Qərbin Rusiya sanksiyaları Azərbaycanın ət bazarını da təhdid etməyə başladı

Tarix: 08.09.2014 / 11:54
Bölmə: İqtisadiyyat

Şimal qonşumuza tətbiq edilən sanksiyalar Azərbaycanda artıq bir çox kənd təsərrüfatı məhsullarının bahalaşmasına səbəb olub. Yaxın tezlikdə isə bu sanksiyalar üzündən ölkəmizdə ətin qiymətində də artım istisna olunmur. Məsələ burasındadır ki, Azərbaycandan Rusiyaya yaxın tezlikdə mal ətinin də ixracının başlanması tamamilə gözlənilən sayılır. Səbəb Rusiyada ərzaq məhsullarının, o cümlədən ətin qiymətinin bahalaşmasıdır.
Son iki həftədə toyuq əti 23 faiz, donuz əti 30 faiz, mal əti 40 faiz bahalaşıb. Federal Antiinhisar Təşkilatı bildirib ki, qaynar xətlərə 1254 müraciət daxil olub. Onlardan 1159-u qiymətlərin bahalaşması ilə bağlı olub. Qeyd edilir ki, şikayətlər Federasiyanın bütün bölgələrindən gəlib. Pərakəndə satış mərkəzlərində də ətin, balığın, toyuğun qiymətlərində artım qeydə alınıb. Qeyd edək ki, ölkədə avqustun 7-dən qüvvəyə minən sanksiyalar ət, ağartı, balıq, meyvə-tərəvəz məhsullarını əhatə edir.
Hazırda qiyməti sürətlə artan məhsullardan biri də mal ətidir. Bu isə Rusiyaya mal ətinin ixracını stimullaşdırır. Belə vəziyyət Azərbaycanda mal ətinin qiymətində böyük bahalaşmaya yol aça bilər. Onsuz da bəzi səbəblər üzündən mal ətinin qiymətində artım gözlənir. Bilindiyi kimi, cari ildə havaların həddən artıq quraq keçməsi rayonların otlaq sahələrində otun azalmasına və bahalaşmasına səbəb olub. Bu isə kənd sakinlərinin, eləcə də fermerlərin heyvandarlıq təsərrüfatına mənfi təsir göstərir. Artıq ot bağlamalarının qiyməti kəskin bahalaşıb. Qiymətlərin bahalaşmasının bir səbəbi havaların əlverişsiz keçməsi ilə əlaqədar otun zəif olmasıdır. Bir çox təsərrüfat sahiblərinin ot bağlamaları quraq hava ilə əlaqədar sahələrdə tələf olub ki, bu da qiymətlərə təsir göstərir. Bu il sahələrdə otun azlığı təsərrüfat sahibləri üçün də gözlənilməz olub. Ekspertlərin fikrincə, bir müddət öncə dizel yanacağının qiymətinin bahalaşması da ot bağlamalarının qiymətinə təsirsiz ötüşməyib. Belə ki, dizelin qiymətinin bahalaşması otun biçilmə, bağlanma və daşınma qiymətlərinin artmasına gətirib çıxarıb. Bütün bunar ətin qiymətində də öz əksini tapmaqdadır.
Bundan əlavə, Azərbaycanda iribuynuzlu mal-qara arasında yayılmış "Nodulyar dermatit" virus xəstəliyi cə mal ətinin bazarlarda azalmasına və bahalaşmasına səbəb olur. Xəstəliyin qarşısının alınması üçün bazarların bağlanması və rayonlardan mal əti gətirilməsinin azalması ölkədə ət və ət məhsullarının qiymətinin bahalaşmasına gətirib çıxarmaq iqtidarındadır. Bu fonda Rusiyaya da ətixracı başlayarsa, bahalaşmanın daha böyük hədlə ifadə olunacağı qaçılmazdır. Artıq Rusiya bazarında Azərbaycanın aqrar məhsulları kifayət qədər baha satılır və bu da ixracın artmasına səbəb olur. Ekspertlərə görə, Qərbdən idxalata qadağa ruslara imkan verir ki, Azərbaycan da daxil olmaqla, postsovet respublikalarının əsas ixrac mənbəyinə çevrilsinlər. Xatırladaq ki, Rusiya Azərbaycandan daha çox məhsul almağı düşünür. "Rosselxoznadzor" rəhbərinin müavini Aleksey Alekseyenkonun sözlərinə görə, bununla bağlı birgə Azərbaycan-Rusiya müəssisəsinin yaradılması müsbət hal olardı: "O, Rusiya bazarını hədəfə alacaq. Ona görə onun yaranması Rusiya qanunvericiliyinin bütün tələblərini nəzərə almağa imkan verəcək. Həmçinin müasir qablaşdırma tələbləri nəzərə alınacaq".
Qeyd olunduğu kimi, Rusiya hökumətinin bu addımları yerli bazarda artıq hiss edilməkdədir. Azərbaycanın ticarət obyektləri və topdansatış bazarlarında bəzi meyvə-tərəvəz məhsullarının qiyməti 50 faiz, bəzilərininki isə hətta iki dəfədən çox artıb. Azərbaycandan Rusiyaya tərəvəz məhsulları və meyvə ixracının artması daxili bazarda eyni növ məhsulların bahalaşmasına səbəb olub. Onu da qeyd edək ki, Rusiyada əhalinin alıcılıq qabiliyyəti xeyli yüksəkdir. Bu səbəbdən Rusiyada Azərbaycan məhsullarına daha çox dəyər verilir. Bu vəziyyətdən yararlanan Azərbaycan tədarükçüləri də ixracı artırır.
Rusiya isə bundan sonra idxal üçün daha Qərbə üz tutmaq istəmir. Prezident Vladimir Putin də bildirir ki, Avropa İttifaqı ölkələrindən olan istehsalçıların Rusiya bazarlarına qayıtması çox çətin olacaq. Putin deyib ki, avropalı biznesmenlər öz ölkələrinin siyasətçilərinin Rusiyaya sanksiya tətbiq etmək barədəki qərarından çox məyus olublar: "Bizim yerli istehsalçılar və iş adamları da xaricdən gələn məhsulların yerini hələ tam doldura bilmirlər. Ona görə də biz digər istehsalçılarla işləyirik. Bunlar əsasən MDB ölkələri, Braziliya, Argentina, Çili kimi Latın Amerikası ölkələridir, şərqli tərəfdaşlarımızdır, çinli biznesmenlərdir. Ən qəribəsi də budur ki, avropalılar onlara da müraciət edərək öz məhsullarını Rusiya bazarlarına göndərməməyə çağırırlar. Bu təkcə qəribə deyil, həm də gülməlidir. Ona görə ki, heç bir biznesmen geniş imkanları olan bazara girməkdən imtina etməz. Onlar Rusiya bazarlarında möhkəmlənib özlərinə yaxşı yer tutandan sonra Avropa Birliyi ölkələrinin iş adamlarının Rusiya bazarına qayıtması, əvvəlki yerini qaytarması çox çətin olacaq". Bütün bunlar həm də o deməkdir ki, bundan sonra da Azərbaycandan Rusiyaya məhsul axını davam edəcək.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...