Əlvida, cənab general...

Tarix: 08.09.2015 / 03:21
Bölmə: Gündəm

"...bu dəfə qarşınızda farağat dayana bilmədim"

Nədən başlayacağımı, ilk cümləni necə yazacağımı bilmirəm. Beynimdəki minlərlə söz sanki birdən-birə yoxa çıxıb. Bax, elə bu dəmdə sükutun lal dilində danışmaq bacarığım da yoxdur ki, nəyisə başa salım. Mən də "Sözün bitdiyi yerdəyəm".

Dünən sağ-salamat gördüyün adamın həyatdan köçdü xəbərini eşitmək dəyirman daşı kimi elə ağır olur ki, bu ağırlığa birinci qulaqların, sonra isə ürəyin tab gətirmir...

Çevrəmdəki ürəkli insanları, böyük ürək sahibi olanları itirdikdən sonra söz vermişdim ki, ürək haqqında nə bir kəlmə söz yazacağam, nə də bir fikir söyləyəcəyəm. Dəfələrlə əlimi sinəmin üstünə qoyub: "Mənə namərdlik edib yarı yolda qoyma, yoxsa haqqımı sənə halal etmərəm",- demişəm...

Bəzən insanın əli yerdən-göydən, dostdan-doğmadan üzüləndə yenə də içinin dərinliyinə çəkilir, yenə də yaşatmaq naminə İlahidən döyünmək üçün görəvləndirilən ürəyinə üz tutur...

İnsan dünyanın harasında olursa-olsun, ölüm onun iyini alır. Bəlkə də insan sözünün əsl mənası "unutqan" yox, bəlkə də elə ölüm deməkdir. Elə yaşadığımız ömür də ölümə körpü deyilmi? "Torpağın üzü soyuqdur" məsəlini ölümə də aid etmək olmazmı?

Haqqında həmişə xoş sözlər eşitmişdim. Mərd insandır, səxavətlidir, ölümə belə gözlərini qırpmadan gedər. Daxili işlər orqanlarına qəbul olunandan sonra onu daha yaxından tanıdım. Öyrəndim ki, özü Tərtərdə doğulsa da, ata-babaları bu gün qəbri doğma torpaqlarda, yad əllərdə qalan Dədə Ələsgərin yurdu Göyçə mahalındandır. Uzun illərdir daxili işlər orqanlarında xidmət edir. Azərbaycanın olum və ölüm arasında qaldığı illərdə baş qaldıran cinayətkar ünsürlərə qarşı barışmaz olub, dəfələrlə ölümlə üzbəüz gəlib. İnamı və etibarı doğruldub, Vətənə sədaqəti, insanlara sevgisi, torpağa bağlılığı ilə seçilib. Peşəkar əməliyyatçı kimi vəzifə pillələrində irəli çəkildikcə səmimiyyətini və təmkinini qoruyub-saxlayıb...

Çoxdan idi ki, ürəyi sözünə baxmırdı. Ömür adlı meydanda onu tək qoymaq istəyirdi. Dostları, yaxınları deyəndə ki, dava-dərman elə, həkimə get, gülə-gülə: "Bu yazıq ürəyə imkan verək, heç olmasa döyünməyi ona çox görməyək",- deyirdi. Zəhmli simasındakı ciddiyyətində bəzən bir kəpənək qanadı boyda, kövrək gülüş görəndə, tanıyan da, tanımayan da ona sevinərdi. Paxıllıqdan, xəbislikdən uzaq idi. Onu general, səlahiyyət sahibi olduğuna deyil, daha çox da Azərbaycanımızın, Vətənimizin dəyərli övladı olduğuna görə sevirdilər.

Haqqında keçmiş zamanda danışmaq istəmirəm və danışmayacağam da. Yoxluğuna inanmaq ağır olsa da, xatirələrdə əbədiyaşar bir general var: Rasim Musayev...

Söz qarşısında aciz qalmaq dərdlərin ən böyüyüdür...

"Mehdiabad" qəbiristanlığında yoxluğu ilə barışmayan minlərdən biri kimi, özümü nə qədər şax tutsam da, hiss etdim ki, başım uyuduğu müqəddəs torpağa doğru əyilir.

Bağışlayın, cənab general, bu dəfə qarşınızda farağat dayana bilmədim, çünki mənim də ürəyim, ayaqlarım sözümə baxmadı.

Hafiz Təmirov, polis kapitanı

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...