xYalan danışmaq erməni millətinin xarakterinə çevrilib və onun əsas göstəricisi olaraq qalmaqdadır. Faktiki olaraq, bu millət, bu millətin dövlət rəsmiləri bundan xilas ola bilmir. Bəzən heç bir çərçivəyə sığmayan yalanlar uydurub digərlərini də buna inandırmaq istəyirlər.
İki gün əvvəl Ermənistanın Baş naziri N.Paşinyanın “Rossiya-1” televiziya kanalına verdiyi müsahibədə biz bunun bir daha şahidi olduq. Utanmadan, qızarmadan o ilk cümləsini yalanla başladı. Belə ki, Paşinyanın “Rossiya-1” telekanalına müsahibəsinin birinci cümləsi belə oldu ki, guya Azərbaycan Ermənistan ərazisindəki kəndləri atəşə tutub: “Bu gün səhər belə bir xəbər aldıq ki, Azərbaycan bilavasitə Ermənistan Respublikasının ərazisindəki kəndləri bombalayıb. Bundan əvvəl isə sentyabrın 27-də Azərbaycan Silahlı Qüvvələri Dağlıq Qarabağa qarşı tammiqyaslı hərbi təcavüzə başlayıblar. Onlar artıq üç gündür ki, artilleriyadan və yaylım atəşi sistemlərindən istifadə etməklə Dağlıq Qarabağın yaşayış məntəqələrini bombalayırlar. Təəssüf ki, bizdə həm hərbçilər, həm də mülki əhali arasında həlak olanlar var”.
Bu qədər ağ yalan olar? Azərbaycan Qarabağda aparılan uğurlu döyüş əməliyyatları fonunda niyə Ermənistan ərazisindəki kəndləri atəşə tutsun ki? Bütövlükdə, Azərbaycan Ordusu mülki obyektləri hədəfə almır. Ordumuz düşmənin Qarabağda yerləşən hərbi obyektlərini hədəfə alır. O zaman niyə Paşınyan bu dərəcədə yalan danışır?
“Paşinyanın müsahibənin ilk cümləsini belə yalanla başlamasını...”
Məsələyə münasibət bildirən hərbi ekspert İbrahim Rüstəmlinin sözlərinə görə, Paşinyanın bu dərəcədə ağ yalan danışması erməni əxlaqsızlığının göstəricisidir: “Bu gün Ermənistanla Azərbaycan arasında həm də informasiya müharibəsi gedir. Bununla belə, informasiya təhlükəsizliyi, informasiya işinin təşkili ilə bağlı kontent deyilən bir termin var. Kontent strategiyasının aparıcı ideyası ondan ibarətdir ki, informasiya doğru, düzgün və vaxtında verilməlidir. Yəni bu savaşda həqiqətin tərəfində dayananlar qalib çıxacaqlar. Söhbət ondan gedir ki, Paşinyan, bu ölkənin müdafiə naziri və digər ölkə rəsmiləri o qədər yalan danışıblar ki, artıq bütün dünya ictimaiyyəti bunların yalanından bezib. Onlar hər bir vasitədən istifadə edirlər ki, öz mövqelərini möhkəmləndirsinlər. Bu günlərdə Paşinyan belə bir şəkil yaymışdı ki, guya Suriyadan olan muzdlular Azərbaycan tərəfdə vuruşur. Çox keçmədi ki, amerikalı jurnalistlər bu şəklin montaj olduğunu ortaya qoydular. Məlum oldu ki, sözügedən şəkil bir neçə il əvvəl Suriyada çəkilib. Sözügedən şəkil Ermənistanın Azərbaycana qarşı təxribat törətmək məqsədilə yaradılmış saytdan götürülüb. Sözügedən saytlar, birbaşa olaraq, Azərbaycana qarşı informasiya savaşı aparır və feyk məlumatlar yayırlar. Məlum oldu ki, Paşinyan ən aşağı səviyyəli saytların feyk məlumatlarını belə paylaşır. Bütün bunlar onu göstərir ki, ermənilər hara gedirlərsə, ora əxlaqsızlıq gətirirlər. Paşinyanın müsahibənin ilk cümləsini belə yalanla balamasını yalnız bu cür qiymətləndirmək olar. Azərbaycan Ordusu nəinki Ermənistanda, heç Qarabağda mülki obyektləri hədəfə almır. Adətən, kəndləri, dinc yaşayış məntəqələrini atəşə tutmaq Ermənistan ordusuna xas olan bir xüsusiyyətdir. Hətta ermənipərəst mövqeyi ilə seçilən rusiyalı jurnalist Solovyov da erməni yalanlarından bezdiyini gizlədə bilmir. Bax, budur ermənilərin xisləti”.
Hərbi ekspert hesab edir ki, Paşinyan nə cür yalanlarla çıxış etsə də, Azərbaycanın imicinə kölgə sala bilməz.
Vidadi ORDAHALLI
