27/05/2020 12:58
728 x 90

6 ölkə Argentinadakı ukraynalıları aparmağı rədd etmişdi: böyüklüyü Türkiyə göstərdi...

img

Türk Hava Yollarının köməyilə 9 Ukrayna vətəndaşı Ukraynaya qayıtmaq üçün Argentinadan Türkiyəyə gətirilib.

Baki-xeber.com-un xəbərinə görə, Ukraynanın Türkiyədəki səfiri Andrey Sybiha “Ukrayna tərəfi Argentinadakı vətəndaşlarını gətirmək üçün təyyarələrini göndərən 6 ölkə ilə əlaqə yaradaraq, Ukrayna vətəndaşlarıyla da bağlı lazımi köməkliyin göstərilməsini xahiş etdi. Təəssüf ki, xahişimiz rədd edildi. Digər 6 ölkə xahişimizi rədd etdiyi halda, bu çətin günlərdə bizə yardım əlini uzadan həqiqi strateji tərəfdaşımız olan Türkiyəyə minnətdarıq”, - deyə bildirib.

Sybiha daha əvvəl də Türkiyənin dəstəyilə çox sayda ukraynalını bir çox ölkədən Ukraynaya göndərdiklərini deyib. O qeyd edib ki, bu günə qədər Türkiyənin dəstəyilə səfirlik olaraq 3 mindən çox vətəndaşlarını Ukraynaya göndəriblər: “Burada həm Türkiyədəki, həm də digər ölkələrdəki vətəndaşlarımızı nəzərdə tuturam. İstanbul bir mərkəz olaraq müəyyən edildi”.

Sybiha Türkiyə ilə Ukrayna orqanları arasındakı qarşılıqlı müsbət münasibətlərin davam edəcəyinə ümid bəslədiyini vurğulayıb.

 

 

 

Son xəbərlər