ABŞ və İngiltərənin bəzi dairələri Xədicə İsmayılovanın məhkəməsindən maraqlı narahatlıq motivi tapıblar

Tarix: 03.09.2015 / 03:52
Bölmə: Gündəm

ABŞ Dövlət Departamenti Azərbaycanda jurnalist Xədicə İsmayılovanın 7,5 il azadlıqdan məhrum edilməsi barədə məhkəmə qərarının cıxarılmasından narahatlığını ifadə edib. Bu barədə Dövlət Departamentinin bəyanatında bildirilir.

"Biz həmcinin istintaq və məhkəmə baxışı zamanı baş verən pozuntulardan, o cümlədən şahid ifadələrinin və digər vacib sübutların xaric edilməsindən narahatıq...".

Böyük Britaniyanın Avropa məsələləri üzrə naziri Devid Lidinqtonun məsələyə bildirdiyi münasibət isə ümumiyyətlə maraqlı olub. Nazir bəyan edib ki, bu hökmdən son dərəcə narahatdır: "Bizi narahat edən başlıca məsələlərdən biri məhkəmə prosesinin hansı şəraitdə keçməsidir. Azərbaycan hakimiyyətini bu işə ədalətli şəkildə və şəffaflıq şəraitində yenidən baxmağa çağırırıq...".

Xədicə İsmayılova barəsində çıxarılmış məhkəmə qərarı ilə əlaqədar ABŞ Dövlət Departamenti, Böyük Britaniyanın Avropa məsələləri üzrə naziri, Avropa İttifaqı və digər təşkilatların bəyanatlarına cavab olaraq, XİN mətbuat xidmətinin rəhbəri Hikmət Hacıyevin adından mətbuata açıqlama verilib: "Xədicə İsmayılova ilə əlaqədar olan məhkəmənin işinə müdaxilə, məhkəmə qərarının siyasiləşdirilməsi və onun mahiyyətinin təhrif edilməsi cəhdlərini, eləcə də sırf hüquqi müstəvidə olan bu məsələyə siyasi bəyanatlar formasında olan münasibətləri qəti şəkildə qınayır və qəbuledilməz hesab edirik".

H.Hacıyev deyib ki, Xədicə İsmayılova Azərbaycan Respublikası Cinayət Məcəlləsinin 179.3.2-ci (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1 (vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə təqsirli bilinərək, 1 sentyabr 2015-ci il tarixində birinci instansiya məhkəməsi tərəfindən barəsində ittiham hökmü çıxarılıb: "Təəssüflər olsun ki, Xədicə İsmayılovaya qarşı irəli sürülən ittihamlar hələ istintaq mərhələsində olanda belə istintaqın işinə müdaxilə, istintaqa təzyiq göstərilməsi və ona siyasi don geydirilməsi kimi qərəzli yanaşma özünü göstərirdi. Bu kimi cəhdlər Azərbaycan Respublikasının suverenliyinə birbaşa müdaxilə kimi qiymətləndirilir".

Onun sözlərinə görə, Xarici İşlər Nazirliyi tərəfindən dəfələrlə bildirilib ki, Azərbaycan Respublikasında məhkəmə hakimiyyətinin müstəqilliyi və qanunun aliliyi tam şəkildə təmin olunub: "Məhkəmənin çıxardığı qərarlara hörmətlə yanaşılmalıdır. Qanunla hər bir vətəndaşın məhkəmə qərarlarından apelyasiya qaydasında müraciət hüququ təsbit edilib".

Bəyanatların içində britaniyalı nazirin "iradı" xüsusilə diqqətimizi çəkdi. Həmin bəyanatda "Bizi narahat edən başlıca məsələlərdən biri məhkəmə prosesinin hansı şəraitdə keçməsidir" kimi cümlə var. Bunu necə anlamaq olar?

Məhkəmə çəkişmələrində kifayət qədər təcrübəsi olan hüquqşünas Mehman Muradlı qəzetimizə açıqlamasında bildirdi ki, məhkəmənin hansı şəraitdə keçirilməsilə bağlı bildirilən irad tamamilə absurddur: "Məhkəmə hansı şəraitdə keçirilməlidir? Təqsirləndirilən şəxsi şadlıq sarayına gətirən deyillər ki... Xədicə İsmayılovanın məhkəməsi Ağır Cinayətlərə dair Məhkəmədə keçirilib. Onun ittiham edildiyi maddələrdə yüngül cəza növü nəzərdə tutulsaydı, təbiidir ki, rayon məhkəmələrinə aid inzibati binada mühakimə ediləcəkdi. Bildiyim qədər, Xədicə İsmayılovanın məhkəmə prosesində jurnalistlərin, partiya funksionerlərinin və beynəlxalq missiyanı təmsil edənlərin iştirakı üçün də şərait yaradılıb. Həmin məhkəmə zalında vaxtilə nazir, millət vəkili olmuş şəxsləri də mühakimə ediblər. Burda hansısa ayrıseçkiliyə yol verilməyib. Yaxşı olardı ki, bu hökmü siyasiləşdirməyə can atan beynəlxalq dairələr öz ucuz arqumentlərindən əl çəksinlər".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...