Rüşvətin kökünü kəsməyin mümkünlüyünə Prezidentin və iri məmurların fərqli baxışları...

Tarix: 15.10.2015 / 03:37
Bölmə: Gündəm

Elşən Həsənov: "Bəli, bəzi məmurlara sərf edir cəmiyyətə şayiə buraxılsın ki, rüşvətin qarşısını almaq mümkün deyil"

"Bu işdə vətəndaşlar da xüsusi fəallıq göstərməlidir"

Azərbaycan Nazirlər Kabinetinin ilin 9 ayının yekunlarına həsr olunmuş müşavirəsində Prezident İlham Əliyev ölkəni həqiqətən ciddi şəkildə düşündürən bir sıra problemlərə toxundu və heç vaxt görünməmiş tərzdə sərt mesajlar səsləndirdi.

Bütün sahələri əhatə edən proqram xarakterli çıxışında Prezident iqtisadi islahata aparacaq yeni kursun anonsunu verdi. Ölkə başçısı xüsusilə də sahibkarları incidən idxal və istehsal monopoliyasından danışdı və bu cür mənfi tendensiyaların aradan qaldırılmasının zəruri olduğunu bildirdi.

Sahibkarların məruz qaldığı saysız yoxlamalar, onlardan rüşvət toplamaq halları, məmur özbaşınalığı və sair kimi problemlər həqiqətən də bu gün cəmiyyəti narahat edən tendensiyalara çevrilib. Həm də bunlar elə bəlalardır ki, kökü bir neçə qruplaşmaya bağlı olsa da, ziyanlı nəticələrini hamı-bütün cəmiyyət yaşayır.

Məsələn, Prezident ölkəni bürümüş rüşvət bəlası ilə bağlı çox sərt ittiham və etiraz mövqeyindən danışdı. Diqqəti ona yönəltdi ki, "ASAN xidmət" üsulunun fəaliyyət göstərdiyi çevrədə rüşvət yığışdırılıb və haqlı olaraq sual etdi: "Necə olur ki, bir sahədə rüşvətin kökünü kəsmək olur, başqa sahədə yox?!" Ən diqqətçəkən məqamlardan biri məhz buradadır və sərt deyilmiş fikrin arxasında konkret məmurlara və konkret sahələrə yönəlmiş xəbərdarlıq tonu aşkar görünür. Məsələ burasındadır ki, bir sıra iri məmurlar çox maraqlı bir fikri təkrarlamağı özlərinə adət ediblər. Onlar açıq deyiblər ki, rüşvətlə ardıcıl mübarizə aparırıq, ancaq onun kökünü kəsmək mümkün deyil. Belə özünə haqq qazandırıcı bəyanatları elə bu günlərdə də deyən məmurlar oldu. Qətiyyən şübhə yoxdur ki, belə bəyanatları cənab Prezident özü də şəxsən eşidib və elə bunun nəticəsidir ki, həmin qətiyyətli, barışmaz tonla o məmurlara mesaj verdi.

Bəzi iri məmurların rüşvətin kökünü kəsməyin mümkün olmadığına dair səsləndirdiyi fikirləri nə dərəcədə əsaslı saymaq olar?

Azərbaycan Sosialist Partiyasının sədri Elşən Həsənov qəzetimizə açıqlamasında bildirdi ki, Prezidentin çıxışı onda bir siyasətçi kimi gələcəyə böyük ümidlər yaradıb: "Korrupsiya, rüşvət istənilən cəmiyyətdə mövcuddur. Amma heç bir hökumət bunun yaxşı hal olduğunu demir. Bütün hökumətlər korrupsiya kimi zərərli tendensiya ilə mübarizə aparmağı hədəfləyir. Bəzən belə istəklər imitasiya xarakteri də daşıyır. Ancaq biz Prezidentin çıxışı fonunda gördük ki, Azərbaycan dövləti bu sahədə böyük siyasi iradə ortaya qoyur. Azərbaycanda iqtisadiyyatın belini qıran sahələri cənab İlham Əliyevin özü sadaladı. Korrupsiya olan cəmiyyətdə inkişaf ya getmir, ya da proses sürünərək irəliləyir. Danılmaz faktdır ki, ölkədə olan bəzi məmurların biznes şəbəkəsi var və onlar öz əllərində olan təsir rıçaqlarından istifadə edərək monopolist mövqedən çıxış edirlər. Yəqin ki, Prezidentin son çıxışından sonra bu sahədə ciddi irəliləyişlər olacaq. Bizdə insanların beyninə məqsədli şəkildə yeridilən sözlər var. Məsələn, rüşvətə şirinlik deməklə onu adiləşdirmək istəyirlər.

Bəli, bəzi məmurlara sərf edir cəmiyyətə şayiə buraxılsın ki, rüşvətin qarşısını almaq mümkün deyil. Tamamilə absurd bir fikirdir. Bu sırf siyasi iradəyə bağlı olan bir şeydir. Bəzi ölkələrin timsalında korrupsiyanın faiz dərəcəsinin necə azaldığına şahid olmuşuq. Bizdə ən güclü siyasi iradə ortaya qoyulubsa, bu zərərli virusun kökünü kəsmək, hələ bir az da irəli getmək olar. Bu işdə vətəndaşlar da xüsusi fəallıq göstərməlidir. Ölkə başçısı tək bu işin öhdəsindən gələ bilməz".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...