08/12/2019 06:23
728 x 90

Paşinyan ABŞ-da erməni diasporu ilə 22 sentyabr görüşünün üstündə niyə bu qədər əsir...

“Paşinyan Los-Ancelesdəki erməni icmasına, lobbisinə son ümid yeri kimi baxır”

img

Ermənistan cəmiyyətini böhran vəziyyətinə gətirib çıxaran və erməni xalqını səfil duruma çatdıran Ermənistanın Baş naziri Nikol Paşinyan yeni xilas yolları arayır. Paşinyan əlini hara uzadırsa, əli havada qalır. Ermənilərə verdiyi vədin heç birini yerinə yetirməyən Paşinyana xaricdəki erməni diasporu da üz vermir.

Baxmayaraq ki, o, bütün çıxışlarında, görüşlərində xaricdəki erməni diasporuna əl uzadır, onlardan kömək umur. Lakin diaspor da Paşinyana hər hansı bir dəstək vermir. Avropa ölkələrindəki diaspor qurumlarından əli üzülən Paşinyan avqustun 5-də Xankəndidə keçirdiyi ümumerməni mitinqində və ondan əvvəl keçirdiyi görüşlərdə xaricdə fəaliyyət göstərən erməni lobbisinə, xüsusən də Los-Ancelesdəki erməni icmasına müxtəlif çağırışlar ünvanlayıb. Məlum olduğu kimi, Paşinyan hazırda daha çox Los-Ancelesdəki erməni icması ilə görüşə can atır. Sentyabrın 22-də Los-Anceles erməniləri ilə Paşinyanın görüşü baş tutacaq. Onu da qeyd edək ki, Paşinyan Los Ancelesin erməni icması ilə görüşə xüsusi canfəşanlıqla hazırlaşır və bu görüşün baş tutması üçün əlindən gələni edir.

  • Qasım Hacıyev: “...bu maliyyəni erməni icmasından qoparmaq istəyir”

Paşinyanın Los-Anceles səfərinin üstündə bu qədər əsməsinin səbəblərini şərh edən Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, bu gün Rusiyada, eləcə də Avropa ölkələrində olan erməni diaspor qurumları Paşinyana heç bir dəstək vermək istəmirlər. Paşinyanın öz hakimiyyətini bərkitmək üçün diaspordan pul qoparmaq niyyətinin elə də uğurlu alınmadığını deyən Q.Hacıyev hesab edir ki, o, Los-Ancelesdəki erməni icmasından həm pul qoparmaq istəyir, həm də onların birmənalı dəstəyini qazanmaq məqsədi güdür. Q.Hacıyev, həmçinin, bildirdi ki, Paşinyanın ABŞ səfərinin əsas məqsədi həm də erməni lobbisinin köməkliyilə Dağlıq Qarabağ məsələsinin həllində ABŞ-ın yüksək cinli şəxslərinin dəstəyini qazanmaqdır. “Ermənistan Baş nazirinin ABŞ-a səfərinin əsas səbəblərindən biri özünün cəfəng “Dağlıq Qarabağ Ermənistandır” planını reallaşdırmaqla bağlıdır. O hazırda bu məsələdə Los-Ancelesdəki erməni icmasının dəstəyini əldə etmək istəyir. Demək istəyirəm ki, Paşinyanın Los-Ancelesə səfəri təsadüfi xarakter daşımır, o bu səfərə məqsədli şəkildə gedir. Paşinyanın Los-Ancelesdəki erməni icmasından, lobbisindən umacağı çoxdur. Paşinyanın Dağlıq Qarabağla bağlı iyrənc planını həyata keçirmək üçün maliyyəyə də ehtiyacı var və o bu maliyyəni erməni icmasından qoparmaq istəyir. Bu gün Ermənistan dilənçi vəziyyətindədir, müxtəlif dövlətlərdən, o cümlədən də ABŞ-dan aldığı ianələr hesabına öz varlığını qoruyub saxlaya bilir. Ermənistan elə əvvəldən xarici dövlətlərin qarşısında diz çöküb “timsah göz yaşları” axıdaraq, ianə alırdı, bu gün də eyni yolu davam etdirir. Ermənilər xarici dövlətlərdən həm maddi, həm də mənəvi dəstək almaq istəyirlər. Bilirsiniz ki, bir çox iri xarici dövlətlərdə erməni diasporu fəaliyyət göstərir. Ən böyük erməni lobbisi Fransada, ABŞ-da və Rusiyadadır. Paşinyan yalnız ABŞ-dan deyil, digər dövlətlərdən də dilənçi payı umur. Ermənistanın ayaq üstə qalmasının səbəbi erməni diasporunun verdiyi maliyyə yardımıdır. Bu yaxınlarda ABŞ Konqresi ölkədə sosial vəziyyətin yaxşılaşdırılması üçün Ermənistana 84 milyon dollar ayırıb. Paşinyan indiyə qədər öz mövqeyini düzgün şəkildə bildirməyib. O həmişə Rusiyanın əleyhinə olub. Paşinyan hakimiyyətə Qərb tərəfindən gətirilib. Bu baxımdan Paşinyanın ümidi var ki, bu dəfə də ABŞ və Los-Ancelesdəki erməni diasporu ona dəstək verə bilər. Paşinyan Los-Ancelesdəki erməni icmasının həddən artıq güclü olduğuna inanır və buna görə də o icmadan maddi və mənəvi dəstək almaq istəyir. O hesab edir ki, Los-Ancelesdəki erməni icması ilə əlaqələr qurulularsa, onun vasitəsilə öz cəfəng fikirlərini həyata keçirmək üçün daha böyük imkan əldə edər. Paşinyanın özünün böyük nüfuzu yoxdur ki, diaspor onun sözü ilə oturub-dursun, hərəkət etsin. Xaricdəki erməni diasporunun ən çox narazı olduğu dövlət başçısı elə Nikol Paşinyandır. Qərbin Paşinyanın tərəfində olmasına baxmayaraq, xaricdəki erməni diasporu Paşinyanın tərəfində deyil. Başqa diasporlardan əli üzülüb və Paşinyanın yeganə ümid yeri Los-Ancelesdəki erməni icmasıdır. Paşinyan Los-Ancelesdəki erməni icmasına, lobbisinə son ümid yeri kimi baxır” - deyən Q.Hacıyevin sözlərinə görə, xaricdəki erməni diasporunu Paşinyandan narazı salan səbəb Paşinyanın sərsəmliyidir. Onun sözlərinə görə, xaricdəki erməni diasporu Paşinyanın davranışlarından çox narazıdır.

İradə SARIYEVA

Son xəbərlər