Bəzi namizədlər virtual səsverməni şişirtməklə seçkidə gözlənilən məğlubiyyətlərini pərdələmək yolu tutublar

Tarix: 16.10.2015 / 03:15
Bölmə: Gündəm

Bəzi deputatlığa namizədlər özlərinə virtual aləmdə mandat qazanmaq yolunu tutublar. Xüsusilə də bu seçkilərdə sözügedən tendensiya özünü daha qabarıq şəkildə bürüzə verir. Təşkil olunan səsvermələrdə müxtəlif yolla öz adlarının qabağına çoxlu sayda "quş qoydurmağı" bacaran bəziləri isə indidən belə bir anons da verir:

"Görürsünüz, virtual səsvermənin nəticəsi mənim həmin dairədən qalib olduğumu şərtləndirir. Uduzsam, demək seçki saxtalaşdırılıb". Bu nə deməkdir? İndidən seçkinin qeyri-legetimliyi ilə bağlı işlədiləcək fikirlər üçün zəmin yaratmaq. İndi isə virtual səsvermənin necə və hansı texniki imkanlarla keçirildiyinə diqqət edək.

"Səsvermədə geridəyəm, mənə səs ver". "Dostlarına da de, mənə səs versinlər". Parlament seçkilərinin təbliğat-təşviqat dövrünə start verildiyi gündən bəri əksər insanlara bu tip mesajlar gəlməkdədir. Ya namizədlərin özləri, ya da yaxınları insanları müxtəlif internet saytlarında keçirilən sorğulara yönləndirərək aktivlik nümayiş etdirməyə çalışır. Sanki deputatlar dairələr üzrə deyil, ümumdünya üzrə seçiləcəklər. Belə ki, o sorğu linkinə sahib Mozambik vətəndaşı da, hollandiyalı, şotlandiyalı da istədiyi adamın önünə "quş" qoya bilər.

Yəni deputatlığa namizəd seçilmək istədiyi dairədə insanlarla münasibət qurmağı kənara qoyub, dairəsinə aidiyyətsiz, seçkinin nəticələrinə heç bir faydası olmayan işlərlə məşğuldur. Fəqət bu sorğu ilə bağlı ciddi yönləndirmə də hiss olunmaqdadır.

Xüsusilə hər seçkidə məğlub olmağa alışmış namizədlər var gücləri ilə bu sorğuları reklam edir. Əllərindəki böyük Facebook səhifələri ilə insanları bu sorğulara yönləndirənlərin bir məqsədi var: seçkinin nəticələrinə kölgə salmaq.

Belə ki, əhali arasında ciddi dayağı olmayan, namizədliyini irəli sürdüyü dairədə bundan öncəki seçkilərdə açıq fərqlə məğlub olan ənənəvi namizədlər Virtual Səsvermədə öndə olmağa çalışır.

Maraqlıdır ki, Azərbaycanda populyar olan səsvermə saytlarının əksəriyyəti ya xaricdə qeydiyyatdan keçib, ya da qurucularının xarici donor təşkilatları ilə əlaqələri var.

Ən maraqlısı isə budur ki, həmin saytlar MSK kimi dövlət qurumunun loqosundan da istifadə edir.

Bütün bunlar nə dərəcədə qanunauyğundur?

"Konstitusiya" Araşdırmalar Fondunun rəhbəri Əliməmməd Nuriyev hesab edir ki, hər hansı bir saytın razılıq olmadan başqa bir qurumun loqolarından istifadə etməsi müəllif hüquqlarının pozulması halıdır: "Dövlət atributlarının istifadə qaydaları var. Ayrı-ayrı qurumların loqolarından istifadəyə gəldikdə, bu, müəllif hüquqları ilə bağlı olan məsələdir. Məsələnin başqa bir tərəfi onunla bağlıdır ki, MSK adından görüntü yaradılması həmin qurumun imicinə ziddir. MSK bu məsələ ilə bağlı vaxtında bəyanat verməlidir ki, sonradan belə hal müxtəlif söz-söhbətlərin yaranmasına gətirib çıxarmasın. Bəzi hallarda bu tip məsələlər provokasiya xarakteri də daşıyır və bu sonradan MSK-nın nüfuzuna əhəmiyyətli dərəcədə ziyan vura bilər. Ya da gələcəkdə həmin saytda keçirilən səsvermənin nəticələrindən istifadə edərək, bir çox şəxslər apelyasiya şikayəti verə bilər. Onlar həmin nəticələrə istinad edərək, seçkidə başqa nəticələr olarsa, saxtakarlığın baş verdiyini söyləyə bilərlər. Halbuki, virtual səsvermədə, seçki dairəsində yaşayıb-yaşamamasından asılı olmayaraq, istənilən şəxsin həmin namizədə səs verməsi mümkündür. Bu da müəyyən qarşılıqlı problemlərə yol açar. Həmçinin bu məsələ təzyiq vasitəsi kimi də qiymətləndirilə bilər. Ona görə düşünürəm ki, belə məqama vaxtında reaksiya verilməlidir. Bundan kimlərsə şəxsi maraqlar naminə də yararlana bilər. Belə hallar seçkiyə müdaxilə görüntüsü yaratmamalıdır".

Göründüyü kimi, virtual səsvermənin keçirilməsindən istifadə edən bəzi namizədlərin bir hədəfi var. Real seçkinin nəticələri ilə bağlı indidən şübhə toxumu səpmək...

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...