Azərbaycan Silahlı Qüvvələrinin görünməmiş miqyaslı hərbi təlimləri və real hədəflər...

Tarix: 08.09.2015 / 04:11
Bölmə: Gündəm

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən, müdafiə nazirinin rəhbərliyi altında sentyabrın 6-dan 13-dək Silahlı Qüvvələrin bütün qoşun növlərinin döyüşə hazırolma və döyüş qabiliyyətinin yoxlanılması məqsədilə Komanda Qərargah Hərbi Oyunları keçirilir.

Təlimlərə 65.000 nəfərədək şəxsi heyət, 700-dək zirehli texnika, 500-dən çox raket və artilleriya qoşunlarının qurğusu, Hərbi Hava Qüvvələrinin 40-dək təyyarəsi və 50-dək helikopteri, Hərbi Dəniz Qüvvələrinin 20-dək gəmi və kateri, eləcə də xüsusi təyinatlı qüvvələrin və qruplaşmaların havadan mühafizəsi məqsədilə qoşunların hava hücumundan müdafiə bölmələri və müasir hava hücumundan müdafiə kompleksləri ilə silahlanmış zenit-raket birləşmələri cəlb edilib. Təlimlərdə hava kəşfiyyatının aparılması məqsədilə pilotsuz uçan aparatlardan istifadə olunacaq.

Komanda Qərargah Hərbi Oyunlarında qoşunların döyüşə tam hazırolma vəziyyətinə gətirilməsi və yenidən qruplaşması, müdafiənin aparılması, əks hücum əməliyyatının hazırlanması və keçirilməsi, eləcə də düşmənin mühasirəyə alınması və darmadağın edilməsi üzrə tapşırıqlar icra olunacaq.

Ali Baş Komandanın göstərişinə əsasən, təlimlər zamanı birləşmə və hissələrin səfərbərlik tapşırıqlarının yerinə yetirilməsi səviyyəsinin yoxlanılması məqsədilə ehtiyatda olan 6.000 nəfərdən artıq hərbi vəzifəli təlim toplanışına cəlb ediləcək.

Döyüş hazırlığı çərçivəsində onlarla silah və hərbi texnikadan istifadə qaydaları üzrə praktiki məşğələlər, döyüş atışları, mənəvi-psixoloji hazırlıq və döyüş uzlaşması üzrə tədbirlər keçiriləcək.

Komanda Qərargah Hərbi Oyunlarının son mərhələsində təlim mərkəzləri və poliqonlarda motoatıcı və tank bölmələrinin, raket və artilleriya qurğularının, zenit-raket komplekslərinin, döyüş təyyarə və helikopterlərinin döyüş atışları icra olunacaq, praktiki raket buraxılışları və bombalama həyata keçiriləcək.

Azərbaycanın belə təlimlərə start verməsinin arxasında hansı məqsədlər dura bilər?

Adının açıqlanmasını istəməyən təcrübəli hərbçilərdən biri yaranmış vəziyyəti "Bakı-Xəbər"ə ətraflı şərh etdi. Onun sözlərinə görə, Ukraynadakı mövqelərini itirməkdə olan Rusiyanın digər postsovet ölkələrinə təzyiq imkanlarını artıracağını ehtimal edirdilər: "Məsələ ondadır ki, Azərbaycana təzyiq imkanlarının ən böyüyü də Ermənistan-Azərbaycan cəbhəsidir. Bu istiqamətdə növbəti mərhələlərdə də fərqli addımlar atılacaq. Cəbhədəki gərginliyin müharibə fazasına keçəcəyi ehtimalı yüksək deyil. Lakin bu, bir xəbərdarlıq anonsudur.

Rusiyanın başının Ukraynadakı proseslərə qarışdığı bir dönəmdə Azərbaycanın fürsətdən yararlanıb düşməni geri oturtmasının mümkünlüyü ilə bağlı rəylərə gəlincə, bunu Rusiyanın təxribatı da hesab etmək mümkündür.

Bu gün belə bir ictimai rəy formalaşıb ki, Dağlıq Qarabağ məsələsində istər Azərbaycan, istərsə də Ermənistan tərəfinin o qədər də söz hüququ yoxdur. Yəni ictimai rəyə görə, bu problemi Rusiya yaradıb və o da idarə edir. Bu baxımdan münaqişədə müəyyən bir aktivliyin əmələ gəlməsi özbaşına baş verən bir hadisə deyil. Adətən, Qarabağ məsələsi bölgədə Rusiyanın öz təsirini saxlamaq üçün və müəyyən beynəlxalq güclərin dil tapması üçün bir açar kimi xarakterizə edilir. Bu gün sərhəddə baş verən hadisələr də Rusiyanın Ukraynadakı hadisələrə cavab reaksiyasıdır. Mövcud situasiyada Rusiya baş verənlərə bitərəf qalmayıb və aktiv şəkildə iştirak edir, odur ki, münaqişənin dinc şəkildə həllinə nail olmaq fikri ciddi səslənmir. Ermənistan tərəfindən hər hansı təxribat olsa belə, Azərbaycan tərəfi, heç bir halda, hərbi vasitəyə əl atmaqda maraqlı deyil.

İstisna deyil ki, bir-iki kənd boşaldılıb Azərbaycana verilə bilər. Ancaq o halda qarşımıza ciddi təhlükə çıxar. Ona görə də soyuqqanlı qərar qəbul etmək lazım gəlir. Unutmaq olmaz ki, Ukraynadakı hadisələr başa çatmayana qədər Azərbaycan tərəfindən Dağlıq Qarabağda hərbi əməliyyatlara başlanması problemlər də yarada bilər.

Qeyd edək ki, sərhəd kəndlərində atəşkəsin pozulmasından bölgə əhalisinin narahat olması müşahidə edilir. Başlanan hərbi təlimlər də məhz sərhədyanı bölgədə yaşayan əhalinin narahatlığını aradan qaldırmağa yönəlib. İstənilən halda, Azərbaycan hərbi gücünü nümayiş etdirir və ərazisini qorumağa qadir olacağı mesajını verir".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...