Rusiya ordusunda Suriyaya getməkdən imtinalar baş qaldırır. Bu barədə gazeta.ru saytı geniş araşdırma yazı dərc edib. Yazıda bildirildiyinə görə, Novosibirskdə dislokasiya olunmuş hərbi hissədən qəzetin redaksiyasına müraciət edərək açıqlama vermək istəyiblər. Qəzetin əməkdaşı Novosibirskə gedərək müraciət edən şəxslərlə görüşüb. Kafedə müxbirlə görüşən 4 hərbçi ona çox maraqlı faktlar açıqlayıb. Bəlli olub ki, onları Donbas adı ilə Suriyaya göndərmək istəyiblər. Lakin bu barədə açıq mətnlə onlara heç kəs heç nə deməyib. Göndəriş öncəsi verilən təlimat isə şübhələri təsdiqləyib. Belə ki, onlara çox isti yerə gedəcəkləri, ilanların-əqrəblərin olduğu yerdə dislokasiya olunacaqları bildirilib , eyni zaanda əsirlikdə və girovluqda özlərini necə aparmaq barədə təlmiat verilib. "Biz Suriyada ölmək istəmirik”-deyə etiraz edən hərbçilər onu da bildiriblər ki, heç bir həkim baxışından keçmədikləri halda onlara verilən tibbi arayışlarda malyariya, dizenteriya kimi isti ölkələr üçün xarakterik xəstəliklərin olmadığı göstərilib. Duruma əsgər anaları da etiraz edib. "Getmək vacibdirsə Şoyqu özü getsin”- deyən əsgər anaları oğullarını Əsəd rejimini deyil, öz vətənlərini qorumaq üçün böyütdüklərini bildiriblər.
Maraqlıdır ki, informasiyanın sizması ilə hərbi hissədə narazılığın qalxmasının ardından 17 sentyabra nəzərdə tutulan göndəriş bilinməyən müddətə təxirə salınıb. Ba verənlərdən belə anlaşılır ki, Rusiya dövləti Suriya məsələsində dünya birliyinə nə deyirsə, öz hərbçisinə də onu deyir. Çünki bu hərbçilərə də dislokasiya yerinə texnika aparacaqları, orada isə yerlilərə bu texnikadan istifadə üzrə təlim keçəcəkləri bildirilib. Lakin onlara verilən ezamiyyət vərəqlərində qayıdış tarixi qrafasının boş saxlanması yenidən ciddi suallara yol açıb. Bundan sonra etirazçı hərbçilər imtina ərizəsi yazıb qərargaha vermək istəyiblər, lakin bu ərizələri onlardan qəbul edən olmayb. Hələ üstəlik istehza edərək deyiblər ki, "yazın, yazın, onsuz da gedəcəksiz”.
Məsələyə insan hüquqları təşkilatları da qarışıb. Bidiriblər ki, hərbi sirr olsa da, insanların hüquqları qorunmalıdır və məsələ açıqlana biləcək həddə qədər açıqlanıb razılıq əldə olunmalıdır. Analitiklər isə ölkədəki isizlik səviyyəsinə diqqət çəkərək deyirlər ki, hər şey onlara tam çılpaqlığı ilə bildirilsə daha yaxşı olar, çünki əksəriyyət işsizlik ucbatından istənilən halda gedəcək.
Baki-xeber.com
