18/10/2019 06:02
728 x 90

Ermənistandan xüsusi planla “azərbaycanlı” adı ilə mühacirət edənlərin dünya boyu ifşası başlayır...

Qasım Hacıyev: “Paşinyan rejimi xüsusi hiyləgərlik işlədərək bu ölkədən xaricə köçən ermənilərə “azərbaycanlı” sənədi verir ki...”

img

Monoetnik dövlət olan Ermənistanda ermənilərdən və erməniləşdirilmiş yezidi kürdlərdən başqa heç bir xalqın nümayəndəsi yaşamır. Son illər beynəlxalq aləmdə özünü “çoxmillətli dövlət” kimi təqdim etməyə çalışan Ermənistanın bütün cəhdləri iflasa uğrayır.

Məlumdur ki, Ermənistan müstəqillik əldə etdikdən sonra bu ölkədən xarici ölkələrə kütləvi köçlər başladı. Bu gün də həmin tendensiya davam edir və Ermənistan boşalır. Ekspertlərin fikrincə, hazırda bu ölkənin bölgələri tamamilə boşalmaq təhlükəsi ilə üzləşib. Qocaları və əlsiz-ayaqsızları çıxmaq şərtilə bütün ayağı yer tutanlar Ermənistanı tərk edir, bir parça çörək qazanmaq üçün Rusiyaya, xüsusən də Avropa ölkələrinə axın edirlər. Qəribə hal ondan ibarətdir ki, Ermənistandan xarici ölkələrdə siyasi sığınacaq alanlar özlərini “Ermənistanda yaşayan azərbaycanlı ailələr” kimi təqdim edirlər. Guya ki, onlar Ermənistan vətəndaşı olan “azərbaycanlı”lardır və Paşinyan hakimiyyətinin zorakılıq siyasətindən əziyyət çəkdikləri üçün bu addımı atıblar.

Məlum olduğu kimi, ermənilərin özlərini “azərbaycanlı” kimi təqdim etməsinin altında incə bir erməni hiyləsi, məkri dayanır. Əslində, onların saxta sənədlərlə “azarbaycanlı” adı ilə mühacirət etməsi Ermənistanın xeyrinədir. Onların “azərbaycanlı” kimliyi almasında Paşinyan hökuməti xüsusilə maraqlıdır. Bu mənada ki, Ermənistan hökuməti bununla “sübut” etmək istəyir ki, Ermənistan monoetnik dövlət deyil, burada “azərbaycanlılar” da yaşayırlar. Həqiqətdə isə Ermənistanda nəinki azərbaycanlılar, hətta gürcülər. ruslar və digər xalqların təmsilçiləri belə yaşamırlar. Onu da qeyd edək ki, Ermənistandan qaçıb xarici ölkələrdə sığınacaq almaq istəyən “azərbaycanlılar”ın şəxsiyyətləri araşdırılandan sonra onların erməni olduğu üzə çıxır, bu da onların deportasiyası ilə nəticələnir.

  • “Avropada ermənilərin çox pis imici var və Ermənistandan köçüb gedən ermənilər bu ölkələrdə arzuedilən deyillər”

Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, ermənilər nəinki Ermənistanda, eləcə də başqa ölkələrdə özlərini “azərbaycanlı” kimi təqdim etməkdən çəkinmirlər. Bunun Azərbaycana qarşı böyük təxribat olduğunu deyən Q.Hacıyevin sözlərinə görə, Ermənistan bütün dünyada özünü humanist, sülhsevər bir dövlət kimi təqdim etməyə cəhd göstərir. “Ermənistan get-gedə boşalır, ermənilər buranı kütləvi olaraq tərk edirlər. Əlbəttə, bu, ilk növbədə, ölkədə baş alıb gedən aclıqla, səfalətlə, iqtisadi tənəzzüllə, işsizliklə bağlıdır. Digər tərəfdən də ermənilər Paşinyan rejiminin amansız davranışlarından əziyyət çəkirlər. O ki, qaldı Ermənistandan köçüb gedən ermənilərin özlərini “azərbaycanlı” kimi təqdim edərək Avropa ölkələrindən siyasi sığınacaq almasına, bu faktdır və ermənilər son illər bu üsuldan istifadə edirlər. Hesab edirəm ki, bu, məqsədli şəkildə həyata keçirilən bir siyasətdir. Bilirsiniz ki, Avropada ermənilərin çox pis imici var və Ermənistandan köçüb gedən ermənilər bu ölkələrdə arzuedilən deyillər. Çünki onlar siyasi sığınacaq almaq istədikləri ölkələrdə cinayətlər törədir, oğurluq edir, başqa xoşagəlməz əməllərlə məşğul olurlar. Bu amil də onların Avropa ölkələrində sığınacaq almalarına əngəl törədir. Ermənilərin xarici ölkələrə “azərbaycanlı” kimi mühacirət etməsinin səbəbi həm Ermənistanı “çoxmillətli” dövlət kimi göstərmək, həm də azərbaycanlıların adından istifadə edərək həmin ölkələrdə sığınacaq almaqdır. Əslində, həmin ermənilərə “azərbaycanlı” sənədini Ermənistanın müvafiq qurumları verir. Yəni onlar bu sənədləri başqa yerdən almır, birbaşa Paşinyan rejimindən əldə edirlər. Əlbəttə, dünyada ermənilər kimi hiyləgər, məkrli, hər şeydən öz mənfəətləri üçün istifadə edən ikinci bir xalq yoxdur. “Azərbaycanlı” adından da onlar öz çirkin niyyətlərini həyata keçirmək üçün açıq şəkildə istifadə edirlər”.

Q.Hacıyevin sözlərinə görə, hətta Türkiyədə belə özünü “azərbaycanlı” kimi təqdim edən ermənilər çoxdur, lakin onların sənədləri dərindən araşdırıldıqdan sonra erməni olduqları üzə çıxır. Q.Hacıyevin bildirdiyinə görə, “azərbaycanlı” adı ilə Ermənistandan Avropa ölkələrinə mühacirət edən ermənilərin də kimliyi araşdırıldıqdan sonra onlar həmin ölkələrdən Ermənistana deportasiya edilirlər. “Paşinyan rejimi xüsusi hiyləgərlik işlədərək bu ölkədən xaricə köçən ermənilərə “azərbaycanlı” sənədi verir ki, guya onlar Ermənistanda yaşayan “azərbaycanlılardır”. Halbuki, Ermənistanda bir nəfər də olsa azərbaycanlı yaşamır. Ermənilər 1988-ci ildə azərbaycanlıları bir nəfərinədək öz ata-baba yurdlarından deportasiya ediblər.

Bilirsiniz, bu gün bütün beynəlxalq ictimaiyyət Ermənistanı monoetnik dövlət olmaqda suçlayır. Bu halda, ermənilərin köməyinə müxtəlif hiylə və saxtakarlıqlar gəlir. Bunlardan biri də özlərini “azərbaycanlı” kimi təqdim etmələridir” - deyə Q.Hacıyev vurğuladı.

İradə SARIYEVA

Son xəbərlər