ABŞ Mərkəzi Kəşfiyyat İdarəsi İran müxalifləri üçün fars dilində "təhlükəsiz rabitə" təlimatı dərc edib. Təlimatda Ağ Evin sözçüsü Karolin Livitt prezident Trampın "ölümcül güc" tətbiq etməyə hazır olduğunu bildirir.
Fars dilində dərc olunan iki dəqiqəlik videoda potensial məlumat verənlərin kimliyi aşkarlanmadan agentliklə necə əlaqə saxlaya biləcəyi addım-addım izah olunur. Videoda xüsusi skan rejimlərindən Tor şəbəkəsinə qədər hər şey və rəqəmsal izlərin necə silinməsi barədə texniki təlimatlar verilir.
"Səsiniz eşidilir" mesajı ilə başlayan zəngdə İran vətəndaşlarından agentlik üçün maraqlı ola biləcək hər hansı bir məlumat və ya bacarıqları paylaşmaları xahiş olunur, yalnız bir şərtlə: onlar heç vaxt şəxsi məlumatlarını açıq şəkildə paylaşmamalı və iş kompüterlərindən uzaq durmalıdırlar.
Təlimatda MKİ məlumat verən namizədlərə "kabuslar" kimi davranmağı öyrədir.
MKİ bu addımın vaxtını təsadüfən seçməyib. Cenevrədə nüvə danışıqlarının üçüncü mərhələsi davam etdiyi üçün hazırda sahədən gələn hər bir məlumat əvəzsiz hesab olunur.
Karolin Livitt mesajında onu da bildirir ki, Prezident Trampın ilk seçimi həmişə diplomatiyadır, lakin diplomatiya uğursuz olarsa, o tərəddüd etmir və “ABŞ ordusunun öldürücü gücündən istifadə etməyə hazırdır”.
SAMİRƏ
