Azərbaycanın şimal-şərq rayonlarında daha sürətli abadlıq işlərinin strateji önəmi...

Tarix: 06.11.2015 / 02:26
Bölmə: Gündəm

Qulu İsmayılov: "Prezidentin açılışında iştirak etdiyi layihələr həmin bölgənin inkişafına xüsusi impuls verəcək"

"Bölgə həm Rusiya, həm də Gürcüstanla həmsərhəddir"

Noyabrın 4-də Azərbaycan Respublikasının Prezidenti İlham Əliyev Zaqatala rayonuna səfərini başa çatdıraraq Şəkiyə gəlib. Şəki Şəhər İcra Hakimiyyətinin başçısı Elxan Usubov Azərbaycan Prezidentinə məlumat verib ki, mərhum prezidentin abidəsinin ucaldıldığı Heydər Əliyev Parkında geniş abadlıq işləri görülüb, yaşıllıq zolaqları salınıb. Park rayon sakinlərinin ən sevimli istirahət mərkəzlərindən birinə çevrilib.

Noyabrın 4-də Prezident İlham Əliyev Şəki-Qax-Zaqatala avtomobil yolunun Şəki-Qax hissəsinin yenidənqurmadan sonra açılışında iştirak edib. Bildirilib ki, Şəki-Qax avtomobil yolu Böyük Qafqaz sıra dağlarının cənub ətəyində yerləşir və respublikanın ən böyük turizm marşrutlarından olan yolun bir hissəsidir. Uzunluğu 35 kilometr olan yolun 26 kilometri Şəki rayonunun, 9 kilometri isə Qax rayonunun ərazisinə düşür. Bu avtomobil yolu Şəki və Qax şəhərləri arasında nəqliyyat əlaqəsinin yaxşılaşmasına, hazırda istifadə olunan 77 kilometrlik məsafənin 42 kilometr qısalmasına imkan verir. Yolun əsas üstünlüyü isə onun 39 min nəfər əhalinin yaşadığı 22 yaşayış məntəqəsini əhatə etməsidir. 2011-ci ildən icrasına başlanan layihə iki mərhələdə həyata keçirilib. Birinci mərhələdə yolun uzunluğu 35 kilometr olan Şəki-Qax hissəsi, ikinci mərhələdə isə uzunluğu 28 kilometr olan Qax-Zaqatala hissəsi yenidən qurulub. Üçüncü texniki dərəcəli, ikizolaqlı yolun eni 12 metrdir.

Diqqətə çatdırılıb ki, yenidənqurma işləri zamanı yol üzərində 20 körpü, uzunluğu 1074 metr olan suötürücü borular, 12 avtobus dayanacağı tikilib, 176 yol nişanı quraşdırılıb. Bu yolun istismara verilməsi Bakıdan və digər bölgələrdən Zaqatala, Balakən rayonlarına, həmçinin qonşu Gürcüstana və əks istiqamətdə nəqliyyat vasitələrinin Qax şəhərinə daxil olmadan hərəkətinə imkan yaradacaq, Qax şəhərinin ekoloji təmizliyinə müsbət təsir göstərəcək.

Prezident İlham Əliyev noyabrın 4-də Şəkiyə səfəri çərçivəsində 840 şagird yerlik Qoxmuq kənd tam orta məktəbinin yeni binasının istifadəyə verilməsi mərasimində iştirak edib.

Dövlət başçısı noyabrın 4-də Şəki Məhkəmə Kompleksinin yeni inzibati binasının açılış mərasimində də iştirak edib.

Prezident İlham Əliyev noyabrın 4-də Şəkidə "Marxal" sanatoriya-istirahət kompleksində tikinti işlərinin gedişi ilə də tanış olub.

Bu səfəri çərçivəsində ölkə başçısı digər qonşu rayonlarda da bir sıra mühüm obyektlərin açılışında olub. Göründüyü kimi, cənab Prezident Azərbaycanın sərhəd şimal-şərq bölgəsinin inkişafına xüsusi əhəmiyyət verir. Bunun dövlətimiz üçün sözsüz strateji əhəmiyyəti var.

İqtisadçı Qulu İsmayılov qəzetimizə açıqlamasında bildirdi ki, son illər ərzində Azərbaycanın yalnız deyilən bölgəsi yox, eyni zamanda bütün regionlarında yüksək inkişaf təzahürləri nəzərə çarpır: "Ölkə başçısının məhz bu bölgəyə səfəri regionu diqqət mərkəzinə gətirib. Amma müqayisədə hiss edilir ki, həmin regiona daha böyük diqqət var. Bununla bağlı bir sıra obyektiv səbəbləri sadalaya bilərik. Əvvəla həmin bölgə çox gözəl təbiətə malikdir ki, bu da turizm infrastrukturunu zəruri edir. İkinci bir tərəfdən isə, bölgə həm Rusiya, həm də Gürcüstanla həmsərhəddir. Sərhəd ərazilərdəki infrastrukturun yaxşılaşdırılması istənilən ölkə üçün prioritetdir. Azərbaycan dövlətinin də bələ incə məqamlara diqqət etməsi bəyəniləndir. Doğrudan da son illər ərzində həmin bölgədə ciddi inkişaf gedib. Hətta mən orada olan müasir tipli aeroportu görəndə təəccübləndim. Yəni dövlət bölgə üçün əlindən gələn hər bir şeyi edib. Bu, eyni zamanda, dövlətlərarası iqtisadi əlaqələrə də yaxşı töhfə verir. Xüsusilə də yol infrastrukturunun yaxşılaşdırılmasını bu qəbilə aid edə bilərik. Prezidentin açılışında iştirak etdiyi layihələr isə həmin bölgənin inkişafına xüsusi impuls verəcək".

Məhəmmədəli QƏRİBLİ

DİGƏR XƏBƏRLƏR

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...