlardan alət kimi istifadə etməsindən əziyyət çəkiblər, onların qurbanına çevriliblər. Təbii ki, Dağlıq Qarabağda yaşayan ermənilər Azərbaycan Prezidentinin fikirlərindən ciddi nəticə çıxarmalıdırlar. Deyərdim ki, son illər xunta rejiminin və Ermənistanın şirin dillə aldadaraq Dağlıq Qarabağa köçürdüyü, hələ də orada yaşayan ermənilər də Prezidentin sözlərindən nəticə çıxarmalıdırlar, əks halda sonra gec olacaq. Əgər onlar da Azərbaycanın digər etnik qrupları kimi bizimlə bir yerdə əmin-amanlıq şəraitində yaşamaq istəyirlərsə, özlərini terrorçu xunta rejimindən xilas etməlidirlər, onlardan uzaq durmalıdırlar. Dağlıq Qarabağda yaşayan ermənilər bunun üçün də separatçı xunta rejimi və terrorçu Ermənistanla bütün əlaqələrini kəsməlidirlər, onlarla indiyə qədər işbirliyində olduqlarına görə peşmançılıqlarını ifadə etməlidirlər. Mənə elə gəlir ki, gec deyil, Azərbaycan vətəndaşları olan ermənilər onları xunta rejimindən xilas etməsi üçün dövlətimizə müraciət etməlidirlər”.

F.Ələkbərli qeyd etdi ki, Azərbaycan Prezidentinin dediyi kimi, Ermənistandakı ermənilər də Paşinyanın xunta rejimindən xilas olmalıdırlar. Onun sözlərinə görə, onlar Ermənistanda normal bir hökumət yaratmalı, o hökumət də Azərbaycana, Türkiyəyə, Gürcüstana qarşı ərazi iddialarından birmənalı olaraq əl çəkməlidir. “Ermənistanda da Azərbaycana, Türkiyəyə və Gürcüstana qarşı ərazi iddiaları irəli sürməyən normal bir hökumət qurulmalıdır. Amma nə qədər ki, erməni xalqı bu cür xunta rejimləri, “Daşnaksütyun” kimi irqçi, terrorçu partiyalar tərəfindən idarə olunacaq, heç vaxt normal həyat sürə bilməyəcək.

Artıq ermənilər üçün bir şans yaranıb ki, onlar hərbi xunta rejimindən qurtulsunlar. Bu şansı isə onlara Azərbaycan dövləti verir” - deyə F.Ələkbərli vurğuladı.

İradə SARIYEVA

Son xəbərlər