Prezident ölkənin ərzaq təhlükəsizliyinin möhkəmliyinə daha bir sübut göstərdi - quş əti...

Tarix: 08.10.2015 / 03:55
Bölmə: Gündəm

Zakir Əhmədov: "Ölkədə quş əti istehsalı davamlı inkişafdadır və bu sahədə görülən tədbirlər öz nəticəsini verməkdədir"

"Bu amil həm də sahibkarlarda istehsal gücünü artırmaq marağı yaradır"

Azərbaycan özünü 100 faiz quş əti ilə təmin etməyə başlayıb. Bunu Prezident İlham Əliyev oktyabrın 6-da Ucar şəhərinin su təchizatı sisteminin yenidən qurulması layihəsinin başa çatdırılması münasibətilə təşkil olunan mərasimdə çıxışı zamanı deyib:

"Bu gün quşçuluq fabriki ilə tanış oldum. Çox müasir bir sənaye müəssisəsidir. Həm iş yerlərinin yaradılması, həm yerli istehsalın gücləndirilməsi və ən əsası odur ki, biz indi özümüzü ərzaq məhsulları ilə tam şəkildə təmin etməliyik. Bu fabrik işə düşəndən sonra biz özümüzü quş əti ilə 100 faiz təmin edirik. Amma 10 il bundan əvvəl heç özümüzü 50 faiz də təmin etmirdik. Xaricdən asılı idi, idxaldan asılı idi, xaricə pul ödənilirdi. İndi pul Azərbaycanda qalır, yerli sahibkarlar işləyir, pul qazanır, işçilərə əmək haqqı verirlər. Özü də bu fabrikdə işləyənlərin əksəriyyəti qadınlardır. Bu da qadınlar üçün iş yerləridir. Bax, düşünülmüş siyasət olan yerdə inkişaf da var. Azərbaycanda düşünülmüş siyasət aparılır. Məhz buna görə biz bütün bölgədə, dünyada yaşanan böhranlı şəraitdən, sınaqdan şərəflə çıxırıq. Sahibkarlığın inkişafı daha da sürətlə getməlidir. Yeni müəssisələr yaradılmalıdır. İnfrastruktur layihələri başa çatandan sonra bizim diqqət mərkəzində olan əsas məsələlər kənd təsərrüfatı, sənaye istehsalıdır".

Son illər Azərbaycanda quşçuluq təsərrüfatlarının sayı artıb. Təkcə ötən il bu sahənin inkişafı üçün dövlət tərəfindən ayrılan 115,6 milyon manat güzəştli kreditlər hesabına quşçuluq fabriklərinin sayı 47-yə çatıb. Məhz bu amil ölkədə quş ətinə olan tələbatın tamamilə yerli istehsal hesabına ödənməsinə şərait yaradıb. Nəzərə alsaq ki, bu sahə əmək tutumludur, o zaman daha çox ölkə vətəndaşının işlə təmin olunmasına şərait yaranacaq. Eyni zamanda bu, qeyri-neft sektorunun inkişafı deməkdir.

Sözügedən məsələ ilə bağlı fikirlərini "Bakı-Xəbər"lə bölüşən ekspert Zakir Əhmədovun fikrincə, ölkənin illik tələbatının 100 min tonunu sənaye üsulu ilə quş əti istehsalını artırmaqla da ödəmək mümkündür: "Ancaq bir fakt diqqətdən qaçmamalıdır ki, indi ölkədəki quşçuluq fabrikləri ayda 1200 ton məhsul istehsal etmək gücünə malikdir. Bu, həm də respublikaya xaricdən gətirilən quş əti idxalının dayanması deməkdir. 2010-cu ildə ölkədə quş əti idxalı 26,1 min ton olub. 2013-cü ildə bu göstərici 7,1 min tona düşüb. Beləliklə, 3 ildə 72,8 faiz azalma qeydə alınıb. Artıq ölkə həm quş ətinə, həm də yumurtaya olan ehtiyacı 100 faiz yerli istehsal hesabına ödəyə bilir. Reallıq ondan ibarətdir ki, bu sahədə görülən işlər öz səmərəli nəticəsini verməkdədir. Bu isə onun göstəricisidir ki, ölkədə quş əti istehsalı davamlı inkişafdadır və bu sahədə görülən tədbirlər öz nəticəsini verməkdədir. İndi ölkədə kifayət qədər quş əti istehlakçısı var.

İstehlakçıların çox olmasının səbəbi isə bu məhsulun ciddi həkim nəzarəti altında, əl dəymədən, müasir texnologiyalar əsasında istehsal olunmasıdır. Bu amil həm də sahibkarlarda istehsal gücünü artırmaq marağı yaradır. Yaranan tələbat həm də onu deməyə əsas verir ki, ölkədə quş ətinin sənaye üsulu ilə istehsalını daha çox artırmaq yerinə düşər".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...