İsgəndər Cavadovdan sərt ittihamlar...

Tarix: 16.10.2014 / 03:30
Bölmə: İdman

AFFA İcraiyyə Komitəsinin üzvü İsgəndər Cavadovun apasport.az saytına müsahibəsi:
- Millimiz 2016-cı il Avropa çempionatının seçmə qrup mərhələsində Palermoda İtaliyaya 1:2, Osiyekdə isə Xorvatiyaya 0:6 hesabı ilə uduzdu. Bu qarşılaşmalara necə şərh verərdiniz?
- İtaliya bizimlə var-gücü ilə mübarizə aparmadı. Əgər xorvatiyalılar kimi oynasaydılar, 100 faiz yenə yığmamızı darmadağın edəcəkdilər. Hələ Palermoda hiss etmişdim ki, Xorvatiya ilə oyun tam fərqli olacaq. Belə də oldu. Mən də futbolçu olmuşam və bunların hamısını yaxşı hiss edirəm. Baş məşqçi Berti Foqtsun məsələsinə AFFA-nın İcraiyyə Komitəsinin (İK) iclasında baxacağıq. Sözü qalmayıb, özünü müdafiə edir, şərtlərdən gileylənir. Baş məşqçi postuna gələn vaxt Azərbaycan futbolunun nə vəziyyətdə olduğunu bilməli idi. 1 ilə Azərbaycan futbolunun vəziyyətini bilməyən birisi 6-7 il işlədikdən sonra danışmağa başlayıb. Bilirsinizmi, Foqts özünə bəraət qazandırmağa çalışır.
- 0:6 hesablı məğlubiyyətdə günahı kimdə görürsünüz: baş məşqçidə, yoxsa futbolçularda?
- Mən futbolçularda günah görmürəm. Onların səviyyəsi budur. Bundan artıq oynaya bilməzlər. Neçə illərdir eyni səviyyədə qalıblar. Foqts deyir ki, Azərbaycan çempionatı zəifdir. Əslində, haqlıdır, düz deyir, çünki klublarda futbol adamları işləmir, peşəkarlıq yoxdur. Azərbaycanda futbol yaşamır, yalnız kommersiya maraqları güdülür. Ona görə də millimizi indi belə darmadağın edirlər.
- Foqts Türkiyənin I dəstəsinin Azərbaycan çempionatından aşağı olduğunu bildirib. Baxmayaraq ki, Mahir Şükürov, Vaqif Cavadov və Ufuk Budak kimi milli üzvləri orda çıxış edirlər...
- Türkiyənin I dəstəsi Azərbaycan çempionatı ilə eyni səviyyədədir.
- Foqtsun işindən razısınız, yoxsa narazı?
- Foqts İcraiyyə Komitəsinin iclasında komandamızın 2016-cı il Avropa çempionatının final mərhələsinə çıxmağa hazır olduğunu bildirmişdi. Həmin iclasda AFFA prezidenti Rövnəq Abdullayevə dedim ki, Foqts Azərbaycan yığmasına xeyir verməyəcək. Amma onun komandada işini davam etdirməsinə səs verdim.
- Əgər narazı idinizsə, niyə ona səs verdiniz ki?
- Elə-belə. Seçimim onsuz da heç nəyə təsir etməyəcəkdi. Onun vədinə aldanıb səs verdim. Amma əslində, nə Karlos Alberto Torresə, nə də Berti Foqtsa inanmışam. Bilirdim ki, Foqtsun AVRO-2016 ilə bağlı verdiyi vədlər boş sözlərdən ibarətdir.
- Foqtsu yerli məşqçi əvəzləməlidir, yoxsa...?
- Milliyə bizim futbolu bilən mütəxəssis gəlməlidir. Klublarımızın bugünə kimi infrastrukturu yoxdur. Hər il komandalar 15-20 milyon pul xərcləyir ki, bu da indiyə kimi milyarddan çox pul sərf etdiyimizi göstərir. Hələ "Top-5" klublarımızı nəzərdə tuturam. Torresi yığmaya gətirəndə demişdim ki, bu gün Avropa dalınca qaçmaq lazım deyil. Meydançalar, stadionlar, bazalar tikmək lazımdır ki, yerli futbolçular inkişaf etsin. Onda bizə legioner gətirmək vacib deyildi. Bizim rəhbər şəxslər isə legionerlərin dalınca qaçdılar. Bax, indi legionerləri gətirməyin vaxtı idi. Amma biz faktiki olaraq 10 il geriləmişik... Bizim yerli məşqçi istəməyimiz hər şeyi həll etmir. Onlardan soruşanda deyirlər ki, Foqts işləsin. Bizim məşqçilərdə müstəqillik yoxdur. Şəxsən mən azərbaycanlının işləməsini istəyərdim. Biz 10 il əvvəlki vəziyyətdə gedirik. Pullar bazalara, uşaq futboluna yönəldilsəydi, 4-5 futbolçumuz indi Avropada oynayırdı. Əcnəbilərin əleyhinə danışdığım üçün məni düşmən elan edib iclasdan qovmuşdular. Heç kim məni müdafiə etməmişdi. Bax, mən buna görə danışırdım. Göydə Allah var. Gec-tez bu baş verməli idi. Hələ bundan da pis olacaq.
- Milli komanda noyabrda Norveçlə qarşılaşacaq. Ola bilərmi ki, yığmamızın qələbəsi İcraiyyə Komitəsi üzvlərinin seçiminə təsir etsin?
- Xalları əvvəldən yığarlar. Sonda xal yığmazlar. Güclü komandalara seçmə mərhələnin sonunda xal lazım olmur. Biz artıq 3 oyundur uduzuruq. Norveçə isə qalib gəlməyimiz hələ böyük sual altındadır. Ancaq belə oyunla qələbə çətin məsələdir. Bizdə böyük problemlər var.
- Bəlkə AFFA-nın strategiyası düzgün deyil?
- Ümumiyyətlə, Rövnəq müəllim milli üçün böyük işlər görür və hər cür şərait yaradır. Amma dəyişikliklər etməlidir. O, bəzi adamları AFFA-dan kənarlaşdırmalıdır...
- Kimləri nəzərdə tutursunuz?
- Ad çəkmək istəmirəm. Onlar özləri bunu yaxşı bilirlər. Həmin adamları nə stadionlarda, nə uşaq futbolunda görürəm. Onların AFFA-da sadəcə adları gedir.
- Foqtsun baş məşqçi olmasında İcraiyyə Komitəsi üzvlərinin günahının olmasını etiraf edirsiniz?
- Bəli, bunda bizim də günahımız var. Sizinlə razıyam. Bunda mənim də günahım var. Amma mən özümü digərlərindən çox da günahkar bilmirəm.

DİGƏR XƏBƏRLƏR

Tarix: 23.06.2026 / 09:23

Fransa İraqı məğlub edib 1/16 finala yüksəldi...

Tarix: 22.06.2026 / 21:53

Türkiyə millisi niyə bu günə qaldı - ilk 64 saniyədə qol buraxdı, heç bir qol vurmadan yarışı tərk etdi...

Tarix: 21.06.2026 / 13:04

Azərbaycan boksçusu Dünya kubokunda qızıl medal qazanıb

Tarix: 18.06.2026 / 17:40

Azərbaycanın kamandan oxatma üzrə idmançısı IV Avropa Oyunlarında iştirak etmək üçün kvota qazanıb

Tarix: 18.06.2026 / 16:27

Azərbaycanda ilk dəfə paraüzgüçülük üzrə ölkə çempionatı keçirilib

Tarix: 15.06.2026 / 20:44

FIFA prezidentindən sensasiyalı təklif – Fələstin-İsrail matçı ilə açılış edilsin...

Tarix: 11.06.2026 / 09:43

Futbol üzrə dünya çempionatı başlayır - Meksika və CAR bu gün qarşılaşır...

Tarix: 10.06.2026 / 15:39

Milli Paralimpiya Komitəsinin rəhbərliyi medal qazanan parataekvondoçularla görüşüb

Tarix: 09.06.2026 / 20:52

Beynəlxalq media əfsanəvi 10 karateçinin sırasına azərbaycanlını da saldı - Rafael Ağayev

Tarix: 07.06.2026 / 22:39

Parataekvondoçularımız Prezident Kubokunda 1 qızıl və 2 bürünc medal qazanıblar

Tarix: 05.06.2026 / 00:02

Minifutbol millimiz Avropa Çempionu oldu!

Tarix: 04.06.2026 / 17:40

"Fənərbağça" prezidenti Sadettin Saran həbs edildi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Dövlət qulluğu statusu-dövlətçilikdə Azərbaycan brendi...