Ermənistanın keçmiş müdafiə naziri, silahlı qüvvələrin keçmiş Baş Qərargah rəisi, general-polkovnik Mikael Arutunyanın adı Rusiyada axtarılan şəxslər siyahısından çıxarılıb. Bu barədə məlumatı erməni KİV-i yayıb.
General M.Arutunyan Ermənistanda 2008-ci il 1 mart hadisələrinin istintaqı çərçivəsində MDB çərçivəsində dövlətlərarası axtarışa verilmişdi. Bildirilir ki, artıq M.Arutunyanı Rusiyada heç bir təhlükə gözləmir. Lakin o,başqa MDB ölkələrində görünsə,həbs olunub Ermənistana təhvil verilə bilər. Qeyd edilir ki, Arutunyanın həbsi və təhvil verilməsi barədə sorğu Ermənistanın Baş Pokurorluğundan deyil, Rusiyaya dövlətlərarası axtarış xətti ilə daxil olub. Həmin orderdə Arutyunyanın Rusiyadakı ev ünvanı da göstərilib.
Bu mövzu ətrafında aparılan müzakirələrdə ekspertlər bildirirdilər, Arutyunyanın Ermənistana verilməsi mümkün deyil. Çünki onun 2002-ci ildən Rusiya pasportu var. Ermənistanın polis rəisi Valeri Osipyanın bildirdiyinə görə, Arutyunyan, habelə keçmiş prezident Serj Sarkisyanın qardaşı Levon və qohumu Ani Sarkisyan iyul ayından etibarən dövlətlərarası axtarışa verilib. Qeyd edək ki, Arutunyan Qarabağda erməni ordusunun işğal əməliyyatlarının planlaşdırılmasına rəhbərlik edənlərdən biridir. 1994-2007-ci illərdə isə Ermənistan Silahlı Qüvvələrinin Baş Qrargah rəisi işləyib. 2007-2008-ci illərdə müdafiə naziri olub. 2008-ci ilin aprelindən isə Ermənistan Pezidenti yanında bş hərbi müfəttiş idi. Ötən il Nikol Paşinyanın hakimiyyətə gəlişindən sonra axtarışa verilib. Xatırladaq ki, bir müddət əvvəl Rusiya hakimiyyəti Ermənistanın Məhkəmə Atlarının Məcburi İcrası Xidmətinin keçmiş rəisi Miqran Poqosyana müvəqqəti sığınacaq verib. O, Ermənistan hakimiyyəti tərəfindən vəzifə səlahiyyətlərindən sui-istifadə etməkdə təqsirləndirilirdi. İrəan onun ekstradisiyası üçün Moskvaya rəsmi müraciət etsə də, Rusiya həmin tələbi yerinə yetirməyib. Rusiya tərəfindən atılan bu iki mühüm addım nəyi söyləməyə əsas verir?
- Hatəm Cabbarlı: “Ermənistanın sabiq müdafiə naziri Mikael Arutunyanın Rusiyada axtarışının dayandırılması da İrəvana təzyiq formalarından biridir”
Siyasi elmlər doktoru Hatəm Cabbarlı “Bakı-Xəbər”ə açıqlamasında bildirdi ki, Nikol Paşinyanın Ermənistanda inqiab nəticəsində hakimiyyətə gəlməsindən sonra, son 28 ildə formalaşan Ermənistan-Rusiya münasibətlərində qırılma nöqtəsi yaşandı: “Nikol Paşinyan hakimiyyətinin ilk dönəmində Rusiyaya qarşı səsləndirdiyi sərt bəyanatları ilə yadda qalmışdı. Xüsusilə də son bir il yarımlıq hakimiyyəti dönəmində iki ölkə arasındakı soyuqluq artan faza üzrə inkişaf edib. Bunlardan ən birincisi Rusiyanın sadiq müttəfiqlərindən olan Robert Köçəryanın həbsidir. Həmin həbs tərəflər arasındakı münasibətləri daha da gərginləşdirib. Buna baxmayaraq, Rusiya dolayı yolla Paşinyan hakimiyyətinə xəbərdarlıq etdi ki, müəyyən addımlar atsın. Rusiya Prezidenti Putinin həbsdə olan Paşinyana iki dəfə öz adından təbrik göndərməsi buna əyani sübutdur. Tərəflər arasındakı münasibətlərin pis olduğunu şərtləndirən başqa amillər də mövcuddur. Rəsmi səviyyələrdə onlar bir-birini müttəfiq, strateji partnyor kimi qələmə verməyə çalışsalar da, soyuqluğu gizlətmək mümkün deyil. Bunlardan biri də özünü Rusiyaya sığınmış, Paşinyan əleyhdarları kimi tanınan yüksək rütbəli sabiq məmurlarla bağlı yaşananlarda göstərir. Ermənistanın sabiq müdafiə naziri M.Arutunyanın Rusiyada axtarışının dayandırılması da İrəvana təzyiq formalarından biridir. Rusiya tərəfi bəyan edir ki, onlara göndərilən məktubda Arutunyanın cinayət törətmədiyi, başqa məqsədlərlə təqib edildiyi və ən əsası, onun Rusiya vətəndaşı olduğu öz əksini tapıb. Bütün bu diplomatik cavaba baxmayaraq, burada İrəvana Rusiyanın təzyiqi açıq özünü göstərir. Çünki bir müddət əvvəl Moskva Paşinyan tərəfdən təqib olunan başqa bir sabiq məmuru da Ermənistana verməkdən imtina etdi. Bunları Paşinyan hökumətinə ünvanlanan son xəbərdarlıq kimi qəbul edə bilərik. Oktyabrda Ermənistanda Avrasiya İqtisadi Birliyinin zirvə görüşü keçiriləcək. Həmin görüşdə Putinin iştirakı da gözlənir. Bütün bu problemlərlə bağlı ətraflı müzakirənin aparılacağına dair ehtimallar böyükdür. Ancaq düşünmürəm ki, münasibətlərin normallaşacağına dair bir razılıq əldə olunsun. Çünki Paşinyan konkret yönü bəlli olan siyasətçi deyil. Rusiya da ondan özünün istədiyi addımların atılmasını görməsə, heç bir güzəşt olmaycaq”.
Məhəmmədəli QƏRİBLİ
.jpg)
.jpg)
