Səudiyyə hakimiyyətinin hacı ölümlərini gizlətməkdə məqsədləri...

Tarix: 01.10.2015 / 04:34
Bölmə: Gündəm

"Ola bilsin ki, Səudiyyə Ərəbistanı növbəti il ziyarətçilərin kəskin azalacağından ehtiyat etdiyi üçün həqiqi rəqəmləri gizlədir"

Ağa Hacıbəyli: "Ölənlərin sayının gizlədilməsini düzgün hesab etmirəm"

Bir neçə ölkə rəsmisi deyib ki, ötən həftə Məkkədə baş verən faciə nəticəsində ölənlərin sayı 1000-i keçib. Səudiyyə rəsmilərinin son məlumatına görə, Həcc ziyarətində 769 adam həyatını itirib. Buna baxmayaraq, Nigeriya rəsmisi BBC-ə deyib ki, hadisə yerindən 1000-dən artıq cəsəd Ciddə şəhərindəki morqlara aparılıb. Mediadakı məlumatlara görə, Hindistan, Pakistan və İndoneziya rəsmiləri də deyiblər ki, 1000-dən çox adamın öldüyünü zənn edirlər.

Məlumata görə, Ciddə şəhərinə meyitlərlə dolu 14 yük maşını gətirilib. İndiyədək 10 yük maşınından 1075 cənazə çıxarılıb və morqlara aparılıb. Daha 4 yük maşını da bu prosesdən keçməlidir.

Digər tərəfdən, Minada baş verən hadisədə ölən iranlı zəvvarların sayı 228 nəfərə çatıb. Bunu İranın Həcc və Ziyarət Təşkilatının sədri Səid Övhədi deyib. Onun sözlərinə görə, Məkkə şəhərindəki böyük morqlarda 1200-dən çox cəsəd saxlanır: "Həcc və Ziyarət Təşkilatının axtarış qrupu bu morqlara baxış keçirib, 169 zəvvarın cəsədini tapıblar. Bu cəsədlərin ölkəyə göndərilməsi üçün bütün qanuni prosedurlar həyata keçirilib və tezliklə ölənlərin cəsədləri İrana göndəriləcək".

S.Övhədinin açıqlamasından o da məlum olub ki, indiyə kimi Minadakı hadisədə ölən iranlı zəvvarların sayı 228 nəfər, itkin düşən zəvvarların sayı 248, yaralıların sayı isə 27 nəfərdir: "İtkin düşənlərin axtarışı davam edir. Ehtimal olunur ki, ölən iranlı zəvvarların sayı daha çox olacaq. Çünki Məkkə, Ciddə, Ərəfat və Minadakı bütün xəstəxanalardakı axtarışlarımız nəticəsiz olub. Mina faciəsində ölənlərin sayı 4700 nəfərə çatmaqdadır. Səudiyyə Ərəbistanı KİV-lərinin açıqladığı rəqəmlər düzgün deyil. Faciənin ciddiliyi Səudiyyə KİV-inin açıqladığı rəqəmlərdən daha çoxdur".

Bəzi məlumatlara görə, ölən zəvvarların sayı 7 min nəfərə qədərdir. İstənilən halda, görünən odur ki, Səudiyyə Ərəbistanı rəsmiləri hər vəchlə Məkkə ziyarəti zamanı ölənlərin həqiqi sayını gizlətməyə çalışır.

Maraqlıdır, adıçəkilən ölkə ölənlərin sayını gizlətməkdə nə məqsəd güdür?

Məsələyə münasibət bildirən dinşünas Ağa Hacıbəylinin sözlərinə görə, Səudiyyə Ərəbistanı rəsmilərinin ölənlərin sayını gizlətməsinin konkret səbəblərini demək çətindir: "Çox yaxşı olardı ki, Səudiyyə Ərəbistanı vəfat edənlərin həqiqi rəqəmlərini göstərsin. Rəqəmlərin gizlədilməsi doğru addım deyil. Verilən rəqəmlərin nə qədər doğru, nə qədər yanlış olduğunu demək çətindir. Ancaq ilk andan nə qədər insanın dünyasını dəyişdiyi təxmin olunurdu. Bir məqamı da qeyd edim ki, müsəlmanlar Allah yolunda vəfat edərlərsə, şəhid olmuş sayılırlar. Qaldı ölənlərin həqiqi sayının niyə gizlədilməsinə, bunun səbəbini birmənalı şəkildə demək çətindir. Bu işdə kimlərsə maraqlıdırsa, onlar doğru addım atmayıblar. Ola bilsin ki, Səudiyyə Ərəbistanı növbəti il ziyarətçilərin kəskin azalacağından ehtiyat etdiyi üçün həqiqi rəqəmləri gizlədir. İstənilən halda, bu düzgün addım deyil. Müsəlman sözünün bir mənası da doğru, dürüst insan deməkdir. O baxımdan müsəlman yalan danışmamalıdır. Ona görə də ölənlərin sayının gizlədilməsini düzgün hesab etmirəm".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...