"Şəriət dövləti" qurmaq istəyən radikal qrupun Nardaranda gizli fəaliyyətinin qanlı nəticələri və əsl hədəfləri...

Tarix: 27.11.2015 / 02:49
Bölmə: Gündəm

Tapılan silah arsenalı çoxdankı hazırlığın əlamətidir, əhali ekstremistlərə uymadı

Respublikada ictimai-siyasi sabitliyi pozmağı, təxribatlar, kütləvi iğtişaşlar, terrorçuluq aktları törətməyi planlaşdıran və din pərdəsi altında fəaliyyət göstərən silahlı cinayətkar dəstə barədə Daxili İşlər Nazirliyinə daxil olmuş məlumat aparılan araşdırmalarla təsdiqlənib və təxirəsalınmaz əks tədbirlərin görülməsini zəruri edib.

Müəyyən olunub ki, Taleh Kamil oğlu Bağırov, Elman Seyidəmir oğlu Ağayev, Zülfüqar Sədrəddin oğlu Mikayılov və Əbülfəz Heydət oğlu Bünyatov dövlətin konstitusiya quruluşunun zorla dəyişdirilməsi, şəriət qanunları ilə idarə edilən dini dövlət qurulması məqsədilə "Müsəlman birliyi" adlı hərəkat yaradıblar. Adları çəkilən şəxslər Bakı şəhərindən və respublikanın digər bölgələrindən özlərinə tərəfdarlar toplayıb, onları müxtəlif növ odlu silah, döyüş sursatı, partlayıcı maddə və qurğularla təchiz edərək cinayətkar dəstə təşkil ediblər. Həmçinin, paytaxtın Nardaran qəsəbəsində qanunsuz yığıncaqlar keçirərək respublikanın əhalisini hakimiyyətə qarşı qaldırmağın yollarını müzakirə edib, bununla bağlı tərəfdarlarına göstərişlər verib və əhaliyə çağırış vərəqələri paylayıblar. Silahlı cinayətkar dəstənin hər bir üzvünün üzərinə düşən konkret vəzifələr, o cümlədən hakimiyyət nümayəndələrinə qarşı terror aktları törədəcək məsul şəxslər müəyyən edilib.

Qeyd edilənlər nəzərə alınaraq, həmin şəxslərin tutulması məqsədilə 2015-ci il noyabrın 26-da Daxili İşlər Nazirliyi tərəfindən Bakı şəhərinin Nardaran qəsəbəsində xüsusi əməliyyat keçirilib. Əməliyyat zamanı polis əməkdaşlarına silahlı müqavimət göstərilərək avtomat silahlardan atəş açılıb, əl qumbarası atılıb. Hücum edənlərin davamlı atəşinə cavab olaraq xüsusi əməliyyat qrupu tərəfindən xidməti silahdan istifadə edilməklə cinayətkar dəstənin 4 üzvü məhv edilib, daha bir neçə nəfəri yaralanıb.

Əməliyyatın keçirildiyi ərazidə silahlı cinayətkar dəstənin tərəfdarlarının çoxalmasına baxmayaraq, polis işçiləri öz xidməti vəzifələrini sonadək mərdliklə yerinə yetirib, 2 əməkdaş qəhrəmancasına həlak olub.

Hadisə yerindən maddi sübut kimi xeyli sayda avtomat silah,əl qumbarası, soyuq silahlar və s. götürülüb. Cinayətkar dəstənin, Taleh Bağırov başda olmaqla, 14 üzvü saxlanaraq istintaqa təqdim edilib.

Fakt üzrə Azərbaycan Respublikasının Baş Prokurorluğu tərəfindən cinayət işi başlanaraq istintaq aparılır.

Cinayətin bütün iştirakçılarının, o cümlədən bu silahlı cinayətkar dəstəyə kömək edən şəxslərin müəyyən edilib tutulması və məsuliyyətə cəlb edilməsi üçün əməliyyat-axtarış tədbirləri və istintaq hərəkətləri həyata keçirilir.

Ölkənin hüquq-mühafizə və xüsusi xidmət orqanları tərəfindən bu cür hadisələrin qarşısının vaxtında alınması, formalaşan istənilən mütəşəkkil cinayətkar dəstənin və ya cinayətkar birliyin dərhal zərərsizləşdirilməsi istiqamətində tədbirlər bundan sonra da qətiyyətlə davam etdiriləcək.

Məlumatlar və təhlillər göstərir ki, Nardaranda baş verən hadisə dini görüntüdə olsa da, əslində xarici dairələrin göstərişləri ilə Azərbaycanda ictimai-siyasi sabitliyi pozmaq və qarşıdurma yaratmaq istəyən radikal ekstremistlərin fəaliyyətinin nəticəsidir. Belə ki, Taleh Bağırzadə və onun ətrafında birləşmiş ekstremistlər xalqı itaətsizliyə çağırmış, nəzarətlərində olan saytlar və sosial şəbəkələr vasitəsilə hakimiyyət orqanlarını, vəzifəli şəxsləri hədələmiş, onlara qarşı ölüm çağırışları etmişlər. Nardaran əhalisini qorxu içində saxlayan dəstə sadə insanları yoldan çıxarmaq üçün onların mövqeyini bölüşməyən insanları məcburi şəkildə öz iradəsinə tabe etdirərək məkrli niyyətlərini həyata keçirməyə çalışmışdır. Məqsədin isə bəzi Şərq ölkələrində baş verən qanlı ssenariləri Azərbaycanda təkrarlamaq və ölkəni Liviyaya, Suriyaya çevirməkdən başqa bir şey olmadığı şübhəsizdir. Radikal ekstremistlərin hüquq-mühafizə orqanlarına silahlı müqavimət göstərməsi, polis əməkdaşlarını hətta qətlə yetirməsinin əsl motivləri də bunlardır. Ələ keçirilmiş saysız odlu silah, əl qumbaraları, çoxlu sayda "Molotov kokteyli" və sair dəstənin uzun təşkilatlanma və silahlanma yolunu mütəşəkkil qaydada keçdiyini sübut edir.

"Müsəlman birliyi hərəkatı" adlı təşkilatın son əməlləri radikal dini qruplaşmaların ciddi təhdid mənbəyi olduğunu bir daha aydın şəkildə üzə çıxardı. Bu dövlət qeydiyyatından keçməmiş təşkilatın sədri Taleh Bağırzadə və tərəfdarlarının sosial şəbəkələrdə indiyə qədər yaydığı məlumatlar da əslində onların kifayət qədər təhlükəli cinayətkarlar olduğunu göstərirdi. Noyabrın 26-da Nardaranda baş verənlər bu xüsusda səsləndirilən fikirlərin həqiqət olduğunu bir daha üzə çıxardı.

Hələ bu ayın əvvəlində "Müsəlman birliyi hərəkatı"nın sədr müavini Elçin Qasımlı polis tərəfindən saxlananda bu qurum ekstremizmə meylli olduğunu nümayiş etdirmiş oldu. Hadisələrin son gedişi isə onların, əslində dövlətə, bütünlükdə Azərbaycana qarşı təşkilatlanmaqda olduğunu, hətta silahlı müqavimətə hazırlaşdıqlarını göstərdi. Onların cəbbəxana yığması, hüquq-mühafizə orqanlarına silahlı müqavimət göstərməsi belə şəxslərin ən sərt üsullarla zərərsizləşdirilməsinin nə dərəcədə vacib əhəmiyyət kəsb etdiyini bir daha üzə çıxarmış oldu.

Bununla yanaşı, nəzərə almaq lazımdır ki, terrorizm, radikalizm və ekstremizm kimi təhlükəli tendensiyalar bir çox ölkələrin gündəlik həyatına sirayət etməkdədir. Fransada və digər ölkələrdə baş vermiş terror hadisələri bundan heç kimin sığortalanmadığını göstərməklə yanaşı, yeni bir mənzərəni də ortaya çıxardı: bütün bunları, o cümlədən Yaxın Şərqdə, Suriyada baş verənləri Azərbaycanda da təkrarlamaq istəyən qüvvələr var. Onlardan biri də məhz Taleh Bağırzadə və tərəfdarlarıdır. Taleh Bağırzadənin rəhbəri olduğu "Müsəlman birliyi hərəkatı" indiyə qədər özünü ölkəmizdə siyasiləşmiş İslamın mərkəzi kimi nümayiş etdirərək bu istiqamətdə fəaliyyət göstərməyə cəhd edib. Amma reallıqda insanların dini duyğularının istismarı ilə məşğul olan bu təşkilatla bağlı son proseslər onun radikalizmə meylli olduğunu, ölkədə ekstremizmin yayılmasında maraqlı olduğunu üzə çıxarır.

Taleh Bağırzadə və ona yaxın insanların sosial şəbəkələrdəki fəaliyyətini izlədikdə də açıq-aşkar görünür ki, bu şəxslər tamamilə xarici təsir altındadırlar. Vaxtilə müxtəlif yollarla xaricə aparılmış, guya dini təhsil verilmiş bu şəxslərdən indi müxtəlif məqsədlər üçün istifadə edildiyi ortadadır. Onlar idarə olunurlar, düşdükləri təsirdən heç cür çıxa bilmirlər. Hətta silahlı müqavimətdən belə çəkinmirlər. Azərbaycanda bu ekstremist qüvvələr üçün sosial baza yoxdur. Azərbaycan insanı ətraf ölkələrdə nələrin baş verdiyini çox gözəl anlayır. Bu baxımdan, cəmiyyət bu ekstremist qüvvələrin çağırışlarını qəbul etmir. İnsanlar yaxşı başa düşür ki, belələrinin məqsədi Azərbaycanda da İraqda, Suriyada baş verənlərin yaşanmasıdır. Hətta Nardaran sakinləri belə bu şəxslərin əməllərinə qarşı çıxır.

Taleh Bağırzadə və yaxınlarının Azərbaycandakı sifarişli ifrat fəaliyyəti isə dövlətçiliyimizə qarşı açıq təhdiddir. Onlar Azərbaycanı parçalamaq, məhv etmək istəyən güclərin əlində bilərəkdən alətə çevrilirlər. Bu şəxslər Azərbaycanda vətəndaş müharibəsi yaratmaq, dini zəmində toqquşmalar törətmək istəyənlər sırasında yer aldığından, onlara qanunun sərt üzünün göstərilməsi olduqca vacibdir.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...