MDB-nin Hava-Kosmos Konsepsiyasında Azərbaycan kosmik sənayesinin roluna meydan açılır(?)

Tarix: 11.09.2015 / 02:34
Bölmə: Gündəm

Rusiyada MDB dövlətlərinin hava-kosmik müdafiəsi konsepsiyası hazırlanıb. Bunu Rusiyanın Hərbi Kosmik Qüvvələrinin baş komandanının birinci müavini Pavel Kuraçenko deyib. O bildirib: "Bu konsepsiya dövlətlərimizin təhlükəsizliyini təmin etmək üçün dövlət və hərbi plan baxımından hansı zəruri tədbirləri qəbul etməyi müəyyənləşdirəcək".

General qeyd edib ki, konsepsiya dost dövlətlərdəki həmkarlara göndərilib.

Azərbaycanın bu konsepsiyada nə kimi rolu ola bilər?

Məlum olduğu kimi, kosmik sənayenin inkişafında azərbaycanlı alimlərin böyük rolu olub. Biz SSRİ kosmos məktəbinin unudulmaz simalarından sayılan görkəmli həmyerlimiz mərhum Kərim Kərimovu, Azərbaycanda kosmik sənayenin inkişafına xüsusi töfhə verən mərhum Tofiq İsmayılovu bu sıraya aid edə bilərik. Bununla xatırlatmaq istəyirik ki, Azərbaycan üçün kosmik konsepsiyada yer almaq o qədər də çətin və yad məsələ deyil.

Son illər ölkəmizdə sənayenin iqtisadiyyatın prioritet sahəsi kimi üstün inkişafının təmin edilməsi real zəminə, respublikamızın kifayət qədər geniş potensialına əsaslanır. Eyni zamanda, dövlət bu sahənin inkişafı üçün güclü siyasi iradə nümayiş etdirir. Respublikamızın dünya kosmik ailəsinə daxil olması son dərəcə qürurverici haldır.

Ölkə sənayesinin gələcəyi isə, heç şübhəsiz ki, müasir dünya trendlərinə cavab verən innovativ, elmi tutumlu müəssisələrin yaradılması ilə bağlıdır. Qeyd etdiyimiz kimi, respublikamızda informasiya-kommunikasiya texnologiyaları sürətlə inkişaf edir və böyük gələcəyə malikdir. Azərbaycanın yeni sənaye quruculuğu siyasətində bir sıra üstün istiqamətlər də müəyyənləşdirilib. Prezident İlham Əliyev "BakuTel-2014" sərgisində "Euronews" telekanalına müsahibəsində ölkəmizin yeni prioritetlərinin məhz informasiya-kommunikasiya və kosmik texnologiyalarla bağlı olduğunu nəzərə çatdırıb: "Biz iqtisadiyyatımızın şaxələndirilməsi siyasətini həyata keçiririk və bu siyasət uğurludur. İnformasiya-kommunikasiya texnologiyaları və kosmik texnologiyalar bizim üçün əsas prioritetlərdən biridir. Yəqin bilirsiniz ki, biz artıq ilk peykimizi orbitə buraxmışıq. Bu, ikincidir. Proses davam edəcək".

Qısa müstəqillik tarixinə malik Azərbaycanın artıq dünya kosmik ailəsinə daxil olması son dərəcə qürurverici haldır. "Azərbaycan Respublikasında kosmik sənayenin yaradılması və telekommunikasiya peyklərinin orbitə çıxarılması haqqında", "Azərbaycan Respublikasında kosmik sənayenin yaradılması və inkişafı üzrə Dövlət Proqramı"nın təsdiq edilməsi haqqında dövlət başçısının imzaladığı müvafiq sərəncamlar Azərbaycanın dünya kosmik ailəsinə inamlı inteqrasiyasını təmin edib. Dövlət başçısının 3 may 2010-cu il tarixli Sərəncamı ilə "Azərkosmos" Açıq Səhmdar Cəmiyyəti (ASC) təsis edilib. "Azərkosmos"un yaradılmasında əsas məqsəd ölkədə kosmik sənayeyə aid milli məhsul istehsalını təmin etməkdən ibarətdir. ASC-nin yaradılmasından təxminən 3 il sonra, 2013-cü il fevralın 8-də "Azerspace-1" peyki uğurla orbitə çıxarılıb. Ölkəmizin ilk peyki olan "Azerspace-1" Fransız Qvianasında yerləşən Kuru kosmodromundan orbitə buraxılıb.

"Azerspace-1"in uğurla orbitə çıxarılması ilə "Azərkosmos" ASC öz müştərilərinə peyk rabitəsi əsasında yayım və genişzolaqlı internet xidmətləri, eləcə də yüksək etibarlı peyk əsaslı rabitə platformaları təqdim etməyə başlayıb. Hazırda "Azerspace-1" peykinin üzərindən yerli və beynəlxalq səviyyəli 129 televiziya və 16 radio kanalı yayımlanır.

Azərbaycan öz kosmik imkanlarını daha da genişləndirir.

Azərbaycanın dünya kosmos ailəsinin tərkibində fəaliyyəti ilə bağlı qarşısına qoyduğu hədəflər isə daha genişdir. Ölkəmiz zəngin iqtisadi potensialına və geniş maliyyə imkanlarına əsaslanaraq özünün kosmik imkanlarını getdikcə genişləndirir.

Əlamətdar haldır ki, Azərbaycan öz peykini milli kadrlar vasitəsilə idarə edir. Ötən dövrdə "Azərkosmos" ASC-də yüksək ixtisaslı kadrların hazırlanmasına xüsusi diqqət yetirilib.

Bütün bu sadalananlar Azərbaycanın istənilən kosmik konsepsiyada bərabərhüquqlu bir ölkə kimi yer almasını mümkün edir. Yəqin ki, həmin konsepsiyanın siyasi baxımdan da hansı hədəflərə hesablanması, bizim dövləti maraqlarımıza cavab verib-vermədiyi istiqamətində də ətraflı araşdırmalardan sonra Azərbaycan qəti qərarını verəcək.

Məhəmmədəli QƏRİBLİ

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...