İlham Əliyevin Şərq və Avropa böhranı barədə düzgün təyinatı və Azərbaycanın təhlükədən qorunmaq perspektivi...

Tarix: 08.10.2015 / 03:21
Bölmə: Gündəm

Qulu İsmayılov: "Azərbaycan bütün bunlardan qorunmaq üçün hazırkı siyasətini uğurla davam etdirməlidir. İqtisadiyyatın düzgün idarə olunmasını diqqətdə saxlamalıyıq"

"Maksimum dərəcədə ölkəmizdən kənarda baş verən kataklizmlərdə neytrallığı saxlamalıyıq ki, zərbə altında qalmayaq"

"Əlbəttə, biz gələcəyə baxırıq. 2016-cı il də iqtisadiyyat üçün asan il olmayacaq. Biz bunu bilirik və bilməliyik. Ancaq mən gələn il də ölkəmizin uğurlu inkişafı üçün heç bir problem görmürəm. Bütün sosial proqramlar icra ediləcək, iqtisadi inkişaf təmin olunacaq. Azərbaycana xarici və daxili investisiyaların qoyuluşu təmin ediləcək.

Ölkəmizdə təhlükəsizlik, sabitlik tam şəkildə qorunacaq".

Bu barədə Azərbaycan Prezidenti İlham Əliyev Göyçay rayonunda ictimaiyyət qarşısında çıxışında bildirib.

Prezident dünyada son dövrlər baş verən böhrandan da danışıb. O, regionda böhrana baxmayaraq, Azərbaycanda sabitliyin, inkişafın, rifahın bundan sonra da davam edəcəyini bildirib.

"Bu gün dünyada gedən prosesləri biz hamımız izləyirik. Görürük ki, bizim bölgədə hansı faciəli, dəhşətli hadisələr baş verir. Azərbaycanda sabitlik, inkişaf, rifah, təhlükəsizlik təmin edilir. Hər şey müqayisədə müəyyən olunur. Yaxşı vaxtlarda adama elə gələ bilərdi ki, vəziyyət elə hər yerdə yaxşıdır. Ancaq bu gün baxın, bizim region, Orta Şərq, Avropa böhran içindədir. İndi bəzi ölkələrdə həm iqtisadi, həm siyasi, həm hərbi, həm də mənəvi böhran yaşanır. O ölkələr bəyan etdikləri dəyərlərə sadiq qala bilmirlər. Ancaq bizim bəyan etdiyimiz dəyərlər göz qabağındadır. Milli mənəvi dəyərlər, azərbaycançılıq, milli, dini dözümlülük, tolerantlıq, sosial-iqtisadi inkişaf və öz gücümüzə güvənməyimiz bizim inkişafımızı şərtləndirən əsas amillərdir", o qeyd edib.

Azərbaycanın Prezidentin böhranlı vəziyyətin olduğu kimi xarakterizə etdiyi bölgələrlə əlaqələri mövcuddur. Həmin regionlarda baş verən böhrandan sığortalanmaq üçün ölkəmiz nə etməlidir?

İqtisadçı Qulu İsmayılov qəzetimizə açıqlamasında bildirdi ki, Prezident çıxışında böhranlı vəziyyətin hökm sürdüyübölgələr sırasına bizim yaşadığımız coğrafiyanı da aid edib: "Ölkə başçısının çıxışında nəzərdə tutulan məqamlardan başlıcası iqtisadiyyatla bağlıdır. Əslində, dünyada maliyyə böhranı çoxdandır yaşanır. Sadəcə, Azərbaycanın zəngin ölkə olması və iqtisadi siyasətin düzgün aparılması ölkəmizi uzun illər böhrandan sığortaladı. Ancaq elə faktorlar var ki, onun baş verməsi bizdən asılı deyil. Məsələn, neftin qiymətinin kəskin aşağı düşməsi Azərbaycan iqtidsadiyyatına mənfi təsirini göstərməyə bilməzdi. Prezidentin özü də çətinliklərin olacağını etiraf edir. Ancaq sevindirici haldır ki, bizdə dərin iqtisadi böhran yaşanmır. Yaxın Şərqdə müharibə gedir. Həmin qovğanın təsiri Avropaya da sirayət edib. Azərbaycan bütün bunlardan qorunmaq üçün hazırkı siyasətini uğurla davam etdirməlidir. İqtisadiyyatın düzgün idarə olunmasını diqqətdə saxlamalıyıq. Maksimum dərəcədə ölkəmizdən kənarda baş verən kataklizmlərdə neytrallığı saxlamalıyıq ki, zərbə altında qalmayaq. Bir qədər də büdcə vəsaitlərinə qənaət edilməlidir. Ölkənin daxilindəki təhlükəsizlik isə lazımi səviyyədə qorunur. Bütün sadalanlara əməl edilsə, biz yaxın ətrafımızda baş verən böhranlardan sığortalana bilərik".

Məhəmmədəli QƏRİBLİ

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...