MTRŞ-nin bəzi televerilişləri xüsusi nəzarətə götürməsi dəstəklənir

Tarix: 07.10.2015 / 03:20
Bölmə: Gündəm

Şakir Ağayev: "Tamaşaçının səviyyəsinin artmasına ehtiyac var"

"Azərbaycan televiziya məkanında bayağı, şou xarakterli verilişlərin yayımlanmasının tərəfdarı deyiləm"

Azərbaycan efir məkanında yayımlanan verilişlər son vaxtlar ciddi müzakirə obyektinə çevrilib. Milli-mənəvi dəyərlərə zidd olan verilişlərin yayımı Milli Televiziya və Radio Şurasının (MTRŞ) qərarı ilə dayandırılıb. Bəzi proqramların yayımının tamamilə dayandırılacağı gözlənir.

Milli Televiziya və Radio Şurasının (MTRŞ) Ekspertiza, Proqramlaşdırma və Analitik Şöbəsinin müdiri Təvəkkül Dadaşov mediaya açıqlamasında bildirib ki, Azərbaycan cəmiyyətinin intellektual kəsiminin böyük bir hissəsi çox təəssüf ki, xəbərlər informasiya proqramlarından başqa, yerli telekanallardakı əyləncəli verilişlərə baxmır. Onlar əsasən Rusiya və Türkiyə telekanallarında yayımlanan əyləncəli verilişləri izləyir: "Buna əsas səbəb Azərbaycan telekanallarında yayımlanan əyləncəli verilişlərin səviyyəsinin aşağı olmasıdır. Bu isə Azərbaycan tamaşaçısının avtomatik olaraq xarici telekanallara meyllənməsinə gətirib çıxarır. Bu da əlbəttə ki, böyük siqnaldır. Bu vəziyyətin qarşısını almaq üçün Şura fəaliyyətini daha da gücləndirib. Şuraya əlavə səlahiyyətlər televiziyalarda vəziyyətin düzəldilməsi üçün verilib. Məqsəd də efirin təmizliyini qoruyub saxlamaq, verilişlərin səviyyəsini artırmaqdır. Bu bizdən daha çox televiziyalara və cəmiyyətə lazımdır. ANS televiziyasında yayımlanan "Məchulu tapın", "Xəzər" telekanalında yayımlanan "Ay Zaur", "5/5", "Hər şey daxil" və "Space" televiziyasında yayımlanan "Sevimli şou" nəzarət altındadır. "Sevimli şou"da aşağı zövqlərə köklənən müəyyən musiqi parçaları səslənir ki, bu, cəmiyyətin müəyyən təbəqəsinə köklənib, geniş auditoriya üçün deyil. Efirin toyxanaya çevrilməsini, habelə aparıcının bayağı davranışlarını nümunə göstərə bilərik. Sadaladıqlarım barədə narazılıq var. Düzdür, "Sevimli şou"da konkret heç kim təhqir olunmur. O cümlədən "5/5" verilişində həm aparıcının kobud davranışı, həm verilişin formatı, həm də verilişdə müzakirəyə çıxarılan mövzularla bağlı narahatlıq var. Həm də bu verilişdə eyni qonaqların mütəmadi verilişə çağırılması ilə bağlı şübhələr var. "Hər şey daxil" verilişində efirə yaraşmayan qeyri-etik ifadələrlə bağlı şəxsən mən özüm arayış yazmışam. Bütün hallarda, problemin miqyası məsələsi var. Məsələn, "ANS" televiziyasında yayımlanan "Sən tək deyilsən" və "Xoşqədəmlə axtarıram səni" verilişlərində problemi birdəfəlik aradan qaldırmaq lazım idi. Lakin yuxarıda adlarını çəkdiyim verilişlərin formatını müəyyən mənada cilalamaq, nizama salmaq mümkündür. Təbii ki, bu effekt verməsə, inzibati metodlardan istifadə olunacaq".

T.Dadaşov qeyd edib ki, hazırda bu istiqamətdə iş davam edir: "Şura verilişlərin məzmununa müdaxilə etmir. Amma ictimaiyyətdən gələn siqnallar əsasında telekanallara müəyyən tövsiyələr verir. Artıq iradlarımız telekanallara çatdırılıb. Kanallardan müəyyən şəxslər dəvət olunub və müzakirələr aparılıb. Biz ilk növbədə gözləyirik ki, telekanallar özləri tədbir görsün. Belə olmayacağı təqdirdə isə əlbəttə Şura qərar verəcək".

"Yeni Zaman" qəzetinin baş redaktoru Şakir Ağayev "Bakı-Xəbər"ə açıqlamasında qeyd etdi ki, Azərbaycan televiziya məkanında bayağı, şou xarakterli verilişlərin yayımlanmasının tərəfdarı deyil: "İnsanların zövqü fərqli olur. Bu tip proqramlar insanların zövqünün korlanmasına təsir edir. Arzu edərdim ki, Azərbaycan telekanallarında milli ideologiya ilə bağlı verilişlər hazırlansın. Təhsil, vətənə sevgi və ailə dəyərləri haqqında müxtəlif məzmunlu proqramlar hazırlamaq olar. Tamaşaçı üçün gərəkli verilişlərin hazırlanmasına ehtiyac var. Bu tip verilişlər gələcək nəslin daha vətənpərvər böyüməsində xüsusi rol oynayacaq".

Həmsöhbətimiz onu da əlavə etdi ki, televiziya çox əhəmiyyətlidir, ictimai rəyi formalaşdırır, maarifləndirmə funksiyasını yerinə yetirir və s. Belə olan təqdirdə, ekran şərtləri cəmiyyət həyatında da öz əksini tapır: "Efirlərdə yayımlanan bayağı verilişlər sayəsində həmin telekanallar tamaşaçıların çoxunu itirib. Tamaşaçının səviyyəsinin artmasına ehtiyac var".

Günel CƏLİLOVA

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...