20/09/2019 23:08
728 x 90

Gürcüstanda azərbaycanlılara sərinləşən münasibətin kökü - “ilmə” ermənilərdən gəlir...

“1950-ci ildən indiyə kimi Gürcüstanda 100 mindən çox erməni gürcü familiyasına keçib”

img

Azərbaycanın Ermənistan istisna olmaqla özü ilə həmsərhəd olan ölkələrin hamısı ilə  münasibətləri çox normaldır. Ermənistan isə işğalçı siyasəti ilə özünü belə münasibətlərdən təcrid etmiş olub. Bununla yanaşı, Ermənistan hər vəchlə Azərbaycanın qonşu ölkələrlə münasibətlərini pozmağa çalışır. Belə ölkələrdən biri də Gürcüstandır.

Ermənistan həm özünün yürütdüyü dövlət siyasəti vasitəsilə, həm də Gürcüstanda yaşayan ermənilərin köməyilə iki ölkə arasındakı mehriban münasibətlərə maksimum xələl gətirməyə çalışır. Artıq Gürcüstana səfər edən soydaşlarımız bunun ilkin rüşeymlərini hiss etməyə başlayıblar. Məsələn, bu il Gürcüstanda yay istirahətini keçirən bir çox soydaşımızın həmin ölkədəki münasibətdən gileyləndiyinin şahidi oluruq. Bu qəbildən olan vətəndaşlarımızla söhbət zamanı onlar deyirlər ki, ötən illər belə tendensiya müşahidə edilmirdi: “Bu il bizdən daha çox pul qoparmağa çalışırlar. Getdiyimiz yerlərdə yaxşı xidmət etmirlər. Biləndə ki, Azərbaycandan gəlmişik, çox sərt rəftar edirlər”. Bunu əsasən Tiflisdə yox, Batumidə, Qara dənizin sahilində istirahət etmiş soydaşlarımız müşahidə ediblər.

Gürcüstanın yerli vətəndaşları ilə söhbət zamanı məlum oldu ki, belə tendensiyalar müşahidə olunsa da, heç də Gürcüstan dövlətinin yürütdüyü siyasətlə bağlı deyil: “Bəziləri bunu Keşikçidağ hadisəsi ilə əlaqələndirməyə çalışır, amma kökündən yanlışdır. Bunun başlıca səbəbi Batumi və digər kurort şəhərlərindəki ictimai iaşə və xidmət sektorunun kütləvi şəkildə ermənilərin əlində cəmləşməsidir”. Araşdırmalarımız zamanı bu fakt özünün tam təsdiqini tapdı. 

  • Kamran Ramazanlı: “Soyadlarını gürcüləşdirmiş ermənilərin böyük əksəriyyəti mühüm postlarda çalışır”

Gürcüstan əsilli tanınmış ictimai fəal Kamran Ramazanlı qəzetimizə bildirdi ki, Gürcüstan-Azərbaycan münasibətlərində bəzi xoşagəlməz hallar müşahidə olundu: “Bu heç də o demək deyil ki, dövlətlər arasındakı münasibətlər gərgindir. Xoşagəlməz hal kimi Gürcüstanda Qarabağda öldürülən erməni əsilli bir şəxsə büstün qoyulmasını və Keşikçidağda baş verən anlaşılmazlığı aid edə bilərik. Hiss olunurdu ki, hər iki prosesi qızışdırmaqda maraqlı olan üçüncü tərəf var. Bu da ermənilərdir. Onlar düşündürücü şəkildə iki ölkə arasındakı münasibətləri pozmaq istəyirlər. Bizdə də dediyiniz qəbildən olan məlumatlar var ki, kurort şəhərlərində erməni əsilli iş adamları kütləvi şəkildə xidmət sahələrini ələ keçirirlər. Proseslər birbaşa Ermənistandan idarə edilir. Bir faktı deyim. 1950-ci ildən indiyə kimi Gürcüstanda 100 mindən çox erməni gürcü familiyasına keçib. Onların heç erməni olduğunu bilmək də mümkün deyil. Belələri lap ciddi təhlükə mənbəyidir. Soyadlarını gürcüləşdirmiş ermənilərin böyük əksəriyyəti mühüm postlarda çalışır. Bütün bunlar təsadüfi məsələlər deyil. Çox sağ olun ki, belə incə məqamlara toxunursunuz. Bu cür mövzuları ictimailəşdirmək lazımdır ki, Gürcüstan hökuməti xəbərdar olub, müvafiq tədbirlər görsün. Əks halda vəziyyət daha da pisləşəcək”.

Məhəmmədəli QƏRİBLİ

Son xəbərlər