Ev sığortası məsələsinin dövlət üçün çox mühüm tərəfi ortaya çıxıb

Tarix: 08.09.2014 / 11:57
Bölmə: İqtisadiyyat

Məlumdur ki, ölkədə avtomobillərin və daşınmaz əmlakın icbari sığorta mexanizmi tətbiq olunur. Lakin avtomobillərdn fərqli olaraq, mənzillərin icbari sığortası ilə bağlı kifayət qədər ciddi problemlər mövcuddur. Məhz bu səbəbdəndir ki, mənzil sığortası sahəsində yığımların miqdarı da olduqca azdır. Son vəziyyətin təhlili də göstərir ki, avtomobillərlə müqayisədə daşınmaz əmlakını sığortalamış subyektlər sayca daha azlıq təşkil edir.
Baş verənləri şərh edən "Standard Insurance" Sığorta Şirkətinin Satış Departamentinin direktoru Orxan Vəliyev bunun səbəblərini maarifçiliyin azlığında, nəzarətin və cərimələrin olmamasında görür: "Bunun səbəbini ilk növbədə maarifçilik səviyyəsinin az olması ilə izah edirik. Digər tərəfdən, avtomobil bazarında nəqliyyat vasitəsi sahiblərinin mülki məsuliyyətinin icbari sığortası növü üzrə sürücülərdə sığorta şəhadətnaməsinin olub-olmaması Dövlət Yol Polisinin əməkdaşları tərəfindən yoxlanırsa, daşınmaz əmlak sığortasında belə bir praktika yoxdur. Gələcəkdə belə bir səlahiyyət müvafiq yerli orqanlara verilərək şəhadətnaməsi olmayanlara müvafiq cərimələr tətbiq edilərsə, hesab edirik ki, ən azından daşınmaz əmlakın icbari sığortası növü üzrə nəzərəçarpacaq dərəcədə artım ola bilər". O qeyd edib ki, hazırda daha çox yaşayış tipli daşınmaz əmlak sığortalansa da, kommersiya tipli daşınmaz əmlakın sığortası da az deyil. Orxan Vəliyev ümid edir ki, 2-3 ilə əmlak sığortası bazarında sığorta şirkətlərinin iştirakı artacaq: "Bu isə yalnız sığorta şirkətlərinin sığorta haqları yığımının artırılması deyil, həm də əhalinin əmlak mənafelərinin etibarlı əllərdə qorunması deməkdir".
Qeyd edək ki, daşınmaz əmlak bazarında icbari sığortanın tətbiqi fonunda bundan istifadə edənlərin azlığı müvafiq rəsmi dairələrin də narahatlığına yol açıb. Elə bu səbəbdəndir ki, Azərbaycanın Maliyyə Nazirliyi daşınmaz əmlakın icbari sığortası mexanizmini dəyişməyi nəzərdə tutur. Xatırladaq ki, bir müddət əvvəl maliyyə naziri Samir Şərifov də bunun mümkünlüyünü təsdiq edib: "Bizim qanunvericilikdə minimal hədd ilə evlərin sığortalanması nəzərdə tutulub. Lakin onu da qeyd etməliyəm ki, mənzil və ev sahibləri bu sığorta növündən o qədər də faydalanmır. Ona görə biz daha effektiv və praktiki baxımından tətbiqi asan olan mexanizm barədə fikirləşirik. Bu məsələdə ehtiyatla davranırıq. İlk növbədə əhalinin maddi imkanlarını nəzərə almalıyıq".
Beləliklə, sığorta haqqında qəbul olunmuş qanunun, hələ ki, yaşayış mənzillərinə tətbiq olunmasına nəzarət mexanizmində bəzi problemlər var. Belə ki, qanunun tətbiqi ilə bağlı daşınmaz əmlakın sığortasına nəzarət iki hissəyə ayrılıb. Sahibkarlıq fəaliyyəti ilə məşğul olan şəxslərin, yəni qeyri-yaşayış sahələrinin sığortaya cəlb olunmasına Fövqəladə Hallar Nazirliyi nəzarət edir. Yaşayış mənzillərinin, evlərin sığortaya cəlb olunmasını isə yerli icra hakimiyyəti orqanları həyata keçirir. Bu halda FHN nəzarətində olan sahədə nisbətən daha geniş şəkildə sığortaya cəlb olunma müşahidə edilir. Yerli icra hakimiyyəti orqanlarının nəzarətində isə, hələ ki, vəziyyət gözlənilən kimi deyil. Məsələ də ondan ibarətdir ki, əvvəllər yerli icra hakimiyyəti orqanları sığorta ilə məşğul olmayıb. Bu onlara təhkim olunmuş yeni bir nəzarət sahəsi sayılır. Bu səbəbdən vəziyyətin düzəldilməsi üçün daha sərt nəzarətin tətbiqi də vacib sayılır. Bundan başqa, ekspertlər qanunla tətbiq olunan maliyyə cərimələrinin artırılmasını təklif edir. Hazırda icbari sığortanın tətbiq olunmamasına görə cərimələr var. Sadəcə olaraq, cərimələrin məbləği kifayət qədər az sayılır. Bu miqdar fiziki şəxslər üçün 20 manat, hüquqi şəxslərə görə isə 200 manatdır. Amma problem həm də ondadır ki, bu həddə cərimələr belə tətbiq olunaraq alınmır. Bu isə daşınmaz əmlak bazarında icbari sığortanın geniş tətbiqinin qarşısını alır.
Qeyd edək ki, hazırda Azərbaycan vətəndaşları yaşayış evlərini və mənzillərini Bakı şəhərində 50 manat ödəməklə 25000 manatlıq, Gəncə, Sumqayıt və Naxçıvan şəhərlərində 40 manat ödəməklə 20 min manatlıq, digər yaşayış məntəqələrində isə 20 manat ödəyərək 15 min manatlıq icbari sığorta etdirə bilərlər. Lakin bundan istifadə edənlərin sayı hələ də çox azdır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...