"Atletiko" tarixində ilk dəfə ÇL-in yarımfinalına yüksəldi

Tarix: 11.04.2014 / 11:59
Bölmə: İdman

İspaniyanın "Atletiko" klubu tarixində ilk dəfə futbol üzrə Çempionlar Liqasının yarımfinalına vəsiqə qazanıb. Lent.az-ın məlumatına görə, "Azerbaijan Land of Fire" formalı komanda 4 ən yaxşı klub arasına sonuncu dəfə turnir Çempionlar Kuboku adlandırıldığı vaxt çıxa bilib.
Bu, 40 il öncə - 1973-1974-cü il mövsümündə baş verib. Həmin vaxt "Atletiko" yarımfinalda Şotlandiya "Seltik"ini üstələsə də, finalda Almaniya "Bavariya"sına uduzub. Ümumilikdə isə bu klub cəmi 4 dəfə Çempionlar Kubokunda yarımfinal həyəcanı yaşayıb.
Əvəzində "Bavariya" və İngiltərənin "Çelsi" klubu son 2 mövsümdə Çempionlar Liqasını qazanıb. İspaniyanın digər təmsilçisi "Real Madrid" isə turnirin ən titullu komandasıdır. "Kral klubu" artıq 25-ci dəfə yarımfinala yüksəlib. Bu komanda ardıcıl 4-cü mövsüm bu vəsiqəyə yiyələnib. Amma "Real Madrid" sonuncu dəfə 2002-ci ildə Çempionlar Liqasını qazanıb. Əvvəlki 3 mövsümdə isə onların qarşısını ardıcıl olaraq, "Barselona", "Bavariya" və Almaniyanın digər təmsilçisi "Borussiya" (Dortmund) kəsib.
Aprelin 11-də keçiriləcək yarımfinal mərhələsinin püşkatma mərasimi zamanı heç bir məhdudiyyət qoyulmayacaq. Bu isə o deməkdir ki, azarkeşlər Çempionlar Liqasında da Madrid derbisi izləyə bilərlər. "Atletiko" ilə "Real Madrid" Çempionlar Kubokunda sonuncu dəfə 1958-1959-cu il mövsümündə üz-üzə gəliblər. Həmin mövsüm yarımfinal mərhələsinin ilk görüşündə "Real Madrid" 2:1, cavab görüşündə "Atletiko" 1:0 hesabı ilə qalib gəlib. Həmin vaxt top fərqi bərabər olanda əlavə oyun keçirilirdi. Məhz 3-cü qarşılaşmada "kral klubu" 2:1 hesablı qələbə sayəsində finala yüksəlib.
Digər komandalar isə şəxsi görüşlərdə zəngin tarixə malikdirlər. "Çelsi" "Bavariya"nı 2011-2012-ci il mövsümündə Çempionlar Liqasının finalında penaltilər seriyasında yenib. Bu mövsümün əvvəlində isə UEFA Superkuboku matçında eyni ssenarili sonluqda Almaniya təmsilçisi qələbəyə nail olub. "Bavariya" "Real Madrid"lə Çempionlar Kubokunun yarımfinallarında 5 dəfə üz-üzə gəlib və 4-də qələbəyə nail olub.
"Real Madrid" və "Atletiko" ayrı-ayrı yarımfinal cütlüklərinə düşsə, finalda eyni ölkənin 2 komandası qarşılaşa bilər. Bu, Çempionlar Liqasında ümumilikdə 5-ci və ardıcıl 2-ci hal olacaq. Ötən mövsüm "Bavariya" "Uembli"də "Borussiya"nın müqavimətini qırıb. İlk belə final isə 2000-ci ildə "Stad de Frans"da "Real Madrid"lə "Valensiya" arasında olub. Digər tərəfdən, finalda Madrid derbisi yaşansa, İspaniya Çempionlar Kubokunda ən uğurlu ölkə kimi mövqeyini gücləndirəcək. Primera təmsilçiləri indiyədək 13 dəfə nüfuzlu kuboku qazanıblar. Hərəyə 12 dəfə İtaliya və İngiltərə klubları qalib olub. "Bavariya" yenidən uğur qazansa, bu, Almaniyanın 8-ci qələbəsi sayılacaq.
Qeyd edək ki, Çempionlar Liqasında yarımfinal mərhələsinin püşkü aprelin 11-də atılacaq. Mərasim zamanı UEFA-nın baş katibi Canni İnfantinoya final matçının səfiri Luiş Fiqu kömək edəcək. İlk yarımfinal görüşləri 22-23 apreldə, cavab matçları bir həftə sonra olacaq. Final qarşılaşması isə mayın 24-də Portuqaliyanın paytaxtı Lissabondakı "Eştadiu du Benfika" stadionunda oynanılacaq.

DİGƏR XƏBƏRLƏR

Tarix: 23.08.2026 / 11:48

Sidney Marafonu təşkilatçılarının səhvi sosial mediada açıldı - medallara səhvən Münhen stadionunun şəkli vuruldu…

Tarix: 15.08.2026 / 18:26

İlham Zəkiyev 10-cu dəfə Avropa çempionu oldu

Tarix: 03.08.2026 / 13:56

Bosfor Qitələrarası Üzgüçülük Yarışı 38-ci dəfə keçiriləcək

Tarix: 29.07.2026 / 13:00

Futbol dünyası ŞOKda... FİFA prezidentinə milyardlarla dollarlıq gizli təklif - Tramp ailəsi Dünya Kubokunu ələ keçirir...

Tarix: 26.07.2026 / 11:50

Ermənistan güləşçiləri dünya çempionatında iştirak etmək üçün Bakıya gəldi

Tarix: 20.07.2026 / 18:10

Aslan Ercan beynəlxalq karate turnirində qızıl medal qazandı - FOTO

Tarix: 19.07.2026 / 11:37

Üçüncü yer uğrunda Fransa-İngiltərə oyunu tarixə düşdü...

Tarix: 19.07.2026 / 09:22

İspaniya, yoxsa Argentina? - Bu gün dünya çempionu bəlli olacaq...

Tarix: 18.07.2026 / 10:10

DŞ-2026: 3-cü yer uğrunda mübarizə başlayır - İngiltərə-Fransa

Tarix: 16.07.2026 / 13:18

Federasiya Hidayət Heydərovu sosial şəbəkə paylaşımlarına görə cəzalandırdı

Tarix: 15.07.2026 / 10:07

Fransa məğlub oldu - İspaniya 2010-cu ildən bəri ilk dəfə Dünya Kubokunun finalında...

Tarix: 15.07.2026 / 09:44

DÇ-2026: İngiltərə Argentinaya qarşı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.08.2026 / 20:58

Azərbaycan-Özbəkistan əməkdaşlığı dünya üçün Avrasiya məkanının strateji əhəmiyyətini artırır

Tarix: 24.08.2026 / 14:41

Ermənistan xarici siyasətdən Rusiyanı tamamilə silmək yolunu tutdu...

Tarix: 20.08.2026 / 21:55

Azərbaycan və daha 2 türk dövləti Avrasiyanın "orta gücləri"nə çevrilir...

Prezidentin xüsusi nümayəndələrinin daha səmərəli fəaliyyəti üçün zəruri şərt... Bu olarsa...