Seçki günü bizim missiyanın Bakıda bir sıra seçki məntəqəsinə baş çəkmək imkanı oldu və biz orada seçki prosesini izlədik. Bizim missiya baş çəkdiyi bütün seçki məntəqələrində səsvermənin vaxtında başladığını müşahidə etdi. Missiya baş çəkdiyi məntəqələrdə yüksək seçici fəallığı və səs vermə üçün çoxlu sayda insan axınını müşahidə etdi.
Biz səsvermə prosesinin Mərkəzi Seçki Komissiyasının rəsmiləri tərəfindən peşəkar şəkildə təşkil edildiyini müşahidə etdik. Seçicilər gələn kimi qeydiyyata alınır və səsvermə üçün ayrılan yerdə səs vermələri üçün seçici kartları ilə təmin olunurdular. Bütün proses dinc və nizamlı şəkildə təşkil edilmişdir. Səsvermə materiallarına gəldikdə, bizim missiya seçki qutularının lazımı qaydada möhürləndiyini və hər bir seçicinin səs vermədən öncə skandan keçirildiyini müşahidə etdi. Səsvermə materiallarının əldə edilməsi mümkün idi və etibarlı seçkilərin keçirilməsi üçün lazımı standartlara cavab verirdi.
Biz seçki bülletenlərinin hər bir seçicinin anlaması üçün aydın olduğunu müşahidə etdik. Həmçinin, baş çəkdiyimiz bütün seçki məntəqələrində seçkilərdə iştirak edən siyasi partiyaların nümayəndələrinin olduğunu izlədik. Onlar bütün prosesi açıq şəkildə izləməyə imkan verən yerlərdə əyləşdirilmişdilər. Heç bir partiyanın nümayəndəsindən şikayət almadıq. Ümumi atmosfer dinc idi. Baş çəkdiyimiz bəzi seçki məntəqələrində digər beynəlxalq müşahidəçiləri də gördük və onlardan bəziləri ilə müzakirə etmək imkanına malik olduq. Bizim seçkiləri ümumi dəyərləndirməmiz ondan ibarətdir ki, seçkilər dinc, nizamlı və qəbul olunmuş beynəlxalq meyarlara uyğun şəkildə təşkil edilmişdir. Missiyamız həmçinin, parlament seçkilərinin şəffaf və ədalətli şəkildə təşkil olunmasını izlədik. İnanırıq ki, bu seçki Azərbaycan Respublikasında demokratiyanın və yaxşı idarəçiliyin gücləndirilməsi istiqamətində daha bir addımdır".
