Avsraliya HHQ-ninSuriya ərazisində "İslam dövləti” terrorçu təşkilatına qarşı koalisiyanın hava zərbələrinin genşləndirilməsi planına qoşulması ərəfəsində bu ölkənin The Strategist nəşri maraqlı məqama diqqət çəkib. Baki-xeber.com-un RİA "Novosti”yə istinadən xəbərinə görə, nəşr yazır ki, avqusti 31-i bu əməliyyatların başlanmasının 1 ili tamam olsa da, Vaşinqtonda bu tarix xatırlanmayıb. Avstraliyanın strateji siyasət institutunun rəsmi bloqu isə bu susqunluğun səbəbini rəqəmlərlə göstərib. Belə ki, sən demə, bir illik aviazərbələr təkcə Amerika büdcəsinə 3 milyard dollardan baha başa gəlib. Gündəlik ifadədə isə 9,4 milyon olub. O da bildirilir ki, əməliyyatların başlanmasından ABŞ HHQ koalisiya qüvvələrinin mövqelərinə az qala 20 000 ədəd bomba atıb, bu bombardman nəticəsində isə 15 000 terrorçu məhv etməyə nail olub.
Göründüyü kimi, qazanılan uğur böyük deyil, lakin çox baha başa gəlib. Üstəlik İŞİD-in yeni əcnəbi üzvlər hesabına sıralarını geniləndirməyəcəyinə də zəmanət yoxdur, deyə nəşr qeyd edir.
The Strategist yazır ki, hərbi rəhbərliyin bu müharibənin uzun çəkəcəyini etiraf etməsindən sonra da ictimaiyyətin ona laqeydliyi maraq doğurur. Qeyd edir ki, bu müharibə ardıcıl iki prezident administrasiyasının apardığı müharibə olacaq. Nəşrin bildirdiyinə görə, təbii ki, uzun-uzadı müharibə və onun qeyri-real səslənən "İŞİD-in tam məhvi” kimi sonluğundan danışmağa heç kəs həvəsli görsənmir. Eyni zamanda Vaşinqtonda da qərara gələ bilmirlər ki, baş verənləri necə adlandırsınlar: müharibə, hərbi konflikt, hərbi əməliyyat, yoxsa terrorizmlə mübarizə. Bu halda, nəşrin fikrincə, ABŞ siyasətçiləri bir mətləbi dilə gətirməkdən çəkinir – İŞİD-lə müharibə siyasi minalanmış sahədir. Bunu isə konqresmenlərin Senatda bu məsələyə qətiyyən toxunmaq istəməməsi də təsdiq edir.
