22/10/2020 12:47
728 x 90

Korrupsioner məmurların cəzalanması, ictimai nəzarətin gücləndirilməsi – Prezidentin iradəsinin təzahürləri...

Asif İbrahimov: “Hazırda inkişaf etmiş ölkələrin hər biri idarəetmədə, korrupsiya ilə mübarizədə vətəndaşın iştirakçılığını təmin edir”

img

Azərbaycan Prezidenti tərəfindən həyata keçirilən dərin islahatlar kursu ölkənin bütün sahələrini əhatə edir. Ölkə başçısı çıxışlarında bəyan edir ki, Azərbaycanda korrupliya, rüşvətxorluq, bürokratiya, süründürməçilik və digər bu kimi neqativ halların aradan qaldırılması əsas hədəflərdən biridir.

Görünən budur ki, Prezidentin çağırışına uyğun olaraq Azərbaycanda korrupsiyaya qarşı mübarizə sistemli, hərtərəfli və innovativ xarakter daşıyır. Korrupsiya ilə mübarizə sahəsində müvafiq proqramların, qanunvericilik aktlarının qəbul edilməsi isə bu bəla ilə mübarizəni daha da stimullaşdırır.

Görünən budur ki, Prezident İlham Əliyevin siyasi iradəsinə uyğun olaraq, bu sahədə yeni strateji baxışlar və vəzifələr müəyyən edilib, korrupsiyaya qarşı mübarizə keyfiyyətcə yeni müstəviyə keçib. Bu istiqamətdə müəyyən ciddi addımların atıldığının şahidi oluruq.  Bura dövlət orqanlarının fəaliyyətində şəffaflığın daha da artırılması üçün ictimai nəzarət mexanizmlərinin tətbiqini, ictimai şuraların fəaliyyəti istiqamətində tədbirlər görülməsini misal çəkə bilərik.

Ölkə başçısı dəfələrlə çıxışlarında deyib ki, korrupsiya ilə mübarizə sistemli xarakter daşıyır və burada ictimai nəzarətin rolu da mühümdür. Biz ciddi qanun pozuntularına yol vermiş vəzifəli şəxslərin məsuliyyətə cəlb olunması ilə bağlı faktların ictimailəşməsini görürük. Eyni zamanda, ictimai nəzarət mexanizmlərinin formalaşdırılması  istiqamətində mühüm addımların atıldığı göz qabağındadır. Bu iki  mühüm amilin korrupsiya ilə mübarizədəki rolunu necə qiymətləndirmək olar?

Beynəlxalq idarəetmə üzrə ekspert Asif İbrahimov “Bakı-Xəbər”ə açıqlamasında bildirdi ki, korrupsiya ilə mübarizədə vətəndaş cəmiyyətinin iştirakı, ictimai nəzarətin olması çox vacibdir: “Biz görürük ki, ölkədə korrupsiya ilə mübarizə sahəsində ciddi işlər görülür. Son bir ilə ərzində əvvəllər “toxunulmaz” satusunu qazanan vəzifə sahiblərinin necə həbs edildiklərini gördük. Həmin hadisələrin cəmiyyətə olduğu kimi təqdim olunması həm də başqaları üçün bir örnək rolunu oynayır. Məhz məlum hadisələrin fonunda Prezident etdiyi çıxışlarında vətəndaşları da bu bəla ilə mübarizdə fəal olmağa çağırıb. Azərbaycanda korrupsiya və rüşvətxorluğa qarşı aparılan mübarizənin effektivliyinin təmin edilməsi şərtlərindən biri də bu mübarizədə hökumət-vətəndaş əməkdaşlığının təmin edilməsidir. Çünki təcrübə göstərir ki, cəmiyyətə xas problemlərin həllində birtərəfli yanaşma heç də hər zaman effektiv olmur. Təbii ki, bu kimi dərin tarixi köklərə, formalaşmış təcrübəyə və xüsusilə də maddi üstünlükləri təmin edə bilən əməllərə qarşı sadəcə administrativ üsullarla mübarizə aparılmasının son nəticəyə təsir imkanları az olur. Məhz bu səbəbdəndir ki, korrupsiya ilə mübarizədə vətəndaşlar da ən az dövlət qədər məsul olmalı, hökumət isə bu iştirakçılığa şərait yaratmalıdır. Beynəlxalq təcrübə göstərir ki, korrupsiyaya qarşı mübarizə vətəndaşın dəstəyi, iştirakçılığı və ayıqlığı olmadan uğurlu nəticə vermir. Vətəndaş cəmiyyəti, media, digər maraqlı tərəflərin iştirakçılığı korrupsiyanın mənfi təsirləri haqqında maarifləndirmədə və bu mövzuda müzakirələrin intensivləşməsində xüsusi rol oynayır. Bu tərəflər, həmçinin, hökumətin fəaliyyətinə nəzarəti həyata keçirməklə məmurların gündəlik həyat tərzini izləyir, nəticələri ictimai müzakirəyə və aidiyyəti qurumların istintaqına təqdim edir və sonda mübarizənin effektivliyini artırır. İctimai birliklərin, medianın və digər maraqlı tərəflərin korrupsiya ilə mübarizədə işinin effektivliyini təmin etmək üçün bəzi şərtlər vacibdir. Bəhs etdiyimiz ictimai iştirakçılığın hüquqi bazası formalaşmalıdır ki, vətəndaş qorxmadan bu prosesdə yer ala bilsin. Hazırda inkişaf etmiş ölkələrin hər biri idarəetmədə, korrupsiya ilə mübarizədə vətəndaşın iştirakçılığını təmin edir və vətəndaş cəmiyyətinin potensialından kifayət qədər səmərəli istifadəyə çalışır”.

Vətəndaşların bu  istiqamətdə fəallığının artırılması kifayət qədər effektiv nəticələrə səbəb ola bilər.

Məhəmmədəli QƏRİBLİ

Son xəbərlər