Azərbaycan və Rusiyanın regionlarının əməkdaşlığı müasir beynəlxalq münasibətlərdə yeni model kimi...

Tarix: 02.10.2015 / 03:08
Bölmə: Gündəm

"Belə təmaslar, tanışlıqlar həmin məhsulların asanlıqla Rusiya bazarında realizə olunmasına kömək edəcək"

Samir Adıgözəlli: "Forumda dövlət rəsmiləri ilə yanaşı, iş adamlarının da yaxından iştirak etməsi olduqca əhəmiyyətlidir"

Yekaterinburqdakı Beynəlxalq Sərgi Mərkəzində VI Rusiya-Azərbaycan Regionlararası Forumu işə başlayıb. Forumun işində iştirak etmək üçün Azərbaycandan geniş nümayəndə heyəti yollanıb. Nümayəndə heyətinin tərkibinə Azərbaycan Respublikası Prezident Administrasiyasının nümayəndələri, rayonların icra hakimiyyəti başçıları, müxtəlif nazirlik və idarələrin, ölkəmizin işgüzar dairələrinin təmsilçiləri daxildir.

Forumun təşkilatçıları Rusiya Federasiyası İqtisadi İnkişaf Nazirliyi və Azərbaycan Respublikası İqtisadiyyat və Sənaye Nazirliyidir. Rusiya Federasiyasının Prezidenti Vladimir Putinin regionlararası forumun iştirakçılarına təbrik məktubunu Rusiya Federasiyası Prezidentinin xarici ölkələrlə regionlararası və mədəni əlaqələr idarəsinin rəisi Vladimir Çernov oxuyub. Rusiya dövlət başçısının təbrikində qeyd edilir ki, ötən illər ərzində Rusiya-Azərbaycan əlaqələri daha da möhkəmlənib. Bu gün ticari-iqtisadi sahədə, sənaye, energetika, elmi-texniki və başqa sahələrdə qarşılıqlı fəaliyyəti möhkəmlətmək üçün hər iki ölkənin bütün zəruri imkanları var.Azərbaycan Respublikasının Prezidenti İlham Əliyevin regionlararası forumun iştirakçılarına təbrik məktubunu Azərbaycan Prezidentinin ictimai-siyasi məsələlər üzrə köməkçisi Əli Həsənov oxuyub.Forumun "Regionlararası əməkdaşlığın nəticələri və perspektivləri" mövzusunda plenar iclasında çıxış edən Rusiya Federasiyası iqtisadi inkişaf nazirinin müavini Aleksandr Tsıbulski qeyd edib ki, Rusiya-Azərbaycan münasibətləri bütün istiqamətlər üzrə inkişaf edir və bu münasibətlər strateji tərəfdaşlıq nümunəsidir. O bildirib ki, RF-nin 75 subyekti, xüsusən Dağıstan, Tatarıstan, Moskva, Sankt-Peterburq və başqa regionlar Azərbaycanla sıx ticari-iqtisadi əlaqə saxlayır. Nazir müavini son beş ildə ölkələrimiz arasında əmtəə dövriyyəsinin iki dəfə artdığını xatırladaraq bildirib ki, cari ilin birinci yarısında bu göstərici 1,7 milyard ABŞ dollarına bərabər olub.Azərbaycan Respublikası iqtisadiyyat və sənaye nazirinin müavini Niyazi Səfərov deyib ki, Rusiya Azərbaycanın bu cür tədbirlər keçirdiyi yeganə ölkədir. O xatırladıb ki, Azərbaycanla Rusiya arasında möhkəm müqavilə-hüquqi baza mövcuddur, 170-dən çox sənəd imzalanıb, onlardan 50-si iqtisadi əməkdaşlığa aiddir. Nazir müavini qarşılıqlı sərmayə qoyuluşunun vacibliyindən söhbət açaraq bildirib ki, Rusiya Azərbaycana 1,8 milyard dollar həcmində sərmayə qoyub. Azərbaycanın Rusiyaya birbaşa investisiyalarının həcmi 1 milyard dollardan çox olub. N.Səfərov sonda deyib: "Azərbaycan iqtisadi əlaqələri genişləndirməkdə, Rusiya Federasiyası ilə əmtəə dövriyyəsini artırmaqda maraqlıdır".

Sverdlovsk vilayətinin qubernatoru Yevgeni Kuyvaşev çıxışında qeyd edib ki, Sverdlovsk vilayəti ilə Azərbaycan Respublikasının ticari-iqtisadi əməkdaşlığının daha da möhkəmlənməsi üçün böyük potensial imkanlar var. 2014-cü ildə Azərbaycanla xarici ticarət dövriyyəsinin həcmi əvvəlki ilin müvafiq dövrü ilə müqayisədə 2,4 dəfə artıb və vilayət 2015-ci ildə də bu yüksək səviyyəni saxlamaq niyyətindədir. Sverdlovsk vilayəti maşınqayırma, əczaçılıq və neft-qaz sahələrində Azərbaycanla əməkdaşlığın inkişaf etdirilməsini perspektivli sayır.Forumda çıxış edən İnquşetiya Respublikasının rəhbəri Yunusbek Yevkurov bu cür görüşlərin vacibliyi və ikitərəfli münasibətlərin inkişafında diaspor təşkilatlarının rolu barədə danışıb. O bildirib ki, İnquşetiyada 5 mindən çox azərbaycanlı yaşayır, onlar respublikanın ictimai-siyasi və iqtisadi həyatında fəal iştirak edib. İnquşetiya rəhbəri Azərbaycanla əməkdaşlığın perspektivlərindən söhbət açaraq, 2016-cı ildən etibarən Mineralnıye Vodı-Bakı müntəzəm turist marşrutunu istifadəyə verməyi təklif edib. O, forumun işində iştirak edən gənc biznesmenləri İnquşetiyada öz bizneslərini genişləndirməyə dəvət edib.

Tatarıstanın Baş naziri İldar Xalıkov deyib ki, Azərbaycan Respublikası Tatarıstan üçün həm iqtisadi və ticari, həm də siyasi sahələrdə xüsusi tərəfdaşdır. O bildirib ki, oktyabrın 7-də Kazanda Azərbaycan investisiyalarının iştirakı ilə şirə istehsalı müəssisəsinin tikintisi başlanacaq.

Azərbaycanın Rusiyadakı səfiri Polad Bülbüloğlu və Rusiyanın Azərbaycandakı səfiri Vladimir Doroxin Azərbaycanla Rusiya arasında qarşılıqlı əlaqələrin inkişaf etdirilməsi potensialından söhbət açıb.

Plenar iclasda Bakının Nərimanov rayonunun, Şəki şəhərinin və Qusar rayonunun icra hakimiyyəti başçıları da çıxış edib. Onlar Rusiya Federasiyasının subyektləri ilə qarşılıqlı əlaqələr, başçılıq etdikləri rayonların iqtisadi potensialı və başqa məsələlər barədə məlumat veriblər.

Sonra VI Rusiya-Azərbaycan Regionlararası Forumu öz işini "dəyirmi masa"larla davam etdirib. Rusiya-Azərbaycan Gənclər Forumu, habelə ekspertlərin "Rusiya-Azərbaycan: ikitərəfli dialoqun inkişafında yeni meyllər. İqtisadiyyat, siyasət, inteqrasiya" mövzusunda görüşü, sənaye sahəsində Rusiya-Azərbaycan əməkdaşlığı, Rusiya ilə Azərbaycan arasında kənd təsərrüfatı, nəqliyyat, turizm, humanitar əlaqələr sahələrində ikitərəfli əməkdaşlığın inkişafı və başqa mövzularda "dəyirmi masa"lar keçirilib.

Belə formatda görüşlərin keçirilməsi Rusiya-Azərbaycan münasibətlərinin gələcəyinə necə təsir edəcək?

Dünya Azərbaycanlıları Konqresi və Beynəlxal Diaspor Mərkəzinin aparat rəhbəri Samir Adıgözəlli qəzetimizə açıqlamasında bildirdi ki, bələ təmasların hər iki ölkəyə xeyri var: "VI Rusiya-Azərbaycan Regionlararası Forumu çox maraqlı format ilə yadda qaldı. Bu artıq dövrülüyünü təmin etmiş bir formatdır. Məlumdur ki, Rusiya ilə Azərbaycan arasında daim yaxşı münasibətlər olub. Bizim əlaqələrimiz əsrlərlə formalaşan yaxın qonşuluq münasibətlərinə əsaslanır. Uzun müddət bir dövlətin tərkibində yaşamışıq. Bunları ona görə xatırladıram ki, bizim Rusiya ilə aramızda yaşanan isti münasibətin yaranmasına bir aydınlıq gətirilsin. Ölkələrimiz arasında geniş ticarət əlaqələri mövcuddur. Bizim ən böyük və təşkilatlanmış diaspor təşkilatımız məhz Rusiyadadır. Eyni zamanda, Rusiyada yaşayan azərbaycanlılar həmin ölkənin ictimai-siyasi həyatında olduqca fəaldır. Azərbaycanlılar daha çox Rusiyanın regionlarında yaşayır. Məhz iki ölkənin regionları arasındakı münasibətlərin yaxından qurulması olduqca faydalıdır. Bilirsiniz ki, Rusiya nəhəng dövlətdir. Onun elə ərazi subyəktləri var ki, dəfələrlə Azərbaycandan böyükdür. Həmin regionların bizim əyalətlərlə sıx təmasda olması qarşılıqlı fayda verə bilər. Forumda dövlət rəsmiləri ilə yanaşı, iş adamlarının da yaxından iştirak etməsi olduqca əhəmiyyətlidir. Bizim elə regionlarımız var ki, orada istehal olunan məhsula Rusiyada böyük tələbat duyulur. Belə təmaslar, tanışlıqlar həmin məhsulların asanlıqla Rusiya bazarında realizə olunmasına kömək edəcək. Bir sözlə, iki ölkənin gələcək münasibətlərinin daha da yaxşılaşdırılması baxımından vacib olan Forumdur".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...