İran səfirliyinin əməkdaşı "Bakı-Xəbər"in qonağı oldu

Tarix: 27.11.2015 / 02:19
Bölmə: Gündəm

Murtuza Lütfi: "Bu görüşün baş tutmasına çox şadam"

Dünən İran İslam Respublikasının Azərbaycandakı Səfirliyinin mətbuat xidməti rəhbərinin müavini ağayi Murtuza Lütfi "Bakı-Xəbər"in qonağı olub.

Görüşdə "Bakı-Xəbər" qəzetinin keçdiyi inkişaf yolu, Azərbaycan mediasının bugünkü fəaliyyəti, mediaya dövlət dəstəyi, bəzi xarici qüvvələrin Azərbaycan mediasından sui-istifadə cəhdləri, habelə İran-Azərbaycan əlaqələrinin daha yaxşı inkişaf etməsində hər iki ölkə mediasının roluna böyük ehtiyac olması ətrafında söhbət aparılıb. Qəzetin baş redaktoru Aydın Quliyevlə görüşən səfirlik təmsilçisi bizimlə söhbətində görüşdən razı qaldığını bildirdi. Murtuza Lütfi qeyd etdi ki, İran İslam Respublikasının ölkəmizdəki səfirliyinin mətbuat xidmətinin abunə olduğu nəşrlərdən biri də "Bakı-Xəbər" qəzetidir. Mütəmadi olaraq qəzetimizi izlədiklərini deyən M.Lütfi öz ölkəsi ilə bağlı burada nəşr olunan yazıları diqqətlə oxuduqlarını bildirdi: "Bakı-Xəbər"i hər gün alırıq. İran Səfirliyində biz təxminən 20-30 qəzeti gündəlik olaraq alırıq, xəbərlərini oxuyuruq, həm İran barədə, həm də digər məsələlərlə bağlı yazılanlarla tanış olur, eyni zamanda onları İrana da göndəririk. "Bakı-Xəbər" yaxşı qəzetdir, əlaqələrimiz də yaxşıdır".

"Bakı-Xəbər"i ziyarət etməsinin səbəbindən danışan səfirlik təmsilçisi bildirdi ki, İran İslam Respublikasının mətbuat xidməti əməkdaşları Azərbaycanda fəaliyyət göstərən bütün qəzetlərin redaksiyasını ziyarət edir, qəzet rəhbərləri ilə görüşlər keçirir: "Mətbuat xidməti təmsilçiləri olaraq bütün qəzetlərin redaksiyasına gedirik, təsisçi və baş redaktorlarla görüşürük. "Bakı-Xəbər"ə gəlməmişdim, nəhayət ki, bura da gəldim. Aydın müəllimlə görüşdüm və şükür Allaha, söhbətimiz çox məzmunlu alındı. Məsələləri müzakirə etdik, Aydın müəllim məsələlərə çox gözəl izah verdi. Bu görüşün baş tutmasına çox şadam. Ümumiyyətlə, İranın Azərbaycandakı səfiri Möhsün Pak Ayinin mətbuatla əlaqəsi genişdir və tez-tez müsahibələr verir. Həftədə iki-üç nəşrə müsahibə verir. Bundan əvvəl də mətbuatla əlaqəmiz vardı, amma cənab Pak Ayin səfir gəldikdən sonra bu əlaqələr daha da genişləndirildi. Artıq üç ildir ki, buradadır".

Mətbuatla əməkdaşlıqdan əsasən razı qaldıqlarını vurğulayan M.Lütfi qeyd etdi ki, bəzən bəzi mətbuat orqanlarında xoşagəlməz yazılar dərc olunur. Bunların müəyyən qüvvələrin əli ilə yazıldığını deyən M.Lütfinin sözlərinə görə, belə qüvvələr həm Azərbaycanda, həm də İranda var":Onlar əlaqələrin yaxşı olmasını istəmir. Bəzi mətbuat orqanlarında müsbət fikirlər getmir, o halda biz onlarla danışırıq və hər şey qaydasına düşür".

Səfirliyin Azərbaycan jurnalistlərinin İrana səfərini təşkil etdiyini qeyd edən Murtuza bəy bildirdi ki, təxminən on dəfə ayrı-ayrı jurnalist qrupları Tehrana, Təbrizə, Urmiyəyə, Zəncana, Kiş adasına, Gilana, Ərdəbilə səfər edib":İndi yenə jurnalist heyəti yığılıb, onlar Məşhədə getmək istəyir. Ancaq indiyə qədər İrandan Azərbaycana iki qrup gəlib. Bizim jurnalistlərin bura az gəlməsinin səbəbi odur ki, onların Azərbaycan haqqında çox məlumatları var və bu məlumatlar müsbət yönədir. Biz çalışırıq ki, Azərbaycandan İrana daha çox jurnalist getsin, əlaqələr yaxşı olsun. Ölkəmizi daha yaxından tanıtmaq istəyirik. İranda Azərbaycan haqqında çox yaxşı fikirlər var. İranda da çox azərbaycanlı yaşayır. Bundan qabaq təbliğat çox pis gedərdi. Bilmirəm Amerika əməkdaşları, yoxsa İsrail əməkdaşları, yaxud kimlərsə çox pis təbliğat aparardı. Biz bu pis təbliğatı həll etməyə çalışdıq. İndi gedib görürlər ki, İranda inkişaf səviyyəsi yaxşıdır. Ölkəmizi daha yaxından tanıtmaq üçün Azərbaycandan ora müxbirlər göndəririk".

İradə SARIYEVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...