Azərbaycanın 23 illik inkişaf və qələbə tarixi

Tarix: 15.10.2026 / 16:25
Bölmə: Siyasət

15 Oktyabr Azərbaycan dövlətçilik tarixində müstəsna əhəmiyyətə malik çətin və eyni zamanda şərəfli bir mərhələnin başlanğıc günüdür. 2003-cü ilin məhz bu günündə xalqımız böyük siyasi iradə göstərərək İlham Əliyevi Azərbaycan Respublikasının Prezidenti seçdi. Həmin tarixi seçim nəinki ölkəmizin gələcək inkişaf dinamikasını müəyyənləşdirdi, həm də müasir Azərbaycanın tarixinə qızıl hərflərlə yazılacaq böyük Zəfərlərin, siyasi və iqtisadi uğurların təməlini qoydu. Ötən 23 illik dövrə nəzər salarkən aydın görünür ki, Prezident İlham Əliyevin fəaliyyəti xalqa xidmət, milli maraqların qətiyyətlə qorunması və dövlətin suverenliyinin tam təmin olunması prinsipi üzərində qurulub.

Prezident İlham Əliyev hakimiyyətə gəldiyi ilk gündən uzaqgörən dövlət xadimi, Ümummilli Lider Heydər Əliyevin siyasi kursuna sadiq qalacağını və bu yolu yeni dövrün tələblərinə uyğun davam etdirəcəyini bəyan etmişdir. Bu, belə də oldu. Qısa müddət ərzində həyata keçirilən irimiqyaslı iqtisadi islahatlar, neft-qaz strategiyasının uğurla reallaşdırılması və şaxələndirilmiş iqtisadiyyatın qurulması Azərbaycanı regionun lider dövlətinə çevirdi.

Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi kimi transmilli layihələr, həmçinin Bakı-Tbilisi-Qars dəmir yolu xətti ölkəmizin beynəlxalq aləmdə strateji və iqtisadi mövqeyini əhəmiyyətli dərəcədə möhkəmləndirdi. İqtisadi müstəqilliyin təmin olunması isə müstəqil xarici siyasətin yürüdülməsinə və ən başlıcası, qüdrətli, müasir standartlara cavab verən Ordu quruculuğuna zəmin yaratdı.

Prezident İlham Əliyevin fəaliyyətinin və çoxşaxəli siyasi strategiyasının ən ali zirvəsi, şübhəsiz ki, Azərbaycanın ərazi bütövlüyünün və suverenliyinin tam bərpa edilməsidir. 2020-ci ilin payızında Müzəffər Ali Baş Komandanın rəhbərliyi ilə başlayan 44 günlük Vətən Müharibəsi Azərbaycanın şanlı Qələbəsi ilə başa çatdı. 30 ilə yaxın işğal altında qalan torpaqlarımız azad edildi, BMT Təhlükəsizlik Şurasının kağız üzərində qalmış qətnamələri döyüş meydanında icra olundu.

2023-cü ilin sentyabrında keçirilən lokal xarakterli antiterror tədbirləri ilə isə, ölkəmizin bütün ərazisində Azərbaycan Respublikasının suverenliyi tam bərpa edildi. Xankəndidə, Xocalıda, Şuşada və azad edilmiş bütün digər şəhər və kəndlərimizdə üçrəngli dövlət bayrağımızın dalğalanması Ulu Öndər Heydər Əliyevin ən böyük arzusunun həyata keçməsi və xalqımızın çoxəsrlik tarixinin en şanlı səhifəsi oldu.

Bu gün dövlətimiz Prezident İlham Əliyevin rəhbərliyi ilə keyfiyyətcə tamamilə yeni bir mərhələyə, Böyük Qayıdış və genişmiqyaslı bərpa-quruculuq dövrünə qədəm qoyub. Azad olunmuş torpaqlarda həyata keçirilən möhtəşəm infrastruktur layihələri, müasir beynəlxalq hava limanlarının tikilməsi, "Ağıllı kənd" və "Ağıllı şəhər" konsepsiyalarının tətbiqi, keçmiş məcburi köçkünlərin öz doğma yurdlarına təhlükəsiz qayıdışı dövlətimizin gücünü və təşkilatçılıq qabiliyyətini bir daha bütün dünyaya nümayiş etdirir.

Ötən 23 illik şərəfli yol göstərir ki, Prezident İlham Əliyev öz xalqına verdiyi hər bir vədi gerçəkləşdirən, sözü ilə əməli üst-üstə düşən liderdir. Azərbaycanı məğlub ölkədən Müzəffər Dövlətə çevirən, regionda yeni reallıqlar yaradan və qlobal miqyasda nüfuzunu artıran bu liderlik təkcə bu günümüzün deyil, gələcək nəsillərin də rifahına və təhlükəsizliyinə xidmət edir. 15 Oktyabr tarixi məhz bu böyük inkişafın, Zəfərin və milli qürurun rəmzi kimi tariximizdə əbədi yaşayacaqdır.

Lamiyə İsazadə,

Yazıçı-publisist, QHT sədri.

DİGƏR XƏBƏRLƏR

Tarix: 15.10.2026 / 16:40

Ermənistan-Türkiyə dəmiryolu mübahisələri rəsmən başladıldı...

Tarix: 15.10.2026 / 16:22

Azərbaycan beynəlxalq əlaqələrini genişləndirir

Tarix: 15.10.2026 / 15:23

Azərbaycan, Özbəkistan və Türkmənistan XİN başçılarının üçtərəfli görüş keçirilib

Tarix: 15.10.2026 / 15:14

Trampdan sonra Mask da Ukraynada Rusiyanın əlinə oynamağa başlayır...

Tarix: 15.10.2026 / 14:15

Çin Azərbaycanın AQEM-ə sədrliyini yüksək qiymətləndirir...

Tarix: 15.10.2026 / 13:42

Lavrov Bakıda Fidanla görüşdü

Tarix: 15.10.2026 / 13:20

Emoməli Rəhmon Prezident İlham Əliyevə təşəkkür etdi...

Tarix: 15.10.2026 / 13:18

"Sülh hələ də kövrəkdir, onu qorumaq və möhkəmləndirmək lazımdır" - Prezident

Tarix: 15.10.2026 / 13:15

"Azərbaycanın 2028-ci ilədək AQEM-ə sədrliyini dəstəkləyirəm" - Sadır Japarov

Tarix: 15.10.2026 / 13:02

"Prezident İlham Əliyevin rəhbərliyi ilə Azərbaycanın nüfuzu dünyada artır" - Özbəkistan Prezidenti

Tarix: 15.10.2026 / 12:54

Laos üzv dövlət qismində AQEM-ə qoşuldu

Tarix: 15.10.2026 / 12:51

"Azərbaycan AQEM-ə sədrliyi müddətində onun gücləndirilməsinə prioritet diqqət ayırıb" - Prezident

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...