Ramin Məmmədov 32-ci Beynəlxalq Hüquq və Din Simpoziumunda çıxış edib

Tarix: 09.10.2025 / 13:17
Bölmə: Gündəm

Dini Qurumlarla İş üzrə Dövlət Komitəsinin sədri Ramin Məmmədov ABŞ-də "İnkişaf üçün yolların qurulması: Dini etiqad azadlığının regional, milli və beynəlxalq mühafizəsi" mövzusunda keçirilən 32-ci Beynəlxalq Hüquq və Din Simpoziumunda çıxış edib. Dövlət Komitəsinin sədri çıxışında Azərbaycanda dini etiqad azadlığı, multikulturalizmin təşviqində cəmiyyətin rolu və dövlət siyasətinin qarşılıqlı əlaqəsi barədə danışıb. Komitə sədri vurğulayıb ki, ölkəmizdə din dövlətdən ayrıdır. Buna baxmayaraq dövlət ölkədə yaşayan bütün dini icmalara hörmət və həssaslıq nümayiş etdirir. Bu yanaşma Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən genişmiqyaslı siyasət və təşəbbüslərdə, o cümlədən məscid, kilsə, sinaqoqların bərpası və inşası da daxil olmaqla, dini ibadət yerlərinə göstərilən dövlət dəstəyində təzahür edir. Azərbaycan tolerantlıq və dinlərarası harmoniya modelini daha da gücləndirib. Dövlət müxtəlif dini icmalara maliyyə yardımları və institusional dəstək göstərərək onların sərbəst fəaliyyəti üçün zəruri şərait yaradır. Bu siyasətin işğaldan azad olunmuş ərazilərimizdə də uğurla davam etdirildiyini bildirən Ramin Məmmədov qeyd edib ki, Qarabağda ciddi zərər görmüş dini abidələrimiz üçün yeni bir mədəni və mənəvi dirçəliş dövrü başlanıb. Bərpa işləri yalnız İslam irsinin deyil, eyni zamanda regionun zəngin və çoxşaxəli tarixi irsini əks etdirən xristian abidələrinin də qorunub saxlanmasına xidmət edir. Bu addımlar Azərbaycanın dini-mədəni müxtəlifliyi qoruyaraq gələcək nəsillərə ötürən ardıcıl və prinsipial siyasətinin nümunəsidir. Din azadlığının təkcə hüquqi sənədlərdə deyil, eyni zamanda institusional səviyyədə qorunmasının önəminə toxunan Komitə sədri bu sahədə uğurlu nümunələrin tətbiqinin əhəmiyyətli olduğunu qeyd edib. Dövlət Komitəsinin tabeliyində Azərbaycan İlahiyyat İnstitutunun rektoru Aqil Şirinov Azərbaycandakı dini mühitlə bağlı geniş məruzə ilə çıxış edib. Bildirib ki, Azərbaycan müsəlman şərqində dünyəvi hüquq sistemini qəbul edən və fərqli din, məzhəblərə mənsub şəxslərə bərabər imkanlar təmin edən ilk ölkədir. Ölkəmiz tarixən müxtəlif dini inancların və sivilizasiyaların qovşağında yerləşib. Zərdüştlük, yəhudilik, xristianlıq və İslam kimi böyük dünya dinləri burada dərin kök salıb. Müasir dövrdə də ölkəmizdə üç səmavi dinin nümayəndələri - müsəlmanlar, xristianlar və yəhudilər sülh, qarşılıqlı hörmət şəraitində birgə yaşayırlar. Rektor həmçinin vurğulayıb ki, Azərbaycan İlahiyyat İnstitutu neytral və elmi yanaşmaya söykənən təhsil verir. İnstitutun əsas məqsədlərindən biri ölkəmizdə mövcud dinlərarası və məzhəblərarası tolerant mühitə töhfə vermək, eyni zamanda dünyəvi hüquq sisteminə zidd olmayan dini təhsil təmin etməkdir. İnstitutda İslamın bütün məzhəblərinin yanaşmaları obyektiv şəkildə təqdim olunur, eyni zamanda dünya dinləri haqqında müzakirələr elmi təsvir metoduna əsaslanır. Bu baxımdan İnstitut İslam dünyasında nadir və nümunəvi model sayılır. Dövlət Komitəsinin sədri Ramin Məmmədov ABŞ-yə səfəri çərçivəsində Briqam Yanq Universitetində təşkil edilən kursda Azərbaycan dilini öyrənən tələbələrlə də görüşüb. Görüş zamanı Ramin Məmmədov tələbələrə Azərbaycan tarixi, mədəniyyəti, dili və ölkəmizdə mövcud olan multikultural dəyərlər barədə məlumat verib. Tələbələr Azərbaycana, xalqımızın tarixi və mədəniyyətinə dair məlumatları maraqla qarşıladıqlarını bildiriblər. Gələcəkdə Azərbaycan haqqında daha dərindən öyrənmək, ölkəmizin tarixi, mədəni irsi, adət-ənənələri və ictimai mühiti ilə daha yaxından tanış olmaq arzusunda olduqlarını ifadə ediblər.

DİGƏR XƏBƏRLƏR

Tarix: 30.09.2026 / 19:02

Milli futbolumuza dövlət bundan artıq daha nə etsin?! - Dirçəliş yoxdu...

Tarix: 30.09.2026 / 18:10

Süni intellekt kütləvi insan ölümü törədə bilər, qorxunc xəbərdarlıq - təhlükə 10 faizə çatır...

Tarix: 29.09.2026 / 07:40

Rusiya Monqolustanla hərbi tərəfdaşlıq sənədi imzaladı

Tarix: 28.09.2026 / 19:22

Ermənistanın İctimai Televiziyası üzr istədi - 27 sentyabrda konsert yayımladığına görə…

Tarix: 25.09.2026 / 19:51

Milanın əsas hava limanına Berluskoninin adı verildi

Tarix: 25.09.2026 / 11:05

Məhkəmə Trampı jurnalistləri Ağ Evə buraxmağa vadar etdi

Tarix: 25.09.2026 / 07:10

Qazaxıstanda hərbi təlimdə faciə - 12 hərbçi Xəzərdə batdı…

Tarix: 24.09.2026 / 09:56

Ərdoğan Paşinyanı Türkiyədə keçiriləcək COP31 liderlər sammitinə dəvət etdi

Tarix: 24.09.2026 / 09:25

Şahmatçılarımız erməni qadınlara niyə uduzub?

Tarix: 23.09.2026 / 09:37

Fransa Avroittifaqın sanksiya qərarından yararlana bilmədi - Usmanov siyahıdan çıxarıldı

Tarix: 22.09.2026 / 18:48

Ermənistanın baş kəşfiyyatçısı Bakıda

Tarix: 22.09.2026 / 06:59

Tramp özünə tənqidsiz-şərhsiz 24 saatlıq telekanal yaratdı - azad medianı isə “demokratiya üçün təhlükə” adlandırdı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır