"Erməni mətbuatının özü də "Trend"i çox ciddi izləyir"

Tarix: 04.09.2015 / 03:16
Bölmə: Gündəm

Azərbaycanın nüfuzlu xəbər agentliyinin 20 yaşı olur...

Əslində 20 yaş zaman baxımından ömrün ən gözəl çağı sayılır. Amma xəbər agentliyi üçün 20 yaş həm də böyük məsuliyyət, inam və etimadın vəhdətidir. Müstəqil Azərbaycanın media sektorunun ilklərindən olan "Trend" informasiya agentliyinin 20 yaşı tamam oldu. 1995-ci ilin bu günündə ərsəyə gələn agentlik artıq uzun müddətdir Azərbaycan ictimaiyyətini informasiya ilə təmin edir.

Qafqazda və Xəzəryanı regionda aparıcı xəbər istehsalçılarından hesab olunan agentliyin tərkibində Azərbaycan, rus, ingilis, ərəb və fars dillərində xəbər xidmətləri fəaliyyət göstərir.

Əslində 20 ilin xəbər brendi -"Trend" informasiya agentliyi desək, yanılmış olmarıq. "Trend" bu gün xarici ölkələrdə ən çox oxunan və tanınan yerli agentliklərimizdən biridir. Agentliyin baş direktorunun müavini Arzu Nağıyev deyir ki, bu media məkanının "Trend"i olmaq üçün iyirmi illik məsafə qət etmək lazımdır: "Elə-belə "Trend" olmaq olmur. "Trend" informasiya agentliyi 1995-ci ildən fəaliyyətə başlayıb. Artıq iyirmi ildir biz informasiya agentliyi kimi öz qərəzsiz mövqeyimizi daim qoruyub saxlamışıq. Mətbu orqanı öz işini beynəlxalq normalara uyğun qurub. Bu gün "Trend" olmaq üçün peşəkar komanda formalaşdırmaq lazımdır. Bizimlə iyirmi il yol gələn komandamızla fəxr edirik. İllər ərzində burada peşəkar kadrlar hazırlanıb".

Arzu Nağıyev bildirir ki, "Trend"in əsas məqsədi xəbərləri operativ, qərəzsiz formada oxucularımıza çatdırmaqdır. Vəzifələr arasında peşəkar yazarlarla kadr potensialını daha da təkmilləşdirmək, Azərbaycan həqiqətlərini dünyaya ətraflı çatdırmaq da var. Ölkəmiz haqqında bütün məlumatları beynəlxalq aləmə olduğu kimi çatdırmaq agentliyin hədəfləri sırasındadır: "Trend" Azərbaycanla bağlı həqiqətləri dünyanın ən nüfuzlu media orqanlarının oxucularına çatdırır. Dünyanın ən nüfuzlu media orqanlarında "Trend" informasiya agentliyinin əməkdaşlarının yazıları dərc olunur. "Trend" informasiya agentliyi də Azərbaycanı, regionda baş verən prosesləri dünya media bazarında tanıtmaq

üçün fəaliyyətini bu gün də böyük əzmlə davam etdirir".

Ötən 20 il ərzində "Trend"in gördüyü işlərə diqqət çəkən agentliyin baş redaktor müavini Emil Hüseynli isə qeyd edib ki, "Trend" Azərbaycan dövlətinin mediaya, söz və məlumat azadlığına yaratdığı şəraitdən istifadə edərək, xarici və daxili bazarda möhkəmlənib. Emil Hüseynlinin sözlərinə görə, informasiya agentliyində çalışan jurnalistlərin səviyyəsi elə vəziyyətə çatıb ki, dünya mediası bu jurnalistləri qəbul edir, tanıyır. Əvvəllər dünya mediasında "Trend"in xəbərləri yayılırdısa, indi agentliyin jurnalistlərinin məqalələri dərc edilir: "Hər bir informasiya resursu kimi "Trend"in də özünün hədəfləri var. Nə qədər uğur qazansaq da, sözsüz ki, peşəkar kollektiv, peşəkar təşkilat bununla kifayətlənməməlidir. Əgər inkişaf bütün sahələrdə varsa, bu, media sahəsinə də öz təsirini göstərir. Dünya bazarında gedən media savaşında onlarla rəqabət aparmaq üçün yeni layihələr və yeni ideyalar ortaya qoymaq lazımdır".

Emil Hüseynli agentliyin yeni layihələrinin olacağını da vurğulayıb: "Sözsüz ki, inkişaf olan yerdə yeni layihələr həyata keçirilməlidir. Əsas istəyimiz oxucu məhəbbətini qazanmaq, Azərbaycanda, regionda baş verən proseslərin işıqlandırılmasında birincilər sırasında yerimizi qoruyub saxlamaq, dünyanın media elitasında yerimizi möhkəmləndirməkdir".

Bir sözlə, operativ informasiyaları, analitik yazıları ilə mətbuatda özünəməxsus yeri və rolu olan, öncüllər sırasındakı mövqeyini bu gün də qoruyub saxlayan "Trend" kollektivi gələcəyə böyük inamla addımlayır.

Siyasi Texnologiya və İnnovasiyalar Mərkəzinin rəhbəri Mübariz Əhmədoğlu "Trend" barədə çox yüksək sözlər dedi: "Yəqin siz də görürsünüz ki, mən adəti üzrə keçirdiyim mətbuat konfranslarını "Trend"də edirəm. Bunun çox obyektiv səbəbləri var. Həmin məlumatları ilk yayan da sözügedən agentlik olur. Söylədiyim fikirlərlə bağlı dünyanın müxtəlif yerlərindən reaksiyalar alıram. Hətta erməni mətbuatının özü də "Trend"i ciddi izləyir. Bütün bu göstəricilər agentliyin yalnız ölkə hüdudlarında deyil, eyni zamanda bütün dünyada tanındığına dəlalət edir. Müasir dünyada informasiya ən qiymətli silah sayılır. "Trend"in bu istiqamətdə Azərbaycan dövlətinə böyük faydası olur. Agentliyin bir neçə dildə operativ xəbər yayması ən mühüm amillərdən biridir. Bunlar 20 il ərzində böyük zəhmət bahasına əldə edilib. Bu əlamətdar yubiley münasibətilə mən də öz adımdan "Trend"i təbrik edirəm. Kollektivə böyük yaradıcılıq uğurları arzulayıram".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...