Azərbaycanı kökündən dəyişə biləcək islahatların ideya startı verildi

Tarix: 14.10.2015 / 03:39
Bölmə: Gündəm

Qabil Hüseynli: "Görünən odur ki, Prezident əlindən gələni etməyə çalışır ki, neqativliklər aradan qaldırılsın"

"Struktur yeniliklər digər sahələrə də tətbiq edilməlidir"

Azərbaycan Prezidenti İlham Əliyev oktyabrın 12-də Nazirlər Kabinetinin 2015-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında çıxışı zamanı korrupsiyaya və rüşvətxorluğa qarşı daha ciddi mübarizə aparılmasından söz açıb: "Bu mübarizə aparılır.

Ancaq deyə bilmərəm ki, biz istədiyimizə tam nail ola bilmişik. Əlbəttə ki, inzibati tədbirlər və cəza tədbirləri tətbiq ediləcək".

İlham Əliyev bildirib ki, bununla yanaşı, sistem xarakterli tədbirlər, institusional islahatlar aparılmalıdır:

"Çünki görürük ki, inzibati tədbirlər və cəza tədbirləri bir çox hallarda öz səmərəsini vermir, müvəqqəti xarakter daşıyır, bəzi hallarda insanların dəyişməsi o qədər də böyük səmərə vermir. Ona görə sistem xarakterli islahatlar davam etdirilməlidir, yeni təkliflər verilməlidir və əlbəttə ki, "ASAN xidmət"in təcrübəsi geniş tətbiq edilməlidir.

"ASAN xidmət"in yaradılması ictimai xidmətlər sahəsində bir inqilab olmuşdur. Artıq 6 milyon insan qısa müddət ərzində "ASAN xidmət"ə müraciət etmişdir. İnsanların mütləq əksəriyyəti onlara göstərilən xidmətlərdən razıdır. "ASAN xidmət"də korrupsiya, rüşvətxorluq, bürokratiya yoxdur. Bu, nəyi göstərir? Birincisi, onu göstərir ki, bizim korrupsiyaya, rüşvətxorluğa qarşı mübarizə aparmağa böyük siyasi iradəmiz var. İkincisi, onu göstərir ki, korrupsiyanı, rüşvətxorluğu aradan götürmək mümkündür. "ASAN xidmət"də bu mümkündürsə, başqa sahələrdə niyə mümkün deyil?

Ona görə də burada hər bir dövlət qurumu nəticə çıxarmalıdır. "ASAN xidmət"in praktikası bütün yerlərdə tətbiq edilməlidir və "ASAN xidmət"in funksiyaları genişləndirilməlidir. Bu il də biz "ASAN xidmət"ə yeni funksiyalar vermişik, məhz o funksiyaları ki, ən çox korrupsiyaya uğramış sahələrə aid idi. Ona görə burada mən hökumətdən yeni təkliflər gözləyirəm ki, hansı xidmətləri, hansı funksiyaları biz "ASAN xidmət"ə əlavə olaraq verməliyik. Bir daha demək istəyirəm ki, bütün başqa qurumlar da bu praktikanı tətbiq etməlidirlər".

Göründüyü kimi, ölkəmiz sistem xarakterli dərin idarəçilik islahatları ərəfəsinə qədəm qoyur.

Politoloq Qabil Hüseynli qəzetimizə açıqlamasında bildirdi ki, Prezidentin son çıxışı olduqca parlaq idi: "Ensiklopedik məzmunlu çıxışda ölkənin bütün sahələrinə aid iradlar və təkliflər bildirildi. Proqram xarakteri daşıyan cıxışda Prezident xüsusilə iqtisadi sahədə olan nöqsanların aradan qaldırılmasına dair fikirlərini açıqladı. Bu sahədə ciddi siyasi iradənin ortaya qoyulduğuna dair fikir meydana çıxdı. Hesab edirəm ki, bu çıxışdan sonra biz iqtisadiyyatda əhəmiyyətli irəliləyişlərin şahidi olacağıq. Sistem xarakterli tədbirlər, institusional islahatlar aparılmasına dair Prezidentin təklifi daha maraqlı oldu. Çünki cəza ilə hər bir məsələ həll edilmir. Bəli, "ASAN xidmət" bu təcrübənin doğruluğunu ortaya qoydu. Bununla sübut olundu ki, problemi həll etmək üçün yalnız insanları cəzalandırmaq və ya yerini dəyişmək kifayət etmir. Sistem xarakterli yeniliklərin tətbiqi insan amilini azaldır. "ASAN" modeli doğrudan da unikaldır.

Görünən odur ki, Prezident əlindən gələni etməyə çalışır ki, neqativliklər aradan qaldırılsın. Görürsünüz, o, iş adamlarının problemindən necə ürək yanğısı ilə danışır?

Bütün vətəndaşlar da ona dəstək olmalıdır. İnsanlar öz hüquqlarını qorumaq istiqamətində ciddi səy göstərməlidir. Struktur yeniliklər digər sahələrə də tətbiq edilməlidir. Hesab edirəm ki, insanların daha çox təmas qurduğu yerlərdə: gömrükdə, DYP-də belə sistemin tətbiqi həyata keçirilməlidir. Ümid edirik ki, son tədbirdən sonra biz yeniliklərin şahidi olacağıq".

Cəmilə QARAYEVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...