Həzrət Əli ilə Həzrət Fatimənin toy günü idi. Peyğəmbər əfəndimiz üzünü Əli əleyhissəlama tutub:
- Ya Əli, mənim ciyərimi yer üzündə görsən nə edərsən? - deyə, sordu. İlk dəfə belə çətin sualla qarşılaşan Həzrət Əli duruxur və cavab verməkdə çətinlik çəkir.
Məhəmməd əleyhissəlam kürəkəninin duruxduğunu görüb, sualını izah etdi: - Ya Əli, bil ki, hər bir övlad öz valideyninin yerdə gəzən ciyəridir. Fatimə də mənim ciyərimdir. Mənim ciyərimlə necə davranarsansa Fatimə ilə də elə davran.
Peyğəmbərimizin öz kürəkəninə dediyi bu hikmətli nəsihət bütün kişilərə aiddir. Hər bir kişi öz qadını ilə davrananda bu faktı mütləq nəzərə almalıdır, bilməlidir ki, qarşısındakı kiminsə ciyərparəsidir.
Burada sual yaranır: niyə Peyğəmbərimiz övladları ürəyə yox, ciyərə bənzətdi? (Axı biz onlara ürəyim deyirik.) Elmi-lədun bilicisi olaraq diqqətinizi bu incə məqama cəlb etmək istəyirəm. İndiyədək insanlar məhəbbət hissinin ürəkdə yerləşdiyini güman edirlər. Amma, bu belə deyildir. Əslində məhəbbət hissi bir proqram (fayl) olaraq insanın ağ ciyərində yerləşir. Ona görə də insan sevəndə, yaxud, sevdiyini itirəndə bütün sinəsi (ağ ciyəri) göynəyir. Ürək isə, ancaq motor funksiyasını yerinə yetirir.
Bəs niyə bəzi insanlarda güclü sevgi hissi olduğu halda, digərlərində bu hiss yox dərəcəsində, və yaxud cüzidir? Sualın cavabını elmi-lədunla verək. Yuxarıdakı abzasda məhəbbət hissini təsadüfən fayla, proqrama bənzətmədik. Bildiyimiz kimi, kompüter insanın alt kopysıdır. İnsana məhəbbət hissi bir fayl, yaxud proqram olaraq (ağ ciyərinə) yüklənir. (Çünki burada sıra nömrəsi 16 olan Oksigen var. 16-nın məhəbbət ramzi olması barədə keçən yazılarımızda hesablamalar təqdim etdik). Bəs niyə birində az, birində çoxdur? Kompüterə virus düşəndə bəzi fayllar silindiyi kimi, insana da neqativ enerji (bu enerji virus tiplidir.) ötürüləndə ilk növbədə ağ ciyərdə olan məhəbbət faylını silir; insan sevdiklərindən uzaqlaşmaq istəyir, onları görmək istəmir (diqqət etsəniz, bu halı siz virusa yoluxanda da qismən müşahidə edə bilərsiniz).
Sevgisiz anadan sevgisiz uşaqlar doğulur
Bəzən də insan anadangəlmə sevgisiz doğulur. Bu o halda baş verir ki, ana hamilə olarkən (ola bilər qızlıq dövründən başlayaraq) bədəninə neqativ enerji yüklənmiş olur (belə xanımlarda baş, çiyin, kürək, bel, analıq orqanlarında ağrılar; əsəb çox olur). Bu səbəbdən hamiləliyi gərgin, əsəbi, ağlayaraq (əzabla, nifrətlə) keçirir. Bu əlamətləri olan xanımların doğduğu uşaqlar sevgisiz (əsəbi, autizmli, əqli gerili və s) olurlar. Yəni, hamiləlik dövründə anada sevgi hissi olmadığından, bətndəki uşağa da bu hiss fayl olaraq yüklənmir. Bəzi hallarda isə, neqativ enerji uşağa doğuşdan sonra daxil olur və yüklənmiş faylı silir. Elmi-ləduna görə bütün hallarda silinmiş sevgi faylını bərpa ("vostonovit") etmək mümkündür.
Bir daha bütün qadınların bayramını təbrik edib, onlara sevgi dolu, sevinc dolu, mənalı və bərəkətli bir ömür arzulayıram! BARAMINIZ MÜBARƏK əziz qadınlar!
Paşa Yaqub - həkim, elmi-lədun bilicisi
