Mübariz Mənsimov da maliyyə böhranı ilə üzləşdi

Tarix: 07.10.2015 / 03:20
Bölmə: Gündəm

İndi daha çox problemlərlə gündəmə gələn azərbaycanlı milyarder Telman İsmayılovun üzləşdiyi çətinliklərin Kremldən qaynaqlandığı heç kimə sirr deyil. Qeyd edək ki, İsmayılovla prezident Vladimir Putinin arasını vuran iş adamının Türkiyədə 1,4 milyard dollara tikdirdiyi yeddiulduzlu "Mardan Palace" oteli olub. 2009-cu ildə bu otelin açılışında Rusiya və Hollivud ulduzları iştirak edib.

Rusiyanın 2008-ci il defoltundan sonra İsmayılovun bu hərəkəti Kreml rəhbərlərinin xoşuna gəlməyib və bundan sonra İsmayılov onların gözündən düşməyə başlayıb. Ona qarşı təqiblər başlanıb. Nəticədə İsmayılovla münasibətinə görə Moskva meri Yuri Lujkov vəzifəsini itirməli olub. İsmayılovun Moskavada əsas gəlir mənbəyi olan Çerkizov bazarı məhv edilib. O, həmçinin, Moskvada tikdirdiyi otellə vidalaşmalı olub.

Belə bir vaxtda Türkiyədə fəaliyyət göstərən digər azərbaycanlı iş adamı, "Palmali Group" şirkətinin prezidenti Mübariz Mənsimov da son dövrlərdə Rusiya mediasının xüsusi diqqət mərkəzində yer almağa başlayıb. Mediaya bu xüsusda göstərişlərin isə Kremldən gəlməsinə dair xəbərlər dolaşmaqdadır. Xatırladaq ki, bu günlərdə Rusiyanın "Novaya qazeta" nəşri iş adamının İŞİD yaraqlılarından neft almasına dair iddialarla çıxış edib. "Novaya qazeta"nın mənbələri bildirib ki, İŞİD-in nəzarətində olan kəmərlərlə Türkiyəyə neft nəqli həyata keçirilir. Bu neftin Ceyhan limanından Mübariz Mənsimovun "Palmali Shipping & Agency JSC" şirkətinə məxsus tankerlərlə daşındığı da qəzet tərəfindən iddia olunub. Qəzet yazıb ki, dünyanın aparıcı xüsusi xidmət orqanları bu haqda xəbərdardır. Bu qalmaqallı məlumat səngiməmiş Türkiyənin "Sözçü" qəzeti Mənsimovun Rusiya prezidenti Vladimir Putinlə aralarının pozulduğu, bu üzdən biznesinin çökməyə başladığı haqda məlumat yayıb. Qəzet "Palmali" şirkətlər qrupuna yaxın çevrələrə istinadən iddia edir ki, Rusiya və Azərbaycan neftinin daşınması ilə məşğul olan Mənsimovun maliyyə durumu hazırda ciddi şəkildə pisləşib. Oliqarx hətta "Palmali Havaçılık" şirkətinin qeydiyyatında olan biznes-jetlərini satışa çıxarıb və iki təyyarəni artıq satıb. Biznes-aviasiya xidmətləri göstərən bu şirkətin donanmasında 5 təyyarə var. Təyyarələrdən qiymət qoyulmadan internet üzərindən satışa çıxarılan ikisi - "Falcon 2000S" 25 milyon dollara, "Falcon F7" isə təxminən 50 milyon dollara başa gəlib. Qəzetin yazdığına görə, üzləşdiyi maliyyə sıxıntıları nəticəsində Mənsimov Bodrumun Gökçebel kəndi yaxınlığındakı "Cennet köyü" adlanan ərazini almaqdan da imtina edib. Məsələ ilə bağlı "virtualaz" portalı bildirir ki, Mənsimovun şirkəti bir neçə ay əvvəl hərracda qalib gələrək bu ərazini 370 milyon lirəyə almışdı. Lakin o, üzləşdiyi maliyyə sıxıntıları nəticəsində həmin ərazinin pulunu ödəyə bilməyib və zəmanət kimi yatırdığı pul da batıb.

"Sözçü" qəzeti isə bildirir ki, Mənsimovun işlərinin zəifləməsi Türkiyə prezidenti Rəcəb Tayyib Ərdoğanın oğlu Bilal Ərdoğanı da ziyana salacaq. Xatırladaq ki, Mübariz Mənsimov neft daşımalarında Ərdoğanın oğlu Bilal Ərdoğanla ortaqdır. Bundan əvvəl də Türkiyə mediasında Ərdoğan ailəsinin İŞİD neftini alıb-satdığına dair iddialar səslənib, ancaq Türkiyə rəhbərliyi bu məlumatları qətiyyətlə rədd edir.

"Palmali" şirkətinin sifarişi ilə inşa edilmiş 5 neft tankeri isə Ərdoğanın oğlu, yeznəsi və qardaşının ortaq şirkəti olan "BMZ Group Denizçilik" şirkətinin adına qeydiyyatdan keçirilib, daha sonra bu tankerlər Mənsimovun özünə uzunmüddətli kirayəyə verilib. İndi hesab edilir ki, Mənsimovun biznesinin çökməsi Ərdoğanın ailə üzvlərinin də biznesinə zərbə vuracaq. Rusiyadakı mənbələr Mübariz Mənsimovun Rusiya elitası ilə indiyə qədər yaxşı münasibətləri olduğunu bildirir. Bu mənada onun Putinlə münasibətlərinin hansı səbəbdən korlanması sirr olaraq qalır. Lakin bir məsələni də bildirək ki, Mübariz Mənsimov əsas biznesini Türkiyədə qurub. Lakin Rusiyadan neft məhsullarının daşınmasında da fəal iştirak edir.

O, hətta Ukraynanın qadağalarına rəğmən, "Palmali"nin tankerlərini dəfələrlə Krım limanlarına göndərib. Bu tankerlər Sevastopol, yaxud Feodosiya limanından dəfələrlə yük götürüb. Bütün bunlar isə Mübariz Mənsimovun Rusiya tərəfilə yaxşı münasibətlərinin yaranmasına gətirib çıxarmışdı. Lakin indi vəziyyət dəyişir və hadisələr "Palmali" şirkətinin ciddi problemlərlə üzləşməkdə olduğunu göstərir.

Tahir TAĞIYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...